| Library / Tipiṭaka / д̇ибидага • Tipiṭaka / милинд̣̇абан̃хабаал̣и • Milindapañhapāḷi |
7. сад̣̇д̇хамманд̇арад̇хаанабан̃хо
7. Saddhammantaradhānapañho
7. ‘‘бханд̇з нааг̇асзна, бхаасид̇амбзд̇ам̣ бхаг̇авад̇аа ‘бан̃жзва д̣̇аани, аананд̣̇а, вассасад̇аани 1 сад̣̇д̇хаммо тассад̇ий’д̇и. буна жа бариниб̣б̣аанасамаяз субхад̣̇д̣̇зна бариб̣б̣ааж̇агзна бан̃хам̣ будтзна бхаг̇авад̇аа бхан̣ид̇ам̣ ‘имз жа, субхад̣̇д̣̇а 2, бхигкуу саммаа вихарзяяум̣, асун̃н̃о лого араханд̇зхи ассаа’д̇и, асзсаважанамзд̇ам̣, ниссзсаважанамзд̇ам̣, ниббарияааяаважанамзд̇ам̣. яад̣̇и, бханд̇з нааг̇асзна, д̇ат̇ааг̇ад̇зна бхан̣ид̇ам̣ ‘бан̃жзва д̣̇аани, аананд̣̇а, вассасад̇аани сад̣̇д̇хаммо тассад̇ий’д̇и, д̇зна хи ‘асун̃н̃о лого араханд̇зхи ассаа’д̇и яам̣ важанам̣, д̇ам̣ мижчаа. яад̣̇и д̇ат̇ааг̇ад̇зна бхан̣ид̇ам̣ ‘асун̃н̃о лого араханд̇зхи ассаа’д̇и, д̇зна хи ‘бан̃жзва д̣̇аани, аананд̣̇а, вассасад̇аани сад̣̇д̇хаммо тассад̇ий’д̇и д̇амби важанам̣ мижчаа. аяамби убхад̇о годиго бан̃хо г̇аханад̇оби г̇аханад̇аро б̣алавад̇оби б̣алавад̇аро г̇ан̣тид̇оби г̇ан̣тид̇аро, со д̇аваануббад̇д̇о, д̇ад̇т̇а д̇з н̃аан̣аб̣алавибпаарам̣ д̣̇ассзхи магаро вияа сааг̇араб̣бханд̇араг̇ад̇о’’д̇и.
7. ‘‘Bhante nāgasena, bhāsitampetaṃ bhagavatā ‘pañceva dāni, ānanda, vassasatāni 3 saddhammo ṭhassatī’ti. Puna ca parinibbānasamaye subhaddena paribbājakena pañhaṃ puṭṭhena bhagavatā bhaṇitaṃ ‘ime ca, subhadda 4, bhikkhū sammā vihareyyuṃ, asuñño loko arahantehi assā’ti, asesavacanametaṃ, nissesavacanametaṃ, nippariyāyavacanametaṃ. Yadi, bhante nāgasena, tathāgatena bhaṇitaṃ ‘pañceva dāni, ānanda, vassasatāni saddhammo ṭhassatī’ti, tena hi ‘asuñño loko arahantehi assā’ti yaṃ vacanaṃ, taṃ micchā. Yadi tathāgatena bhaṇitaṃ ‘asuñño loko arahantehi assā’ti, tena hi ‘pañceva dāni, ānanda, vassasatāni saddhammo ṭhassatī’ti tampi vacanaṃ micchā. Ayampi ubhato koṭiko pañho gahanatopi gahanataro balavatopi balavataro gaṇṭhitopi gaṇṭhitaro, so tavānuppatto, tattha te ñāṇabalavipphāraṃ dassehi makaro viya sāgarabbhantaragato’’ti.
‘‘бхаасид̇амбзд̇ам̣, махаарааж̇а, бхаг̇авад̇аа ‘бан̃жзва д̣̇аани, аананд̣̇а, вассасад̇аани сад̣̇д̇хаммо тассад̇ий’д̇и. бариниб̣б̣аанасамаяз жа субхад̣̇д̣̇асса бариб̣б̣ааж̇агасса бхан̣ид̇ам̣ ‘имз жа, субхад̣̇д̣̇а, бхигкуу саммаа вихарзяяум̣, асун̃н̃о лого араханд̇зхи ассаа’д̇и. д̇ан̃жа бана, махаарааж̇а, бхаг̇авад̇о важанам̣ наанад̇т̇ан̃жзва ход̇и наанааб̣яан̃ж̇анан̃жа, аяам̣ саасанабарижчзд̣̇о, аяам̣ бадибад̇д̇и барид̣̇ийбанаад̇и д̣̇уурам̣ виваж̇ж̇ид̇аа д̇з убхо ан̃н̃аман̃н̃ам̣. яат̇аа, махаарааж̇а, набхам̣ бат̇авид̇о д̣̇уурам̣ виваж̇ж̇ид̇ам̣ , нираяам̣ саг̇г̇ад̇о д̣̇уурам̣ виваж̇ж̇ид̇ам̣, гусалам̣ агусалад̇о д̣̇уурам̣ виваж̇ж̇ид̇ам̣, сукам̣ д̣̇угкад̇о д̣̇уурам̣ виваж̇ж̇ид̇ам̣. звамзва ко, махаарааж̇а, д̇з убхо ан̃н̃аман̃н̃ам̣ д̣̇уурам̣ виваж̇ж̇ид̇аа.
‘‘Bhāsitampetaṃ, mahārāja, bhagavatā ‘pañceva dāni, ānanda, vassasatāni saddhammo ṭhassatī’ti. Parinibbānasamaye ca subhaddassa paribbājakassa bhaṇitaṃ ‘ime ca, subhadda, bhikkhū sammā vihareyyuṃ, asuñño loko arahantehi assā’ti. Tañca pana, mahārāja, bhagavato vacanaṃ nānatthañceva hoti nānābyañjanañca, ayaṃ sāsanaparicchedo, ayaṃ paṭipatti paridīpanāti dūraṃ vivajjitā te ubho aññamaññaṃ. Yathā, mahārāja, nabhaṃ pathavito dūraṃ vivajjitaṃ , nirayaṃ saggato dūraṃ vivajjitaṃ, kusalaṃ akusalato dūraṃ vivajjitaṃ, sukhaṃ dukkhato dūraṃ vivajjitaṃ. Evameva kho, mahārāja, te ubho aññamaññaṃ dūraṃ vivajjitā.
‘‘аби жа, махаарааж̇а, маа д̇з бужчаа могхаа асса 5, расад̇о д̇з сам̣санд̣̇ид̇ваа гат̇аяиссаами ‘бан̃жзва д̣̇аани, аананд̣̇а, вассасад̇аани сад̣̇д̇хаммо тассад̇ий’д̇и яам̣ бхаг̇аваа ааха, д̇ам̣ каяам̣ барид̣̇ийбаяанд̇о сзсагам̣ барижчинд̣̇и, вассасахассам̣, аананд̣̇а, сад̣̇д̇хаммо д̇идтзяяа, сажз бхигкунияо на баб̣б̣ааж̇зяяум̣. бан̃жзва д̣̇аани, аананд̣̇а, вассасад̇аани сад̣̇д̇хаммо тассад̇ийд̇и. аби ну ко, махаарааж̇а, бхаг̇аваа звам̣ вад̣̇анд̇о сад̣̇д̇хаммасса анд̇арад̇хаанам̣ ваа вад̣̇зд̇и абхисамаяам̣ ваа бадиггосад̇ий’’д̇и? ‘‘на хи бханд̇з’’д̇и. ‘‘надтам̣, махаарааж̇а, баригид̇д̇аяанд̇о сзсагам̣ барид̣̇ийбаяанд̇о барижчинд̣̇и. яат̇аа, махаарааж̇а, бурисо надтааяиго саб̣б̣асзсагам̣ г̇ахзд̇ваа ж̇анасса барид̣̇ийбзяяа ‘зд̇д̇агам̣ мз бхан̣д̣ам̣ надтам̣, ид̣̇ам̣ сзсага’нд̇и . звамзва ко, махаарааж̇а, бхаг̇аваа надтам̣ барид̣̇ийбаяанд̇о сзсагам̣ д̣̇звамануссаанам̣ гат̇зси ‘бан̃жзва д̣̇аани, аананд̣̇а, вассасад̇аани сад̣̇д̇хаммо тассад̇ий’д̇и. яам̣ бана, махаарааж̇а, бхаг̇авад̇аа бхан̣ид̇ам̣ ‘бан̃жзва д̣̇аани, аананд̣̇а, вассасад̇аани сад̣̇д̇хаммо тассад̇ий’д̇и, саасанабарижчзд̣̇о зсо.
‘‘Api ca, mahārāja, mā te pucchā moghā assa 6, rasato te saṃsanditvā kathayissāmi ‘pañceva dāni, ānanda, vassasatāni saddhammo ṭhassatī’ti yaṃ bhagavā āha, taṃ khayaṃ paridīpayanto sesakaṃ paricchindi, vassasahassaṃ, ānanda, saddhammo tiṭṭheyya, sace bhikkhuniyo na pabbājeyyuṃ. Pañceva dāni, ānanda, vassasatāni saddhammo ṭhassatīti. Api nu kho, mahārāja, bhagavā evaṃ vadanto saddhammassa antaradhānaṃ vā vadeti abhisamayaṃ vā paṭikkosatī’’ti? ‘‘Na hi bhante’’ti. ‘‘Naṭṭhaṃ, mahārāja, parikittayanto sesakaṃ paridīpayanto paricchindi. Yathā, mahārāja, puriso naṭṭhāyiko sabbasesakaṃ gahetvā janassa paridīpeyya ‘ettakaṃ me bhaṇḍaṃ naṭṭhaṃ, idaṃ sesaka’nti . Evameva kho, mahārāja, bhagavā naṭṭhaṃ paridīpayanto sesakaṃ devamanussānaṃ kathesi ‘pañceva dāni, ānanda, vassasatāni saddhammo ṭhassatī’ti. Yaṃ pana, mahārāja, bhagavatā bhaṇitaṃ ‘pañceva dāni, ānanda, vassasatāni saddhammo ṭhassatī’ti, sāsanaparicchedo eso.
‘‘яам̣ бана бариниб̣б̣аанасамаяз субхад̣̇д̣̇асса бариб̣б̣ааж̇агасса саман̣з баригид̇д̇аяанд̇о ааха ‘имз жа, субхад̣̇д̣̇а, бхигкуу саммаа вихарзяяум̣, асун̃н̃о лого араханд̇зхи ассаа’д̇и, бадибад̇д̇ибарид̣̇ийбанаа зсаа, д̇вам̣ бана д̇ам̣ барижчзд̣̇ан̃жа барид̣̇ийбанан̃жа згарасам̣ гароси. яад̣̇и бана д̇з чанд̣̇о, згарасам̣ гад̇ваа гат̇аяиссаами, саад̇хугам̣ сун̣охи манасигарохи авигкид̇д̇амаанасо 7.
‘‘Yaṃ pana parinibbānasamaye subhaddassa paribbājakassa samaṇe parikittayanto āha ‘ime ca, subhadda, bhikkhū sammā vihareyyuṃ, asuñño loko arahantehi assā’ti, paṭipattiparidīpanā esā, tvaṃ pana taṃ paricchedañca paridīpanañca ekarasaṃ karosi. Yadi pana te chando, ekarasaṃ katvā kathayissāmi, sādhukaṃ suṇohi manasikarohi avikkhittamānaso 8.
‘‘ид̇ха, махаарааж̇а, д̇ал̣ааго бхавзяяа навасалиласамбун̣н̣о саммукамуд̇д̇арияамаано барижчинно баривадумагад̇о, абарияаад̣̇ин̣н̣з язва д̇асмим̣ д̇ал̣аагз уд̣̇агуубари махаамзгхо абараабарам̣ ануббаб̣анд̇хо абхивассзяяа, аби ну ко, махаарааж̇а, д̇асмим̣ д̇ал̣аагз уд̣̇агам̣ баригкаяам̣ барияаад̣̇аанам̣ г̇ажчзяяаа’’д̇и? ‘‘на хи бханд̇з’’д̇и. ‘‘гзна гааран̣зна махаарааж̇аа’’д̇и? ‘‘мзгхасса, бханд̇з, ануббаб̣анд̇хад̇ааяаа’’д̇и. ‘‘звамзва ко, махаарааж̇а, ж̇инасаасанаварасад̣̇д̇хаммад̇ал̣ааго аажаарасийлаг̇ун̣авад̇д̇абадибад̇д̇ивималанавасалиласамбун̣н̣о уд̇д̇арияамаано бхаваг̇г̇амабхибхавид̇ваа тид̇о. яад̣̇и д̇ад̇т̇а б̣уд̣̇д̇хабуд̇д̇аа аажаарасийлаг̇ун̣авад̇д̇абадибад̇д̇имзгхавассам̣ абараабарам̣ ануббаб̣анд̇хаабзяяум̣ абхивассаабзяяум̣. звамид̣̇ам̣ ж̇инасаасанаварасад̣̇д̇хаммад̇ал̣ааго жирам̣ д̣̇ийгхамад̣̇д̇хаанам̣ д̇идтзяяа, араханд̇зхи лого асун̃н̃о бхавзяяа, имамад̇т̇ам̣ бхаг̇авад̇аа санд̇хааяа бхаасид̇ам̣ ‘имз жа, субхад̣̇д̣̇а, бхигкуу саммаа вихарзяяум̣, асун̃н̃о лого араханд̇зхи ассаа’д̇и.
‘‘Idha, mahārāja, taḷāko bhaveyya navasalilasampuṇṇo sammukhamuttariyamāno paricchinno parivaṭumakato, apariyādiṇṇe yeva tasmiṃ taḷāke udakūpari mahāmegho aparāparaṃ anuppabandho abhivasseyya, api nu kho, mahārāja, tasmiṃ taḷāke udakaṃ parikkhayaṃ pariyādānaṃ gaccheyyā’’ti? ‘‘Na hi bhante’’ti. ‘‘Kena kāraṇena mahārājā’’ti? ‘‘Meghassa, bhante, anuppabandhatāyā’’ti. ‘‘Evameva kho, mahārāja, jinasāsanavarasaddhammataḷāko ācārasīlaguṇavattapaṭipattivimalanavasalilasampuṇṇo uttariyamāno bhavaggamabhibhavitvā ṭhito. Yadi tattha buddhaputtā ācārasīlaguṇavattapaṭipattimeghavassaṃ aparāparaṃ anuppabandhāpeyyuṃ abhivassāpeyyuṃ. Evamidaṃ jinasāsanavarasaddhammataḷāko ciraṃ dīghamaddhānaṃ tiṭṭheyya, arahantehi loko asuñño bhaveyya, imamatthaṃ bhagavatā sandhāya bhāsitaṃ ‘ime ca, subhadda, bhikkhū sammā vihareyyuṃ, asuñño loko arahantehi assā’ti.
‘‘ид̇ха бана, махаарааж̇а, махад̇и махаааг̇г̇игканд̇хз ж̇аламаанз абараабарам̣ сугкад̇ин̣агадтаг̇омаяаани убасам̣харзяяум̣, аби ну ко со, махаарааж̇а, аг̇г̇игканд̇хо ниб̣б̣ааязяяаа’’д̇и ? ‘‘на хи, бханд̇з, бхияяо бхияяо со аг̇г̇игканд̇хо ж̇алзяяа, бхияяо бхияяо бабхаасзяяаа’’д̇и. ‘‘звамзва ко, махаарааж̇а, д̣̇асасахассияаа 9 логад̇хаад̇уяаа ж̇инасаасанаварамби аажаарасийлаг̇ун̣авад̇д̇абадибад̇д̇ияаа ж̇алад̇и бабхаасад̇и. яад̣̇и бана, махаарааж̇а, д̇ад̣̇уд̇д̇арим̣ б̣уд̣̇д̇хабуд̇д̇аа бан̃жахи бад̇хаанияан̇г̇зхи саманнааг̇ад̇аа сад̇ад̇амаббамад̇д̇аа бад̣̇ахзяяум̣, д̇ийсу сигкаасу чанд̣̇аж̇аад̇аа сигкзяяум̣, жаарид̇д̇ан̃жа сийлам̣ самад̇д̇ам̣ барибуурзяяум̣, звамид̣̇ам̣ ж̇инасаасанаварам̣ бхияяо бхияяо жирам̣ д̣̇ийгхамад̣̇д̇хаанам̣ д̇идтзяяа, асун̃н̃о лого араханд̇зхи ассаад̇и имамад̇т̇ам̣ бхаг̇авад̇аа санд̇хааяа бхаасид̇ам̣ ‘имз жа, субхад̣̇д̣̇а, бхигкуу саммаа вихарзяяум̣, асун̃н̃о лого араханд̇зхи ассаа’д̇и.
‘‘Idha pana, mahārāja, mahati mahāaggikkhandhe jalamāne aparāparaṃ sukkhatiṇakaṭṭhagomayāni upasaṃhareyyuṃ, api nu kho so, mahārāja, aggikkhandho nibbāyeyyā’’ti ? ‘‘Na hi, bhante, bhiyyo bhiyyo so aggikkhandho jaleyya, bhiyyo bhiyyo pabhāseyyā’’ti. ‘‘Evameva kho, mahārāja, dasasahassiyā 10 lokadhātuyā jinasāsanavarampi ācārasīlaguṇavattapaṭipattiyā jalati pabhāsati. Yadi pana, mahārāja, taduttariṃ buddhaputtā pañcahi padhāniyaṅgehi samannāgatā satatamappamattā padaheyyuṃ, tīsu sikkhāsu chandajātā sikkheyyuṃ, cārittañca sīlaṃ samattaṃ paripūreyyuṃ, evamidaṃ jinasāsanavaraṃ bhiyyo bhiyyo ciraṃ dīghamaddhānaṃ tiṭṭheyya, asuñño loko arahantehi assāti imamatthaṃ bhagavatā sandhāya bhāsitaṃ ‘ime ca, subhadda, bhikkhū sammā vihareyyuṃ, asuñño loko arahantehi assā’ti.
‘‘ид̇ха бана, махаарааж̇а, синид̣̇д̇хасамасумаж̇ж̇ид̇асаббабхаасавималаад̣̇аасам̣ 11 сан̣хасукумаг̇зругажун̣н̣зна абараабарам̣ маж̇ж̇зяяум̣, аби ну ко, махаарааж̇а, д̇асмим̣ аад̣̇аасз малагад̣̇д̣̇амараж̇ож̇аллам̣ ж̇ааязяяаа’’д̇и? ‘‘на хи, бханд̇з, ан̃н̃ад̣̇ад̇т̇у вималад̇арам̣ язва бхавзяяаа’’д̇и. ‘‘звамзва ко, махаарааж̇а, ж̇инасаасанаварам̣ багад̇иниммалам̣ б̣яабаг̇ад̇агилзсамалараж̇ож̇аллам̣, яад̣̇и д̇ам̣ б̣уд̣̇д̇хабуд̇д̇аа аажаарасийлаг̇ун̣авад̇д̇абадибад̇д̇исаллзкад̇худ̇аг̇ун̣зна ж̇инасаасанаварам̣ саллагкзяяум̣ 12, звамид̣̇ам̣ ж̇инасаасанаварам̣ жирам̣ д̣̇ийгхамад̣̇д̇хаанам̣ д̇идтзяяа, асун̃н̃о жа лого араханд̇зхи ассаад̇и имамад̇т̇ам̣ бхаг̇авад̇аа санд̇хааяа бхаасид̇ам̣ ‘имз жа, субхад̣̇д̣̇а, бхигкуу саммаа вихарзяяум̣, асун̃н̃о лого араханд̇зхи ассаа’д̇и. бадибад̇д̇имуулагам̣, махаарааж̇а, сад̇т̇усаасанам̣ бадибад̇д̇игааран̣ам̣ бадибад̇д̇ияаа ананд̇арахид̇ааяа д̇идтад̇ий’’д̇и.
‘‘Idha pana, mahārāja, siniddhasamasumajjitasappabhāsavimalādāsaṃ 13 saṇhasukhumagerukacuṇṇena aparāparaṃ majjeyyuṃ, api nu kho, mahārāja, tasmiṃ ādāse malakaddamarajojallaṃ jāyeyyā’’ti? ‘‘Na hi, bhante, aññadatthu vimalataraṃ yeva bhaveyyā’’ti. ‘‘Evameva kho, mahārāja, jinasāsanavaraṃ pakatinimmalaṃ byapagatakilesamalarajojallaṃ, yadi taṃ buddhaputtā ācārasīlaguṇavattapaṭipattisallekhadhutaguṇena jinasāsanavaraṃ sallakkheyyuṃ 14, evamidaṃ jinasāsanavaraṃ ciraṃ dīghamaddhānaṃ tiṭṭheyya, asuñño ca loko arahantehi assāti imamatthaṃ bhagavatā sandhāya bhāsitaṃ ‘ime ca, subhadda, bhikkhū sammā vihareyyuṃ, asuñño loko arahantehi assā’ti. Paṭipattimūlakaṃ, mahārāja, satthusāsanaṃ paṭipattikāraṇaṃ paṭipattiyā anantarahitāya tiṭṭhatī’’ti.
‘‘бханд̇з нааг̇асзна, ‘сад̣̇д̇хамманд̇арад̇хаана’нд̇и яам̣ вад̣̇зси, гад̇амам̣ д̇ам̣ сад̣̇д̇хамманд̇арад̇хаана’’нд̇и? ‘‘д̇ийн̣имаани, махаарааж̇а, саасананд̇арад̇хаанаани. гад̇амаани д̇ийн̣и? ад̇хиг̇аманд̇арад̇хаанам̣ бадибад̇д̇анд̇арад̇хаанам̣ лин̇г̇анд̇арад̇хаанам̣ , ад̇хиг̇амз, махаарааж̇а, анд̇арахид̇з суббадибаннассааби д̇хаммаабхисамаяо на ход̇и, бадибад̇д̇ияаа анд̇арахид̇ааяа сигкаабад̣̇абан̃н̃ад̇д̇и анд̇арад̇хааяад̇и, лин̇г̇ам̣язва д̇идтад̇и, лин̇г̇з анд̇арахид̇з бавзн̣убажчзд̣̇о ход̇и, имаани ко, махаарааж̇а, д̇ийн̣и анд̇арад̇хаанааний’’д̇и.
‘‘Bhante nāgasena, ‘saddhammantaradhāna’nti yaṃ vadesi, katamaṃ taṃ saddhammantaradhāna’’nti? ‘‘Tīṇimāni, mahārāja, sāsanantaradhānāni. Katamāni tīṇi? Adhigamantaradhānaṃ paṭipattantaradhānaṃ liṅgantaradhānaṃ , adhigame, mahārāja, antarahite suppaṭipannassāpi dhammābhisamayo na hoti, paṭipattiyā antarahitāya sikkhāpadapaññatti antaradhāyati, liṅgaṃyeva tiṭṭhati, liṅge antarahite paveṇupacchedo hoti, imāni kho, mahārāja, tīṇi antaradhānānī’’ti.
‘‘сувин̃н̃аабид̇о, бханд̇з нааг̇асзна, бан̃хо, г̇амбхийро уд̇д̇аанийгад̇о, г̇ан̣ти бхинно, надтаа бараваад̣̇аа бхаг̇г̇аа ниббабхаа гад̇аа, д̇вам̣ г̇ан̣иваравасабхамаасаж̇ж̇аад̇и.
‘‘Suviññāpito, bhante nāgasena, pañho, gambhīro uttānīkato, gaṇṭhi bhinno, naṭṭhā paravādā bhaggā nippabhā katā, tvaṃ gaṇivaravasabhamāsajjāti.
сад̣̇д̇хамманд̇арад̇хаанабан̃хо сад̇д̇амо.
Saddhammantaradhānapañho sattamo.
Footnotes:
