| Library / Tipiṭaka / တိပိဋက • Tipiṭaka / အပဒာနပာဠိ • Apadānapāḷi |
၈. သဒ္ဒသညကတ္ထေရအပဒာနံ
8. Saddasaññakattheraapadānaṃ
၄၃.
43.
‘‘ပဗ္ဗတေ ဟိမဝန္တမ္ဟိ၊ ဝသာမိ ပဏ္ဏသန္ထရေ။
‘‘Pabbate himavantamhi, vasāmi paṇṇasanthare;
ဖုသ္သသ္သ ဓမ္မံ ဘဏတော၊ သဒ္ဒေ စိတ္တံ ပသာဒယိံ။
Phussassa dhammaṃ bhaṇato, sadde cittaṃ pasādayiṃ.
၄၄.
44.
‘‘ဒ္ဝေနဝုတေ ဣတော ကပ္ပေ၊ ယံ ကမ္မမကရိံ တဒာ။
‘‘Dvenavute ito kappe, yaṃ kammamakariṃ tadā;
ဒုဂ္ဂတိံ နာဘိဇာနာမိ၊ ပုညကမ္မသ္သိဒံ ဖလံ။
Duggatiṃ nābhijānāmi, puññakammassidaṃ phalaṃ.
၄၅.
45.
‘‘ပဋိသမ္ဘိဒာ စတသ္သော။ပေ.။ ကတံ ဗုဒ္ဓသ္သ သာသနံ’’။
‘‘Paṭisambhidā catasso…pe… kataṃ buddhassa sāsanaṃ’’.
ဣတ္ထံ သုဒံ အာယသ္မာ သဒ္ဒသညကော ထေရော ဣမာ ဂာထာယော အဘာသိတ္ထာတိ။
Itthaṃ sudaṃ āyasmā saddasaññako thero imā gāthāyo abhāsitthāti.
သဒ္ဒသညကတ္ထေရသ္သာပဒာနံ အဋ္ဌမံ။
Saddasaññakattherassāpadānaṃ aṭṭhamaṃ.
Related texts:
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / ခုဒ္ဒကနိကာယ (အဋ္ဌကထာ) • Khuddakanikāya (aṭṭhakathā) / အပဒာန-အဋ္ဌကထာ • Apadāna-aṭṭhakathā / ၈. သဒ္ဒသညကတ္ထေရအပဒာနဝဏ္ဏနာ • 8. Saddasaññakattheraapadānavaṇṇanā
