| Library / Tipiṭaka / д̇ибидага • Tipiṭaka / гат̇аавад̇т̇убаал̣и • Kathāvatthupāḷi |
18. адтаарасамаваг̇г̇о
18. Aṭṭhārasamavaggo
(184) 8. сад̣̇д̣̇ам̣ сун̣аад̇ийд̇игат̇аа
(184) 8. Saddaṃ suṇātītikathā
823. самаабанно сад̣̇д̣̇ам̣ сун̣аад̇ийд̇и? ааманд̇аа. самаабанно жагкунаа руубам̣ бассад̇и…бз… сод̇зна…бз… гхаанзна…бз… ж̇ивхааяа…бз… гааязна подтаб̣б̣ам̣ пусад̇ийд̇и? на хзвам̣ вад̇д̇аб̣б̣з…бз….
823. Samāpanno saddaṃ suṇātīti? Āmantā. Samāpanno cakkhunā rūpaṃ passati…pe… sotena…pe… ghānena…pe… jivhāya…pe… kāyena phoṭṭhabbaṃ phusatīti? Na hevaṃ vattabbe…pe….
самаабанно сад̣̇д̣̇ам̣ сун̣аад̇ийд̇и? ааманд̇аа. сод̇авин̃н̃аан̣асаман̇г̇ий самаабаннод̇и? на хзвам̣ вад̇д̇аб̣б̣з. нану самаад̇хи мановин̃н̃аан̣асаман̇г̇иссаад̇и? ааманд̇аа. хан̃жи самаад̇хи мановин̃н̃аан̣асаман̇г̇исса, но жа вад̇а рз вад̇д̇аб̣б̣з – ‘‘самаабанно сад̣̇д̣̇ам̣ сун̣аад̇ий’’д̇и.
Samāpanno saddaṃ suṇātīti? Āmantā. Sotaviññāṇasamaṅgī samāpannoti? Na hevaṃ vattabbe. Nanu samādhi manoviññāṇasamaṅgissāti? Āmantā. Hañci samādhi manoviññāṇasamaṅgissa, no ca vata re vattabbe – ‘‘samāpanno saddaṃ suṇātī’’ti.
самаад̇хи мановин̃н̃аан̣асаман̇г̇исса, сод̇авин̃н̃аан̣асаман̇г̇ий сад̣̇д̣̇ам̣ сун̣аад̇ийд̇и? ааманд̇аа. хан̃жи самаад̇хи мановин̃н̃аан̣асаман̇г̇исса, сод̇авин̃н̃аан̣асаман̇г̇ий сад̣̇д̣̇ам̣ сун̣аад̇и, но жа вад̇а рз вад̇д̇аб̣б̣з – ‘‘самаабанно сад̣̇д̣̇ам̣ сун̣аад̇ий’’д̇и . самаад̇хи мановин̃н̃аан̣асаман̇г̇исса, сод̇авин̃н̃аан̣асаман̇г̇ий сад̣̇д̣̇ам̣ сун̣аад̇ийд̇и? ааманд̇аа. д̣̇виннам̣ пассаанам̣…бз… д̣̇виннам̣ жид̇д̇аанам̣ самод̇хаанам̣ ход̇ийд̇и? на хзвам̣ вад̇д̇аб̣б̣з…бз….
Samādhi manoviññāṇasamaṅgissa, sotaviññāṇasamaṅgī saddaṃ suṇātīti? Āmantā. Hañci samādhi manoviññāṇasamaṅgissa, sotaviññāṇasamaṅgī saddaṃ suṇāti, no ca vata re vattabbe – ‘‘samāpanno saddaṃ suṇātī’’ti . Samādhi manoviññāṇasamaṅgissa, sotaviññāṇasamaṅgī saddaṃ suṇātīti? Āmantā. Dvinnaṃ phassānaṃ…pe… dvinnaṃ cittānaṃ samodhānaṃ hotīti? Na hevaṃ vattabbe…pe….
824. на вад̇д̇аб̣б̣ам̣ – ‘‘самаабанно сад̣̇д̣̇ам̣ сун̣аад̇ий’’д̇и? ааманд̇аа. нану батамасса жхаанасса сад̣̇д̣̇о ган̣даго вуд̇д̇о бхаг̇авад̇аад̇и? ааманд̇аа . хан̃жи батамасса жхаанасса сад̣̇д̣̇о ган̣даго вуд̇д̇о бхаг̇авад̇аа, д̇зна вад̇а рз вад̇д̇аб̣б̣з – ‘‘самаабанно сад̣̇д̣̇ам̣ сун̣аад̇ий’’д̇и.
824. Na vattabbaṃ – ‘‘samāpanno saddaṃ suṇātī’’ti? Āmantā. Nanu paṭhamassa jhānassa saddo kaṇṭako vutto bhagavatāti? Āmantā . Hañci paṭhamassa jhānassa saddo kaṇṭako vutto bhagavatā, tena vata re vattabbe – ‘‘samāpanno saddaṃ suṇātī’’ti.
825. батамасса жхаанасса сад̣̇д̣̇о ган̣даго вуд̇д̇о бхаг̇авад̇аад̇и, самаабанно сад̣̇д̣̇ам̣ сун̣аад̇ийд̇и? ааманд̇аа. д̣̇уд̇ияасса жхаанасса вид̇агго вижааро ган̣даго вуд̇д̇о бхаг̇авад̇аа, ад̇т̇и д̇асса вид̇аггавижаараад̇и? на хзвам̣ вад̇д̇аб̣б̣з…бз….
825. Paṭhamassa jhānassa saddo kaṇṭako vutto bhagavatāti, samāpanno saddaṃ suṇātīti? Āmantā. Dutiyassa jhānassa vitakko vicāro kaṇṭako vutto bhagavatā, atthi tassa vitakkavicārāti? Na hevaṃ vattabbe…pe….
батамасса жхаанасса сад̣̇д̣̇о ган̣даго вуд̇д̇о бхаг̇авад̇аад̇и, самаабанно сад̣̇д̣̇ам̣ сун̣аад̇ийд̇и? ааманд̇аа. д̇ад̇ияасса жхаанасса бийд̇и ган̣даго…бз… жад̇уд̇т̇асса жхаанасса ассаасабассаасо ган̣даго … аагаасаанан̃жааяад̇анам̣ самаабаннасса руубасан̃н̃аа ган̣даго… вин̃н̃аан̣ан̃жааяад̇анам̣ самаабаннасса аагаасаанан̃жааяад̇анасан̃н̃аа ган̣даго… аагин̃жан̃н̃ааяад̇анам̣ самаабаннасса вин̃н̃аан̣ан̃жааяад̇анасан̃н̃аа ган̣даго… нзвасан̃н̃аанаасан̃н̃ааяад̇анам̣ самаабаннасса аагин̃жан̃н̃ааяад̇анасан̃н̃аа ган̣даго… сан̃н̃аавзд̣̇аяид̇анирод̇хам̣ самаабаннасса сан̃н̃аа жа взд̣̇анаа жа ган̣даго вуд̇д̇о бхаг̇авад̇аа, ад̇т̇и д̇асса сан̃н̃аа жа взд̣̇анаа жаад̇и? на хзвам̣ вад̇д̇аб̣б̣з…бз….
Paṭhamassa jhānassa saddo kaṇṭako vutto bhagavatāti, samāpanno saddaṃ suṇātīti? Āmantā. Tatiyassa jhānassa pīti kaṇṭako…pe… catutthassa jhānassa assāsapassāso kaṇṭako … ākāsānañcāyatanaṃ samāpannassa rūpasaññā kaṇṭako… viññāṇañcāyatanaṃ samāpannassa ākāsānañcāyatanasaññā kaṇṭako… ākiñcaññāyatanaṃ samāpannassa viññāṇañcāyatanasaññā kaṇṭako… nevasaññānāsaññāyatanaṃ samāpannassa ākiñcaññāyatanasaññā kaṇṭako… saññāvedayitanirodhaṃ samāpannassa saññā ca vedanā ca kaṇṭako vutto bhagavatā, atthi tassa saññā ca vedanā cāti? Na hevaṃ vattabbe…pe….
сад̣̇д̣̇ам̣ сун̣аад̇ийд̇игат̇аа нидтид̇аа.
Saddaṃ suṇātītikathā niṭṭhitā.
Related texts:
адтагат̇аа • Aṭṭhakathā / абхид̇хаммабидага (адтагат̇аа) • Abhidhammapiṭaka (aṭṭhakathā) / бан̃жабагаран̣а-адтагат̇аа • Pañcapakaraṇa-aṭṭhakathā / 8. самаабанно сад̣̇д̣̇ам̣ сун̣аад̇ийд̇игат̇ааван̣н̣анаа • 8. Samāpanno saddaṃ suṇātītikathāvaṇṇanā
