| Library / Tipiṭaka / तिपिटक • Tipiṭaka / अपदानपाळि • Apadānapāḷi |
३६. सद्दसञ्ञकवग्गो
36. Saddasaññakavaggo
१. सद्दसञ्ञकत्थेरअपदानं
1. Saddasaññakattheraapadānaṃ
१.
1.
‘‘मिगलुद्दो पुरे आसिं, अरञ्ञे कानने अहं।
‘‘Migaluddo pure āsiṃ, araññe kānane ahaṃ;
तत्थद्दसासिं सम्बुद्धं, देवसङ्घपुरक्खतं॥
Tatthaddasāsiṃ sambuddhaṃ, devasaṅghapurakkhataṃ.
२.
2.
‘‘चतुसच्चं पकासेन्तं, उद्धरन्तं महाजनं।
‘‘Catusaccaṃ pakāsentaṃ, uddharantaṃ mahājanaṃ;
३.
3.
‘‘ब्रह्मसरस्स मुनिनो, सिखिनो लोकबन्धुनो।
‘‘Brahmasarassa munino, sikhino lokabandhuno;
घोसे चित्तं पसादेत्वा, पत्तोम्हि आसवक्खयं॥
Ghose cittaṃ pasādetvā, pattomhi āsavakkhayaṃ.
४.
4.
‘‘एकत्तिंसे इतो कप्पे, यं कम्ममकरिं तदा।
‘‘Ekattiṃse ito kappe, yaṃ kammamakariṃ tadā;
दुग्गतिं नाभिजानामि, पसादस्स इदं फलं॥
Duggatiṃ nābhijānāmi, pasādassa idaṃ phalaṃ.
५.
5.
‘‘पटिसम्भिदा चतस्सो, विमोक्खापि च अट्ठिमे।
‘‘Paṭisambhidā catasso, vimokkhāpi ca aṭṭhime;
छळभिञ्ञा सच्छिकता, कतं बुद्धस्स सासनं’’॥
Chaḷabhiññā sacchikatā, kataṃ buddhassa sāsanaṃ’’.
इत्थं सुदं आयस्मा सद्दसञ्ञको थेरो इमा गाथायो अभासित्थाति।
Itthaṃ sudaṃ āyasmā saddasaññako thero imā gāthāyo abhāsitthāti.
सद्दसञ्ञकत्थेरस्सापदानं पठमं।
Saddasaññakattherassāpadānaṃ paṭhamaṃ.
Footnotes:
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / अपदान-अट्ठकथा • Apadāna-aṭṭhakathā / १-१०. पदुमकेसरियत्थेरअपदानादिवण्णना • 1-10. Padumakesariyattheraapadānādivaṇṇanā
