| Library / Tipiṭaka / ติปิฎก • Tipiṭaka / กถาวตฺถุปาฬิ • Kathāvatthupāḷi |
๑๘. อฎฺฐารสมวโคฺค
18. Aṭṭhārasamavaggo
(๑๘๔) ๘. สทฺทํ สุณาตีติกถา
(184) 8. Saddaṃ suṇātītikathā
๘๒๓. สมาปโนฺน สทฺทํ สุณาตีติ? อามนฺตาฯ สมาปโนฺน จกฺขุนา รูปํ ปสฺสติ…เป.… โสเตน…เป.… ฆาเนน…เป.… ชิวฺหาย…เป.… กาเยน โผฎฺฐพฺพํ ผุสตีติ? น เหวํ วตฺตเพฺพ…เป.…ฯ
823. Samāpanno saddaṃ suṇātīti? Āmantā. Samāpanno cakkhunā rūpaṃ passati…pe… sotena…pe… ghānena…pe… jivhāya…pe… kāyena phoṭṭhabbaṃ phusatīti? Na hevaṃ vattabbe…pe….
สมาปโนฺน สทฺทํ สุณาตีติ? อามนฺตาฯ โสตวิญฺญาณสมงฺคี สมาปโนฺนติ? น เหวํ วตฺตเพฺพฯ นนุ สมาธิ มโนวิญฺญาณสมงฺคิสฺสาติ? อามนฺตาฯ หญฺจิ สมาธิ มโนวิญฺญาณสมงฺคิสฺส, โน จ วต เร วตฺตเพฺพ – ‘‘สมาปโนฺน สทฺทํ สุณาตี’’ติฯ
Samāpanno saddaṃ suṇātīti? Āmantā. Sotaviññāṇasamaṅgī samāpannoti? Na hevaṃ vattabbe. Nanu samādhi manoviññāṇasamaṅgissāti? Āmantā. Hañci samādhi manoviññāṇasamaṅgissa, no ca vata re vattabbe – ‘‘samāpanno saddaṃ suṇātī’’ti.
สมาธิ มโนวิญฺญาณสมงฺคิสฺส, โสตวิญฺญาณสมงฺคี สทฺทํ สุณาตีติ? อามนฺตาฯ หญฺจิ สมาธิ มโนวิญฺญาณสมงฺคิสฺส, โสตวิญฺญาณสมงฺคี สทฺทํ สุณาติ, โน จ วต เร วตฺตเพฺพ – ‘‘สมาปโนฺน สทฺทํ สุณาตี’’ติ ฯ สมาธิ มโนวิญฺญาณสมงฺคิสฺส, โสตวิญฺญาณสมงฺคี สทฺทํ สุณาตีติ? อามนฺตาฯ ทฺวินฺนํ ผสฺสานํ…เป.… ทฺวินฺนํ จิตฺตานํ สโมธานํ โหตีติ? น เหวํ วตฺตเพฺพ…เป.…ฯ
Samādhi manoviññāṇasamaṅgissa, sotaviññāṇasamaṅgī saddaṃ suṇātīti? Āmantā. Hañci samādhi manoviññāṇasamaṅgissa, sotaviññāṇasamaṅgī saddaṃ suṇāti, no ca vata re vattabbe – ‘‘samāpanno saddaṃ suṇātī’’ti . Samādhi manoviññāṇasamaṅgissa, sotaviññāṇasamaṅgī saddaṃ suṇātīti? Āmantā. Dvinnaṃ phassānaṃ…pe… dvinnaṃ cittānaṃ samodhānaṃ hotīti? Na hevaṃ vattabbe…pe….
๘๒๔. น วตฺตพฺพํ – ‘‘สมาปโนฺน สทฺทํ สุณาตี’’ติ? อามนฺตาฯ นนุ ปฐมสฺส ฌานสฺส สโทฺท กณฺฎโก วุโตฺต ภควตาติ? อามนฺตา ฯ หญฺจิ ปฐมสฺส ฌานสฺส สโทฺท กณฺฎโก วุโตฺต ภควตา, เตน วต เร วตฺตเพฺพ – ‘‘สมาปโนฺน สทฺทํ สุณาตี’’ติฯ
824. Na vattabbaṃ – ‘‘samāpanno saddaṃ suṇātī’’ti? Āmantā. Nanu paṭhamassa jhānassa saddo kaṇṭako vutto bhagavatāti? Āmantā . Hañci paṭhamassa jhānassa saddo kaṇṭako vutto bhagavatā, tena vata re vattabbe – ‘‘samāpanno saddaṃ suṇātī’’ti.
๘๒๕. ปฐมสฺส ฌานสฺส สโทฺท กณฺฎโก วุโตฺต ภควตาติ, สมาปโนฺน สทฺทํ สุณาตีติ? อามนฺตาฯ ทุติยสฺส ฌานสฺส วิตโกฺก วิจาโร กณฺฎโก วุโตฺต ภควตา, อตฺถิ ตสฺส วิตกฺกวิจาราติ? น เหวํ วตฺตเพฺพ…เป.…ฯ
825. Paṭhamassa jhānassa saddo kaṇṭako vutto bhagavatāti, samāpanno saddaṃ suṇātīti? Āmantā. Dutiyassa jhānassa vitakko vicāro kaṇṭako vutto bhagavatā, atthi tassa vitakkavicārāti? Na hevaṃ vattabbe…pe….
ปฐมสฺส ฌานสฺส สโทฺท กณฺฎโก วุโตฺต ภควตาติ, สมาปโนฺน สทฺทํ สุณาตีติ? อามนฺตาฯ ตติยสฺส ฌานสฺส ปีติ กณฺฎโก…เป.… จตุตฺถสฺส ฌานสฺส อสฺสาสปสฺสาโส กณฺฎโก … อากาสานญฺจายตนํ สมาปนฺนสฺส รูปสญฺญา กณฺฎโก… วิญฺญาณญฺจายตนํ สมาปนฺนสฺส อากาสานญฺจายตนสญฺญา กณฺฎโก… อากิญฺจญฺญายตนํ สมาปนฺนสฺส วิญฺญาณญฺจายตนสญฺญา กณฺฎโก… เนวสญฺญานาสญฺญายตนํ สมาปนฺนสฺส อากิญฺจญฺญายตนสญฺญา กณฺฎโก… สญฺญาเวทยิตนิโรธํ สมาปนฺนสฺส สญฺญา จ เวทนา จ กณฺฎโก วุโตฺต ภควตา, อตฺถิ ตสฺส สญฺญา จ เวทนา จาติ? น เหวํ วตฺตเพฺพ…เป.…ฯ
Paṭhamassa jhānassa saddo kaṇṭako vutto bhagavatāti, samāpanno saddaṃ suṇātīti? Āmantā. Tatiyassa jhānassa pīti kaṇṭako…pe… catutthassa jhānassa assāsapassāso kaṇṭako … ākāsānañcāyatanaṃ samāpannassa rūpasaññā kaṇṭako… viññāṇañcāyatanaṃ samāpannassa ākāsānañcāyatanasaññā kaṇṭako… ākiñcaññāyatanaṃ samāpannassa viññāṇañcāyatanasaññā kaṇṭako… nevasaññānāsaññāyatanaṃ samāpannassa ākiñcaññāyatanasaññā kaṇṭako… saññāvedayitanirodhaṃ samāpannassa saññā ca vedanā ca kaṇṭako vutto bhagavatā, atthi tassa saññā ca vedanā cāti? Na hevaṃ vattabbe…pe….
สทฺทํ สุณาตีติกถา นิฎฺฐิตาฯ
Saddaṃ suṇātītikathā niṭṭhitā.
Related texts:
อฎฺฐกถา • Aṭṭhakathā / อภิธมฺมปิฎก (อฎฺฐกถา) • Abhidhammapiṭaka (aṭṭhakathā) / ปญฺจปกรณ-อฎฺฐกถา • Pañcapakaraṇa-aṭṭhakathā / ๘. สมาปโนฺน สทฺทํ สุณาตีติกถาวณฺณนา • 8. Samāpanno saddaṃ suṇātītikathāvaṇṇanā
