| Library / Tipiṭaka / ਤਿਪਿਟਕ • Tipiṭaka / ਕਥਾવਤ੍ਥੁਪਾਲ਼ਿ • Kathāvatthupāḷi |
੧੮. ਅਟ੍ਠਾਰਸਮવਗ੍ਗੋ
18. Aṭṭhārasamavaggo
(੧੮੪) ੮. ਸਦ੍ਦਂ ਸੁਣਾਤੀਤਿਕਥਾ
(184) 8. Saddaṃ suṇātītikathā
੮੨੩. ਸਮਾਪਨ੍ਨੋ ਸਦ੍ਦਂ ਸੁਣਾਤੀਤਿ? ਆਮਨ੍ਤਾ। ਸਮਾਪਨ੍ਨੋ ਚਕ੍ਖੁਨਾ ਰੂਪਂ ਪਸ੍ਸਤਿ…ਪੇ॰… ਸੋਤੇਨ…ਪੇ॰… ਘਾਨੇਨ…ਪੇ॰… ਜਿવ੍ਹਾਯ…ਪੇ॰… ਕਾਯੇਨ ਫੋਟ੍ਠਬ੍ਬਂ ਫੁਸਤੀਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
823. Samāpanno saddaṃ suṇātīti? Āmantā. Samāpanno cakkhunā rūpaṃ passati…pe… sotena…pe… ghānena…pe… jivhāya…pe… kāyena phoṭṭhabbaṃ phusatīti? Na hevaṃ vattabbe…pe….
ਸਮਾਪਨ੍ਨੋ ਸਦ੍ਦਂ ਸੁਣਾਤੀਤਿ? ਆਮਨ੍ਤਾ। ਸੋਤવਿਞ੍ਞਾਣਸਮਙ੍ਗੀ ਸਮਾਪਨ੍ਨੋਤਿ? ਨ ਹੇવਂ વਤ੍ਤਬ੍ਬੇ। ਨਨੁ ਸਮਾਧਿ ਮਨੋવਿਞ੍ਞਾਣਸਮਙ੍ਗਿਸ੍ਸਾਤਿ? ਆਮਨ੍ਤਾ। ਹਞ੍ਚਿ ਸਮਾਧਿ ਮਨੋવਿਞ੍ਞਾਣਸਮਙ੍ਗਿਸ੍ਸ, ਨੋ ਚ વਤ ਰੇ વਤ੍ਤਬ੍ਬੇ – ‘‘ਸਮਾਪਨ੍ਨੋ ਸਦ੍ਦਂ ਸੁਣਾਤੀ’’ਤਿ।
Samāpanno saddaṃ suṇātīti? Āmantā. Sotaviññāṇasamaṅgī samāpannoti? Na hevaṃ vattabbe. Nanu samādhi manoviññāṇasamaṅgissāti? Āmantā. Hañci samādhi manoviññāṇasamaṅgissa, no ca vata re vattabbe – ‘‘samāpanno saddaṃ suṇātī’’ti.
ਸਮਾਧਿ ਮਨੋવਿਞ੍ਞਾਣਸਮਙ੍ਗਿਸ੍ਸ, ਸੋਤવਿਞ੍ਞਾਣਸਮਙ੍ਗੀ ਸਦ੍ਦਂ ਸੁਣਾਤੀਤਿ? ਆਮਨ੍ਤਾ। ਹਞ੍ਚਿ ਸਮਾਧਿ ਮਨੋવਿਞ੍ਞਾਣਸਮਙ੍ਗਿਸ੍ਸ, ਸੋਤવਿਞ੍ਞਾਣਸਮਙ੍ਗੀ ਸਦ੍ਦਂ ਸੁਣਾਤਿ, ਨੋ ਚ વਤ ਰੇ વਤ੍ਤਬ੍ਬੇ – ‘‘ਸਮਾਪਨ੍ਨੋ ਸਦ੍ਦਂ ਸੁਣਾਤੀ’’ਤਿ । ਸਮਾਧਿ ਮਨੋવਿਞ੍ਞਾਣਸਮਙ੍ਗਿਸ੍ਸ, ਸੋਤવਿਞ੍ਞਾਣਸਮਙ੍ਗੀ ਸਦ੍ਦਂ ਸੁਣਾਤੀਤਿ? ਆਮਨ੍ਤਾ। ਦ੍વਿਨ੍ਨਂ ਫਸ੍ਸਾਨਂ…ਪੇ॰… ਦ੍વਿਨ੍ਨਂ ਚਿਤ੍ਤਾਨਂ ਸਮੋਧਾਨਂ ਹੋਤੀਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
Samādhi manoviññāṇasamaṅgissa, sotaviññāṇasamaṅgī saddaṃ suṇātīti? Āmantā. Hañci samādhi manoviññāṇasamaṅgissa, sotaviññāṇasamaṅgī saddaṃ suṇāti, no ca vata re vattabbe – ‘‘samāpanno saddaṃ suṇātī’’ti . Samādhi manoviññāṇasamaṅgissa, sotaviññāṇasamaṅgī saddaṃ suṇātīti? Āmantā. Dvinnaṃ phassānaṃ…pe… dvinnaṃ cittānaṃ samodhānaṃ hotīti? Na hevaṃ vattabbe…pe….
੮੨੪. ਨ વਤ੍ਤਬ੍ਬਂ – ‘‘ਸਮਾਪਨ੍ਨੋ ਸਦ੍ਦਂ ਸੁਣਾਤੀ’’ਤਿ? ਆਮਨ੍ਤਾ। ਨਨੁ ਪਠਮਸ੍ਸ ਝਾਨਸ੍ਸ ਸਦ੍ਦੋ ਕਣ੍ਟਕੋ વੁਤ੍ਤੋ ਭਗવਤਾਤਿ? ਆਮਨ੍ਤਾ । ਹਞ੍ਚਿ ਪਠਮਸ੍ਸ ਝਾਨਸ੍ਸ ਸਦ੍ਦੋ ਕਣ੍ਟਕੋ વੁਤ੍ਤੋ ਭਗવਤਾ, ਤੇਨ વਤ ਰੇ વਤ੍ਤਬ੍ਬੇ – ‘‘ਸਮਾਪਨ੍ਨੋ ਸਦ੍ਦਂ ਸੁਣਾਤੀ’’ਤਿ।
824. Na vattabbaṃ – ‘‘samāpanno saddaṃ suṇātī’’ti? Āmantā. Nanu paṭhamassa jhānassa saddo kaṇṭako vutto bhagavatāti? Āmantā . Hañci paṭhamassa jhānassa saddo kaṇṭako vutto bhagavatā, tena vata re vattabbe – ‘‘samāpanno saddaṃ suṇātī’’ti.
੮੨੫. ਪਠਮਸ੍ਸ ਝਾਨਸ੍ਸ ਸਦ੍ਦੋ ਕਣ੍ਟਕੋ વੁਤ੍ਤੋ ਭਗવਤਾਤਿ, ਸਮਾਪਨ੍ਨੋ ਸਦ੍ਦਂ ਸੁਣਾਤੀਤਿ? ਆਮਨ੍ਤਾ। ਦੁਤਿਯਸ੍ਸ ਝਾਨਸ੍ਸ વਿਤਕ੍ਕੋ વਿਚਾਰੋ ਕਣ੍ਟਕੋ વੁਤ੍ਤੋ ਭਗવਤਾ, ਅਤ੍ਥਿ ਤਸ੍ਸ વਿਤਕ੍ਕવਿਚਾਰਾਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
825. Paṭhamassa jhānassa saddo kaṇṭako vutto bhagavatāti, samāpanno saddaṃ suṇātīti? Āmantā. Dutiyassa jhānassa vitakko vicāro kaṇṭako vutto bhagavatā, atthi tassa vitakkavicārāti? Na hevaṃ vattabbe…pe….
ਪਠਮਸ੍ਸ ਝਾਨਸ੍ਸ ਸਦ੍ਦੋ ਕਣ੍ਟਕੋ વੁਤ੍ਤੋ ਭਗવਤਾਤਿ, ਸਮਾਪਨ੍ਨੋ ਸਦ੍ਦਂ ਸੁਣਾਤੀਤਿ? ਆਮਨ੍ਤਾ। ਤਤਿਯਸ੍ਸ ਝਾਨਸ੍ਸ ਪੀਤਿ ਕਣ੍ਟਕੋ…ਪੇ॰… ਚਤੁਤ੍ਥਸ੍ਸ ਝਾਨਸ੍ਸ ਅਸ੍ਸਾਸਪਸ੍ਸਾਸੋ ਕਣ੍ਟਕੋ … ਆਕਾਸਾਨਞ੍ਚਾਯਤਨਂ ਸਮਾਪਨ੍ਨਸ੍ਸ ਰੂਪਸਞ੍ਞਾ ਕਣ੍ਟਕੋ… વਿਞ੍ਞਾਣਞ੍ਚਾਯਤਨਂ ਸਮਾਪਨ੍ਨਸ੍ਸ ਆਕਾਸਾਨਞ੍ਚਾਯਤਨਸਞ੍ਞਾ ਕਣ੍ਟਕੋ… ਆਕਿਞ੍ਚਞ੍ਞਾਯਤਨਂ ਸਮਾਪਨ੍ਨਸ੍ਸ વਿਞ੍ਞਾਣਞ੍ਚਾਯਤਨਸਞ੍ਞਾ ਕਣ੍ਟਕੋ… ਨੇવਸਞ੍ਞਾਨਾਸਞ੍ਞਾਯਤਨਂ ਸਮਾਪਨ੍ਨਸ੍ਸ ਆਕਿਞ੍ਚਞ੍ਞਾਯਤਨਸਞ੍ਞਾ ਕਣ੍ਟਕੋ… ਸਞ੍ਞਾવੇਦਯਿਤਨਿਰੋਧਂ ਸਮਾਪਨ੍ਨਸ੍ਸ ਸਞ੍ਞਾ ਚ વੇਦਨਾ ਚ ਕਣ੍ਟਕੋ વੁਤ੍ਤੋ ਭਗવਤਾ, ਅਤ੍ਥਿ ਤਸ੍ਸ ਸਞ੍ਞਾ ਚ વੇਦਨਾ ਚਾਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
Paṭhamassa jhānassa saddo kaṇṭako vutto bhagavatāti, samāpanno saddaṃ suṇātīti? Āmantā. Tatiyassa jhānassa pīti kaṇṭako…pe… catutthassa jhānassa assāsapassāso kaṇṭako … ākāsānañcāyatanaṃ samāpannassa rūpasaññā kaṇṭako… viññāṇañcāyatanaṃ samāpannassa ākāsānañcāyatanasaññā kaṇṭako… ākiñcaññāyatanaṃ samāpannassa viññāṇañcāyatanasaññā kaṇṭako… nevasaññānāsaññāyatanaṃ samāpannassa ākiñcaññāyatanasaññā kaṇṭako… saññāvedayitanirodhaṃ samāpannassa saññā ca vedanā ca kaṇṭako vutto bhagavatā, atthi tassa saññā ca vedanā cāti? Na hevaṃ vattabbe…pe….
ਸਦ੍ਦਂ ਸੁਣਾਤੀਤਿਕਥਾ ਨਿਟ੍ਠਿਤਾ।
Saddaṃ suṇātītikathā niṭṭhitā.
Related texts:
ਅਟ੍ਠਕਥਾ • Aṭṭhakathā / ਅਭਿਧਮ੍ਮਪਿਟਕ (ਅਟ੍ਠਕਥਾ) • Abhidhammapiṭaka (aṭṭhakathā) / ਪਞ੍ਚਪਕਰਣ-ਅਟ੍ਠਕਥਾ • Pañcapakaraṇa-aṭṭhakathā / ੮. ਸਮਾਪਨ੍ਨੋ ਸਦ੍ਦਂ ਸੁਣਾਤੀਤਿਕਥਾવਣ੍ਣਨਾ • 8. Samāpanno saddaṃ suṇātītikathāvaṇṇanā
