| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) |
੨. ਦੁਤਿਯਪਣ੍ਣਾਸਕਂ
2. Dutiyapaṇṇāsakaṃ
(੬) ੧. ਸਚਿਤ੍ਤવਗ੍ਗੋ
(6) 1. Sacittavaggo
੧-੧੦. ਸਚਿਤ੍ਤਸੁਤ੍ਤਾਦਿવਣ੍ਣਨਾ
1-10. Sacittasuttādivaṇṇanā
੫੧-੬੦. ਦੁਤਿਯਸ੍ਸ ਪਠਮਾਦੀਨਿ ਉਤ੍ਤਾਨਤ੍ਥਾਨਿ। ਦਸਮੇ ਪਿਤ੍ਤਂ ਸਮੁਟ੍ਠਾਨਮੇਤੇਸਨ੍ਤਿ ਪਿਤ੍ਤਸਮੁਟ੍ਠਾਨਾ, ਪਿਤ੍ਤਪਚ੍ਚਯਾਪਿਤ੍ਤਹੇਤੁਕਾਤਿ ਅਤ੍ਥੋ। ਸੇਮ੍ਹਸਮੁਟ੍ਠਾਨਾਦੀਸੁਪਿ ਏਸੇવ ਨਯੋ। ਸਨ੍ਨਿਪਾਤਿਕਾਤਿ ਤਿਣ੍ਣਮ੍ਪਿ ਪਿਤ੍ਤਾਦੀਨਂ ਕੋਪੇਨ ਸਮੁਟ੍ਠਿਤਾ। ਉਤੁਪਰਿਣਾਮਜਾਤਿ વਿਸਭਾਗਉਤੁਤੋ ਜਾਤਾ। ਜਙ੍ਗਲਦੇਸવਾਸੀਨਞ੍ਹਿ ਅਨੂਪਦੇਸੇ વਸਨ੍ਤਾਨਂ વਿਸਭਾਗੋ ਚ ਉਤੁ ਉਪ੍ਪਜ੍ਜਤਿ, ਅਨੂਪਦੇਸવਾਸੀਨਞ੍ਚ ਜਙ੍ਗਲਦੇਸੇਤਿ ਏવਂ ਪਰਸਮੁਦ੍ਦਤੀਰਾਦਿવਸੇਨਪਿ ਉਤੁવਿਸਭਾਗਤਾ ਉਪ੍ਪਜ੍ਜਤਿਯੇવ। ਤਤੋ ਜਾਤਾਤਿ ਉਤੁਪਰਿਣਾਮਜਾ। ਅਤ੍ਤਨੋ ਪਕਤਿਚਰਿਯਾਨਂ વਿਸਯਾਨਂ વਿਸਮਂ ਕਾਯਪਰਿਹਰਣવਸੇਨ ਜਾਤਾ વਿਸਮਪਰਿਹਾਰਜਾ। ਤੇਨਾਹ ‘‘ਅਤਿਚਿਰਟ੍ਠਾਨਨਿਸਜ੍ਜਾਦਿਨਾ વਿਸਮਪਰਿਹਾਰੇਨ ਜਾਤਾ’’ਤਿ। ਆਦਿ-ਸਦ੍ਦੇਨ ਮਹਾਭਾਰવਹਨਸੁਧਾਕੋਟ੍ਟਨਾਦੀਨਂ ਸਙ੍ਗਹੋ। ਪਰਸ੍ਸ ਉਪਕ੍ਕਮਤੋ ਨਿਬ੍ਬਤ੍ਤਾ ਓਪਕ੍ਕਮਿਕਾ। ਬਾਹਿਰਂ ਪਚ੍ਚਯਂ ਅਨਪੇਕ੍ਖਿਤ੍વਾ ਕੇવਲਂ ਕਮ੍ਮવਿਪਾਕਤੋવ ਜਾਤਾ ਕਮ੍ਮવਿਪਾਕਜਾ। ਤਤ੍ਥ ਪੁਰਿਮੇਹਿ ਸਤ੍ਤਹਿ ਕਾਰਣੇਹਿ ਉਪ੍ਪਨ੍ਨਾ ਸਾਰੀਰਿਕਾ વੇਦਨਾ ਸਕ੍ਕਾ ਪਟਿਬਾਹਿਤੁਂ, ਕਮ੍ਮવਿਪਾਕਜਾਨਂ ਪਨ ਸਬ੍ਬਭੇਸਜ੍ਜਾਨਿਪਿ ਸਬ੍ਬਪਰਿਤ੍ਤਾਨਿਪਿ ਨਾਲਂ ਪਟਿਘਾਤਾਯ।
51-60. Dutiyassa paṭhamādīni uttānatthāni. Dasame pittaṃ samuṭṭhānametesanti pittasamuṭṭhānā, pittapaccayāpittahetukāti attho. Semhasamuṭṭhānādīsupi eseva nayo. Sannipātikāti tiṇṇampi pittādīnaṃ kopena samuṭṭhitā. Utupariṇāmajāti visabhāgaututo jātā. Jaṅgaladesavāsīnañhi anūpadese vasantānaṃ visabhāgo ca utu uppajjati, anūpadesavāsīnañca jaṅgaladeseti evaṃ parasamuddatīrādivasenapi utuvisabhāgatā uppajjatiyeva. Tato jātāti utupariṇāmajā. Attano pakaticariyānaṃ visayānaṃ visamaṃ kāyapariharaṇavasena jātā visamaparihārajā. Tenāha ‘‘aticiraṭṭhānanisajjādinā visamaparihārena jātā’’ti. Ādi-saddena mahābhāravahanasudhākoṭṭanādīnaṃ saṅgaho. Parassa upakkamato nibbattā opakkamikā. Bāhiraṃ paccayaṃ anapekkhitvā kevalaṃ kammavipākatova jātā kammavipākajā. Tattha purimehi sattahi kāraṇehi uppannā sārīrikā vedanā sakkā paṭibāhituṃ, kammavipākajānaṃ pana sabbabhesajjānipi sabbaparittānipi nālaṃ paṭighātāya.
ਸਚਿਤ੍ਤਸੁਤ੍ਤਾਦਿવਣ੍ਣਨਾ ਨਿਟ੍ਠਿਤਾ।
Sacittasuttādivaṇṇanā niṭṭhitā.
ਸਚਿਤ੍ਤવਗ੍ਗવਣ੍ਣਨਾ ਨਿਟ੍ਠਿਤਾ।
Sacittavaggavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya
੧. ਸਚਿਤ੍ਤਸੁਤ੍ਤਂ • 1. Sacittasuttaṃ
੨. ਸਾਰਿਪੁਤ੍ਤਸੁਤ੍ਤਂ • 2. Sāriputtasuttaṃ
੩. ਠਿਤਿਸੁਤ੍ਤਂ • 3. Ṭhitisuttaṃ
੪. ਸਮਥਸੁਤ੍ਤਂ • 4. Samathasuttaṃ
੫. ਪਰਿਹਾਨਸੁਤ੍ਤਂ • 5. Parihānasuttaṃ
੬. ਪਠਮਸਞ੍ਞਾਸੁਤ੍ਤਂ • 6. Paṭhamasaññāsuttaṃ
੭. ਦੁਤਿਯਸਞ੍ਞਾਸੁਤ੍ਤਂ • 7. Dutiyasaññāsuttaṃ
੮. ਮੂਲਕਸੁਤ੍ਤਂ • 8. Mūlakasuttaṃ
੯. ਪਬ੍ਬਜ੍ਜਾਸੁਤ੍ਤਂ • 9. Pabbajjāsuttaṃ
੧੦. ਗਿਰਿਮਾਨਨ੍ਦਸੁਤ੍ਤਂ • 10. Girimānandasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā)
੧-੪. ਸਚਿਤ੍ਤਸੁਤ੍ਤਾਦਿવਣ੍ਣਨਾ • 1-4. Sacittasuttādivaṇṇanā
੮. ਮੂਲਕਸੁਤ੍ਤવਣ੍ਣਨਾ • 8. Mūlakasuttavaṇṇanā
੯. ਪਬ੍ਬਜ੍ਜਾਸੁਤ੍ਤવਣ੍ਣਨਾ • 9. Pabbajjāsuttavaṇṇanā
੧੦. ਗਿਰਿਮਾਨਨ੍ਦਸੁਤ੍ਤવਣ੍ਣਨਾ • 10. Girimānandasuttavaṇṇanā
