| Library / Tipiṭaka / তিপিটক • Tipiṭaka / অপদান-অট্ঠকথা • Apadāna-aṭṭhakathā |
৮. সদ্দসঞ্ঞকত্থেরঅপদানৰণ্ণনা
8. Saddasaññakattheraapadānavaṇṇanā
পব্বতে হিমৰন্তম্হীতিআদিকং আযস্মতো সদ্দসঞ্ঞকত্থেরস্স অপদানং। অযম্পি পুরিমবুদ্ধেসু কতাধিকারো তত্থ তত্থ ভৰে ৰিৰট্টূপনিস্সযানি পুঞ্ঞানি উপচিনন্তো ফুস্সস্স ভগৰতো কালে একস্মিং কুলগেহে নিব্বত্তো ৰুদ্ধিপ্পত্তো সদ্ধাজাতো তাপসপব্বজ্জং পব্বজিত্ৰা হিমৰন্তম্হি অরঞ্ঞাৰাসে ৰসন্তো অত্তনো অনুকম্পায উপগতস্স ভগৰতো ধম্মং সুত্ৰা ধম্মেসু চিত্তং পসাদেত্ৰা যাৰতাযুকং ঠত্ৰা অপরভাগে কালং কত্ৰা তুসিতাদীসু ছসু কামাৰচরসম্পত্তিযো চ মনুস্সেসু মনুস্সসম্পত্তিযো চ অনুভৰিত্ৰা ইমস্মিং বুদ্ধুপ্পাদে একস্মিং কুলগেহে নিব্বত্তো ৰুদ্ধিমন্ৰায সদ্ধাজাতো পব্বজিত্ৰা ৰিপস্সনং ৰড্ঢেত্ৰা অরহত্তং পাপুণি।
Pabbate himavantamhītiādikaṃ āyasmato saddasaññakattherassa apadānaṃ. Ayampi purimabuddhesu katādhikāro tattha tattha bhave vivaṭṭūpanissayāni puññāni upacinanto phussassa bhagavato kāle ekasmiṃ kulagehe nibbatto vuddhippatto saddhājāto tāpasapabbajjaṃ pabbajitvā himavantamhi araññāvāse vasanto attano anukampāya upagatassa bhagavato dhammaṃ sutvā dhammesu cittaṃ pasādetvā yāvatāyukaṃ ṭhatvā aparabhāge kālaṃ katvā tusitādīsu chasu kāmāvacarasampattiyo ca manussesu manussasampattiyo ca anubhavitvā imasmiṃ buddhuppāde ekasmiṃ kulagehe nibbatto vuddhimanvāya saddhājāto pabbajitvā vipassanaṃ vaḍḍhetvā arahattaṃ pāpuṇi.
৪৩. সো অপরভাগে অত্তনো পুব্বকম্মং সরিত্ৰা সোমনস্সজাতো পুব্বচরিতাপদানং পকাসেন্তো পব্বতে হিমৰন্তম্হীতিআদিমাহ। তং সব্বং উত্তানত্থমেৰাতি।
43. So aparabhāge attano pubbakammaṃ saritvā somanassajāto pubbacaritāpadānaṃ pakāsento pabbate himavantamhītiādimāha. Taṃ sabbaṃ uttānatthamevāti.
সদ্দসঞ্ঞকত্থেরঅপদানৰণ্ণনা সমত্তা।
Saddasaññakattheraapadānavaṇṇanā samattā.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / খুদ্দকনিকায • Khuddakanikāya / অপদানপাল়ি • Apadānapāḷi / ৮. সদ্দসঞ্ঞকত্থেরঅপদানং • 8. Saddasaññakattheraapadānaṃ
