| Library / Tipiṭaka / तिपिटक • Tipiṭaka / अङ्गुत्तरनिकाय (टीका) • Aṅguttaranikāya (ṭīkā) |
२. दुतियपण्णासकं
2. Dutiyapaṇṇāsakaṃ
(६) १. सचित्तवग्गो
(6) 1. Sacittavaggo
१-१०. सचित्तसुत्तादिवण्णना
1-10. Sacittasuttādivaṇṇanā
५१-६०. दुतियस्स पठमादीनि उत्तानत्थानि। दसमे पित्तं समुट्ठानमेतेसन्ति पित्तसमुट्ठाना, पित्तपच्चयापित्तहेतुकाति अत्थो। सेम्हसमुट्ठानादीसुपि एसेव नयो। सन्निपातिकाति तिण्णम्पि पित्तादीनं कोपेन समुट्ठिता। उतुपरिणामजाति विसभागउतुतो जाता। जङ्गलदेसवासीनञ्हि अनूपदेसे वसन्तानं विसभागो च उतु उप्पज्जति, अनूपदेसवासीनञ्च जङ्गलदेसेति एवं परसमुद्दतीरादिवसेनपि उतुविसभागता उप्पज्जतियेव। ततो जाताति उतुपरिणामजा। अत्तनो पकतिचरियानं विसयानं विसमं कायपरिहरणवसेन जाता विसमपरिहारजा। तेनाह ‘‘अतिचिरट्ठाननिसज्जादिना विसमपरिहारेन जाता’’ति। आदि-सद्देन महाभारवहनसुधाकोट्टनादीनं सङ्गहो। परस्स उपक्कमतो निब्बत्ता ओपक्कमिका। बाहिरं पच्चयं अनपेक्खित्वा केवलं कम्मविपाकतोव जाता कम्मविपाकजा। तत्थ पुरिमेहि सत्तहि कारणेहि उप्पन्ना सारीरिका वेदना सक्का पटिबाहितुं, कम्मविपाकजानं पन सब्बभेसज्जानिपि सब्बपरित्तानिपि नालं पटिघाताय।
51-60. Dutiyassa paṭhamādīni uttānatthāni. Dasame pittaṃ samuṭṭhānametesanti pittasamuṭṭhānā, pittapaccayāpittahetukāti attho. Semhasamuṭṭhānādīsupi eseva nayo. Sannipātikāti tiṇṇampi pittādīnaṃ kopena samuṭṭhitā. Utupariṇāmajāti visabhāgaututo jātā. Jaṅgaladesavāsīnañhi anūpadese vasantānaṃ visabhāgo ca utu uppajjati, anūpadesavāsīnañca jaṅgaladeseti evaṃ parasamuddatīrādivasenapi utuvisabhāgatā uppajjatiyeva. Tato jātāti utupariṇāmajā. Attano pakaticariyānaṃ visayānaṃ visamaṃ kāyapariharaṇavasena jātā visamaparihārajā. Tenāha ‘‘aticiraṭṭhānanisajjādinā visamaparihārena jātā’’ti. Ādi-saddena mahābhāravahanasudhākoṭṭanādīnaṃ saṅgaho. Parassa upakkamato nibbattā opakkamikā. Bāhiraṃ paccayaṃ anapekkhitvā kevalaṃ kammavipākatova jātā kammavipākajā. Tattha purimehi sattahi kāraṇehi uppannā sārīrikā vedanā sakkā paṭibāhituṃ, kammavipākajānaṃ pana sabbabhesajjānipi sabbaparittānipi nālaṃ paṭighātāya.
सचित्तसुत्तादिवण्णना निट्ठिता।
Sacittasuttādivaṇṇanā niṭṭhitā.
सचित्तवग्गवण्णना निट्ठिता।
Sacittavaggavaṇṇanā niṭṭhitā.
Related texts:
तिपिटक (मूल) • Tipiṭaka (Mūla) / सुत्तपिटक • Suttapiṭaka / अङ्गुत्तरनिकाय • Aṅguttaranikāya
१. सचित्तसुत्तं • 1. Sacittasuttaṃ
२. सारिपुत्तसुत्तं • 2. Sāriputtasuttaṃ
३. ठितिसुत्तं • 3. Ṭhitisuttaṃ
४. समथसुत्तं • 4. Samathasuttaṃ
५. परिहानसुत्तं • 5. Parihānasuttaṃ
६. पठमसञ्ञासुत्तं • 6. Paṭhamasaññāsuttaṃ
७. दुतियसञ्ञासुत्तं • 7. Dutiyasaññāsuttaṃ
८. मूलकसुत्तं • 8. Mūlakasuttaṃ
९. पब्बज्जासुत्तं • 9. Pabbajjāsuttaṃ
१०. गिरिमानन्दसुत्तं • 10. Girimānandasuttaṃ
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / अङ्गुत्तरनिकाय (अट्ठकथा) • Aṅguttaranikāya (aṭṭhakathā)
१-४. सचित्तसुत्तादिवण्णना • 1-4. Sacittasuttādivaṇṇanā
८. मूलकसुत्तवण्णना • 8. Mūlakasuttavaṇṇanā
९. पब्बज्जासुत्तवण्णना • 9. Pabbajjāsuttavaṇṇanā
१०. गिरिमानन्दसुत्तवण्णना • 10. Girimānandasuttavaṇṇanā
