| Library / Tipiṭaka / තිපිටක • Tipiṭaka / අපදානපාළි • Apadānapāḷi |
36. සද්‌දසඤ්‌ඤකවග්‌ගො
36. Saddasaññakavaggo
1. සද්‌දසඤ්‌ඤකත්‌ථෙරඅපදානං
1. Saddasaññakattheraapadānaṃ
1.
1.
‘‘මිගලුද්‌දො පුරෙ ආසිං, අරඤ්‌ඤෙ කානනෙ අහං;
‘‘Migaluddo pure āsiṃ, araññe kānane ahaṃ;
තත්‌ථද්‌දසාසිං සම්‌බුද්‌ධං, දෙවසඞ්‌ඝපුරක්‌ඛතං.
Tatthaddasāsiṃ sambuddhaṃ, devasaṅghapurakkhataṃ.
2.
2.
‘‘චතුසච්‌චං පකාසෙන්‌තං, උද්‌ධරන්‌තං මහාජනං;
‘‘Catusaccaṃ pakāsentaṃ, uddharantaṃ mahājanaṃ;
3.
3.
‘‘බ්‍රහ්‌මසරස්‌ස මුනිනො, සිඛිනො ලොකබන්‌ධුනො;
‘‘Brahmasarassa munino, sikhino lokabandhuno;
ඝොසෙ චිත්‌තං පසාදෙත්‌වා, පත්‌තොම්‌හි ආසවක්‌ඛයං.
Ghose cittaṃ pasādetvā, pattomhi āsavakkhayaṃ.
4.
4.
‘‘එකත්‌තිංසෙ ඉතො කප්‌පෙ, යං කම්‌මමකරිං තදා;
‘‘Ekattiṃse ito kappe, yaṃ kammamakariṃ tadā;
දුග්‌ගතිං නාභිජානාමි, පසාදස්‌ස ඉදං ඵලං.
Duggatiṃ nābhijānāmi, pasādassa idaṃ phalaṃ.
5.
5.
‘‘පටිසම්‌භිදා චතස්‌සො, විමොක්‌ඛාපි ච අට්‌ඨිමෙ;
‘‘Paṭisambhidā catasso, vimokkhāpi ca aṭṭhime;
ඡළභිඤ්‌ඤා සච්‌ඡිකතා, කතං බුද්‌ධස්‌ස සාසනං’’.
Chaḷabhiññā sacchikatā, kataṃ buddhassa sāsanaṃ’’.
ඉත්‌ථං සුදං ආයස්‌මා සද්‌දසඤ්‌ඤකො ථෙරො ඉමා ගාථායො අභාසිත්‌ථාති.
Itthaṃ sudaṃ āyasmā saddasaññako thero imā gāthāyo abhāsitthāti.
සද්‌දසඤ්‌ඤකත්‌ථෙරස්‌සාපදානං පඨමං.
Saddasaññakattherassāpadānaṃ paṭhamaṃ.
Footnotes:
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / ඛුද්‌දකනිකාය (අට්‌ඨකථා) • Khuddakanikāya (aṭṭhakathā) / අපදාන-අට්‌ඨකථා • Apadāna-aṭṭhakathā / 1-10. පදුමකෙසරියත්‌ථෙරඅපදානාදිවණ්‌ණනා • 1-10. Padumakesariyattheraapadānādivaṇṇanā
