| Library / Tipiṭaka / ติปิฎก • Tipiṭaka / องฺคุตฺตรนิกาย (ฎีกา) • Aṅguttaranikāya (ṭīkā) |
๒. ทุติยปณฺณาสกํ
2. Dutiyapaṇṇāsakaṃ
(๖) ๑. สจิตฺตวโคฺค
(6) 1. Sacittavaggo
๑-๑๐. สจิตฺตสุตฺตาทิวณฺณนา
1-10. Sacittasuttādivaṇṇanā
๕๑-๖๐. ทุติยสฺส ปฐมาทีนิ อุตฺตานตฺถานิฯ ทสเม ปิตฺตํ สมุฎฺฐานเมเตสนฺติ ปิตฺตสมุฎฺฐานา, ปิตฺตปจฺจยาปิตฺตเหตุกาติ อโตฺถฯ เสมฺหสมุฎฺฐานาทีสุปิ เอเสว นโยฯ สนฺนิปาติกาติ ติณฺณมฺปิ ปิตฺตาทีนํ โกเปน สมุฎฺฐิตาฯ อุตุปริณามชาติ วิสภาคอุตุโต ชาตาฯ ชงฺคลเทสวาสีนญฺหิ อนูปเทเส วสนฺตานํ วิสภาโค จ อุตุ อุปฺปชฺชติ, อนูปเทสวาสีนญฺจ ชงฺคลเทเสติ เอวํ ปรสมุทฺทตีราทิวเสนปิ อุตุวิสภาคตา อุปฺปชฺชติเยวฯ ตโต ชาตาติ อุตุปริณามชาฯ อตฺตโน ปกติจริยานํ วิสยานํ วิสมํ กายปริหรณวเสน ชาตา วิสมปริหารชาฯ เตนาห ‘‘อติจิรฎฺฐานนิสชฺชาทินา วิสมปริหาเรน ชาตา’’ติฯ อาทิ-สเทฺทน มหาภารวหนสุธาโกฎฺฎนาทีนํ สงฺคโหฯ ปรสฺส อุปกฺกมโต นิพฺพตฺตา โอปกฺกมิกาฯ พาหิรํ ปจฺจยํ อนเปกฺขิตฺวา เกวลํ กมฺมวิปากโตว ชาตา กมฺมวิปากชาฯ ตตฺถ ปุริเมหิ สตฺตหิ การเณหิ อุปฺปนฺนา สารีริกา เวทนา สกฺกา ปฎิพาหิตุํ, กมฺมวิปากชานํ ปน สพฺพเภสชฺชานิปิ สพฺพปริตฺตานิปิ นาลํ ปฎิฆาตายฯ
51-60. Dutiyassa paṭhamādīni uttānatthāni. Dasame pittaṃ samuṭṭhānametesanti pittasamuṭṭhānā, pittapaccayāpittahetukāti attho. Semhasamuṭṭhānādīsupi eseva nayo. Sannipātikāti tiṇṇampi pittādīnaṃ kopena samuṭṭhitā. Utupariṇāmajāti visabhāgaututo jātā. Jaṅgaladesavāsīnañhi anūpadese vasantānaṃ visabhāgo ca utu uppajjati, anūpadesavāsīnañca jaṅgaladeseti evaṃ parasamuddatīrādivasenapi utuvisabhāgatā uppajjatiyeva. Tato jātāti utupariṇāmajā. Attano pakaticariyānaṃ visayānaṃ visamaṃ kāyapariharaṇavasena jātā visamaparihārajā. Tenāha ‘‘aticiraṭṭhānanisajjādinā visamaparihārena jātā’’ti. Ādi-saddena mahābhāravahanasudhākoṭṭanādīnaṃ saṅgaho. Parassa upakkamato nibbattā opakkamikā. Bāhiraṃ paccayaṃ anapekkhitvā kevalaṃ kammavipākatova jātā kammavipākajā. Tattha purimehi sattahi kāraṇehi uppannā sārīrikā vedanā sakkā paṭibāhituṃ, kammavipākajānaṃ pana sabbabhesajjānipi sabbaparittānipi nālaṃ paṭighātāya.
สจิตฺตสุตฺตาทิวณฺณนา นิฎฺฐิตาฯ
Sacittasuttādivaṇṇanā niṭṭhitā.
สจิตฺตวคฺควณฺณนา นิฎฺฐิตาฯ
Sacittavaggavaṇṇanā niṭṭhitā.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / องฺคุตฺตรนิกาย • Aṅguttaranikāya
๑. สจิตฺตสุตฺตํ • 1. Sacittasuttaṃ
๒. สาริปุตฺตสุตฺตํ • 2. Sāriputtasuttaṃ
๓. ฐิติสุตฺตํ • 3. Ṭhitisuttaṃ
๔. สมถสุตฺตํ • 4. Samathasuttaṃ
๕. ปริหานสุตฺตํ • 5. Parihānasuttaṃ
๖. ปฐมสญฺญาสุตฺตํ • 6. Paṭhamasaññāsuttaṃ
๗. ทุติยสญฺญาสุตฺตํ • 7. Dutiyasaññāsuttaṃ
๘. มูลกสุตฺตํ • 8. Mūlakasuttaṃ
๙. ปพฺพชฺชาสุตฺตํ • 9. Pabbajjāsuttaṃ
๑๐. คิริมานนฺทสุตฺตํ • 10. Girimānandasuttaṃ
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / องฺคุตฺตรนิกาย (อฎฺฐกถา) • Aṅguttaranikāya (aṭṭhakathā)
๑-๔. สจิตฺตสุตฺตาทิวณฺณนา • 1-4. Sacittasuttādivaṇṇanā
๘. มูลกสุตฺตวณฺณนา • 8. Mūlakasuttavaṇṇanā
๙. ปพฺพชฺชาสุตฺตวณฺณนา • 9. Pabbajjāsuttavaṇṇanā
๑๐. คิริมานนฺทสุตฺตวณฺณนา • 10. Girimānandasuttavaṇṇanā
