| Library / Tipiṭaka / ਤਿਪਿਟਕ • Tipiṭaka / ਅਪਦਾਨਪਾਲ਼ਿ • Apadānapāḷi |
੩੬. ਸਦ੍ਦਸਞ੍ਞਕવਗ੍ਗੋ
36. Saddasaññakavaggo
੧. ਸਦ੍ਦਸਞ੍ਞਕਤ੍ਥੇਰਅਪਦਾਨਂ
1. Saddasaññakattheraapadānaṃ
੧.
1.
‘‘ਮਿਗਲੁਦ੍ਦੋ ਪੁਰੇ ਆਸਿਂ, ਅਰਞ੍ਞੇ ਕਾਨਨੇ ਅਹਂ।
‘‘Migaluddo pure āsiṃ, araññe kānane ahaṃ;
ਤਤ੍ਥਦ੍ਦਸਾਸਿਂ ਸਮ੍ਬੁਦ੍ਧਂ, ਦੇવਸਙ੍ਘਪੁਰਕ੍ਖਤਂ॥
Tatthaddasāsiṃ sambuddhaṃ, devasaṅghapurakkhataṃ.
੨.
2.
‘‘ਚਤੁਸਚ੍ਚਂ ਪਕਾਸੇਨ੍ਤਂ, ਉਦ੍ਧਰਨ੍ਤਂ ਮਹਾਜਨਂ।
‘‘Catusaccaṃ pakāsentaṃ, uddharantaṃ mahājanaṃ;
੩.
3.
‘‘ਬ੍ਰਹ੍ਮਸਰਸ੍ਸ ਮੁਨਿਨੋ, ਸਿਖਿਨੋ ਲੋਕਬਨ੍ਧੁਨੋ।
‘‘Brahmasarassa munino, sikhino lokabandhuno;
ਘੋਸੇ ਚਿਤ੍ਤਂ ਪਸਾਦੇਤ੍વਾ, ਪਤ੍ਤੋਮ੍ਹਿ ਆਸવਕ੍ਖਯਂ॥
Ghose cittaṃ pasādetvā, pattomhi āsavakkhayaṃ.
੪.
4.
‘‘ਏਕਤ੍ਤਿਂਸੇ ਇਤੋ ਕਪ੍ਪੇ, ਯਂ ਕਮ੍ਮਮਕਰਿਂ ਤਦਾ।
‘‘Ekattiṃse ito kappe, yaṃ kammamakariṃ tadā;
ਦੁਗ੍ਗਤਿਂ ਨਾਭਿਜਾਨਾਮਿ, ਪਸਾਦਸ੍ਸ ਇਦਂ ਫਲਂ॥
Duggatiṃ nābhijānāmi, pasādassa idaṃ phalaṃ.
੫.
5.
‘‘ਪਟਿਸਮ੍ਭਿਦਾ ਚਤਸ੍ਸੋ, વਿਮੋਕ੍ਖਾਪਿ ਚ ਅਟ੍ਠਿਮੇ।
‘‘Paṭisambhidā catasso, vimokkhāpi ca aṭṭhime;
ਛਲ਼ਭਿਞ੍ਞਾ ਸਚ੍ਛਿਕਤਾ, ਕਤਂ ਬੁਦ੍ਧਸ੍ਸ ਸਾਸਨਂ’’॥
Chaḷabhiññā sacchikatā, kataṃ buddhassa sāsanaṃ’’.
ਇਤ੍ਥਂ ਸੁਦਂ ਆਯਸ੍ਮਾ ਸਦ੍ਦਸਞ੍ਞਕੋ ਥੇਰੋ ਇਮਾ ਗਾਥਾਯੋ ਅਭਾਸਿਤ੍ਥਾਤਿ।
Itthaṃ sudaṃ āyasmā saddasaññako thero imā gāthāyo abhāsitthāti.
ਸਦ੍ਦਸਞ੍ਞਕਤ੍ਥੇਰਸ੍ਸਾਪਦਾਨਂ ਪਠਮਂ।
Saddasaññakattherassāpadānaṃ paṭhamaṃ.
Footnotes:
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਖੁਦ੍ਦਕਨਿਕਾਯ (ਅਟ੍ਠਕਥਾ) • Khuddakanikāya (aṭṭhakathā) / ਅਪਦਾਨ-ਅਟ੍ਠਕਥਾ • Apadāna-aṭṭhakathā / ੧-੧੦. ਪਦੁਮਕੇਸਰਿਯਤ੍ਥੇਰਅਪਦਾਨਾਦਿવਣ੍ਣਨਾ • 1-10. Padumakesariyattheraapadānādivaṇṇanā
