| Library / Tipiṭaka / តិបិដក • Tipiṭaka / អង្គុត្តរនិកាយ (ដីកា) • Aṅguttaranikāya (ṭīkā) |
២. ទុតិយបណ្ណាសកំ
2. Dutiyapaṇṇāsakaṃ
(៦) ១. សចិត្តវគ្គោ
(6) 1. Sacittavaggo
១-១០. សចិត្តសុត្តាទិវណ្ណនា
1-10. Sacittasuttādivaṇṇanā
៥១-៦០. ទុតិយស្ស បឋមាទីនិ ឧត្តានត្ថានិ។ ទសមេ បិត្តំ សមុដ្ឋានមេតេសន្តិ បិត្តសមុដ្ឋានា, បិត្តបច្ចយាបិត្តហេតុកាតិ អត្ថោ។ សេម្ហសមុដ្ឋានាទីសុបិ ឯសេវ នយោ។ សន្និបាតិកាតិ តិណ្ណម្បិ បិត្តាទីនំ កោបេន សមុដ្ឋិតា។ ឧតុបរិណាមជាតិ វិសភាគឧតុតោ ជាតា។ ជង្គលទេសវាសីនញ្ហិ អនូបទេសេ វសន្តានំ វិសភាគោ ច ឧតុ ឧប្បជ្ជតិ, អនូបទេសវាសីនញ្ច ជង្គលទេសេតិ ឯវំ បរសមុទ្ទតីរាទិវសេនបិ ឧតុវិសភាគតា ឧប្បជ្ជតិយេវ។ តតោ ជាតាតិ ឧតុបរិណាមជា។ អត្តនោ បកតិចរិយានំ វិសយានំ វិសមំ កាយបរិហរណវសេន ជាតា វិសមបរិហារជា។ តេនាហ ‘‘អតិចិរដ្ឋាននិសជ្ជាទិនា វិសមបរិហារេន ជាតា’’តិ។ អាទិ-សទ្ទេន មហាភារវហនសុធាកោដ្ដនាទីនំ សង្គហោ។ បរស្ស ឧបក្កមតោ និព្ពត្តា ឱបក្កមិកា។ ពាហិរំ បច្ចយំ អនបេក្ខិត្វា កេវលំ កម្មវិបាកតោវ ជាតា កម្មវិបាកជា។ តត្ថ បុរិមេហិ សត្តហិ ការណេហិ ឧប្បន្នា សារីរិកា វេទនា សក្កា បដិពាហិតុំ, កម្មវិបាកជានំ បន សព្ពភេសជ្ជានិបិ សព្ពបរិត្តានិបិ នាលំ បដិឃាតាយ។
51-60. Dutiyassa paṭhamādīni uttānatthāni. Dasame pittaṃ samuṭṭhānametesanti pittasamuṭṭhānā, pittapaccayāpittahetukāti attho. Semhasamuṭṭhānādīsupi eseva nayo. Sannipātikāti tiṇṇampi pittādīnaṃ kopena samuṭṭhitā. Utupariṇāmajāti visabhāgaututo jātā. Jaṅgaladesavāsīnañhi anūpadese vasantānaṃ visabhāgo ca utu uppajjati, anūpadesavāsīnañca jaṅgaladeseti evaṃ parasamuddatīrādivasenapi utuvisabhāgatā uppajjatiyeva. Tato jātāti utupariṇāmajā. Attano pakaticariyānaṃ visayānaṃ visamaṃ kāyapariharaṇavasena jātā visamaparihārajā. Tenāha ‘‘aticiraṭṭhānanisajjādinā visamaparihārena jātā’’ti. Ādi-saddena mahābhāravahanasudhākoṭṭanādīnaṃ saṅgaho. Parassa upakkamato nibbattā opakkamikā. Bāhiraṃ paccayaṃ anapekkhitvā kevalaṃ kammavipākatova jātā kammavipākajā. Tattha purimehi sattahi kāraṇehi uppannā sārīrikā vedanā sakkā paṭibāhituṃ, kammavipākajānaṃ pana sabbabhesajjānipi sabbaparittānipi nālaṃ paṭighātāya.
សចិត្តសុត្តាទិវណ្ណនា និដ្ឋិតា។
Sacittasuttādivaṇṇanā niṭṭhitā.
សចិត្តវគ្គវណ្ណនា និដ្ឋិតា។
Sacittavaggavaṇṇanā niṭṭhitā.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / អង្គុត្តរនិកាយ • Aṅguttaranikāya
១. សចិត្តសុត្តំ • 1. Sacittasuttaṃ
២. សារិបុត្តសុត្តំ • 2. Sāriputtasuttaṃ
៣. ឋិតិសុត្តំ • 3. Ṭhitisuttaṃ
៤. សមថសុត្តំ • 4. Samathasuttaṃ
៥. បរិហានសុត្តំ • 5. Parihānasuttaṃ
៦. បឋមសញ្ញាសុត្តំ • 6. Paṭhamasaññāsuttaṃ
៧. ទុតិយសញ្ញាសុត្តំ • 7. Dutiyasaññāsuttaṃ
៨. មូលកសុត្តំ • 8. Mūlakasuttaṃ
៩. បព្ពជ្ជាសុត្តំ • 9. Pabbajjāsuttaṃ
១០. គិរិមានន្ទសុត្តំ • 10. Girimānandasuttaṃ
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / អង្គុត្តរនិកាយ (អដ្ឋកថា) • Aṅguttaranikāya (aṭṭhakathā)
១-៤. សចិត្តសុត្តាទិវណ្ណនា • 1-4. Sacittasuttādivaṇṇanā
៨. មូលកសុត្តវណ្ណនា • 8. Mūlakasuttavaṇṇanā
៩. បព្ពជ្ជាសុត្តវណ្ណនា • 9. Pabbajjāsuttavaṇṇanā
១០. គិរិមានន្ទសុត្តវណ្ណនា • 10. Girimānandasuttavaṇṇanā
