| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
13. сад̣̇д̇хаммаббад̇ируубагасуд̇д̇ам̣
13. Saddhammappatirūpakasuttaṃ
156. звам̣ мз суд̇ам̣ – згам̣ самаяам̣ бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. ат̇а ко ааяасмаа махаагассабо язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисинно ко ааяасмаа махаагассабо бхаг̇аванд̇ам̣ зд̇ад̣̇авожа – ‘‘го ну ко, бханд̇з, хзд̇у го бажжаяо, язна буб̣б̣з аббад̇араани жзва сигкаабад̣̇аани ахзсум̣ б̣ахуд̇араа жа бхигкуу ан̃н̃ааяа сан̣тахим̣су? го бана, бханд̇з, хзд̇у го бажжаяо, язнзд̇арахи б̣ахуд̇араани жзва сигкаабад̣̇аани аббад̇араа жа бхигкуу ан̃н̃ааяа сан̣таханд̇ий’’д̇и? ‘‘зван̃жзд̇ам̣, гассаба, ход̇и сад̇д̇зсу хааяамаанзсу сад̣̇д̇хаммз анд̇арад̇хааяамаанз, б̣ахуд̇араани жзва сигкаабад̣̇аани хонд̇и аббад̇араа жа бхигкуу ан̃н̃ааяа сан̣таханд̇и. на д̇аава, гассаба, сад̣̇д̇хаммасса анд̇арад̇хаанам̣ ход̇и яаава на сад̣̇д̇хаммаббад̇ируубагам̣ логз уббаж̇ж̇ад̇и. яад̇о жа ко, гассаба, сад̣̇д̇хаммаббад̇ируубагам̣ логз уббаж̇ж̇ад̇и, ат̇а сад̣̇д̇хаммасса анд̇арад̇хаанам̣ ход̇и’’.
156. Evaṃ me sutaṃ – ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme. Atha kho āyasmā mahākassapo yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinno kho āyasmā mahākassapo bhagavantaṃ etadavoca – ‘‘ko nu kho, bhante, hetu ko paccayo, yena pubbe appatarāni ceva sikkhāpadāni ahesuṃ bahutarā ca bhikkhū aññāya saṇṭhahiṃsu? Ko pana, bhante, hetu ko paccayo, yenetarahi bahutarāni ceva sikkhāpadāni appatarā ca bhikkhū aññāya saṇṭhahantī’’ti? ‘‘Evañcetaṃ, kassapa, hoti sattesu hāyamānesu saddhamme antaradhāyamāne, bahutarāni ceva sikkhāpadāni honti appatarā ca bhikkhū aññāya saṇṭhahanti. Na tāva, kassapa, saddhammassa antaradhānaṃ hoti yāva na saddhammappatirūpakaṃ loke uppajjati. Yato ca kho, kassapa, saddhammappatirūpakaṃ loke uppajjati, atha saddhammassa antaradhānaṃ hoti’’.
‘‘сзяяат̇ааби, гассаба, на д̇аава ж̇аад̇аруубасса анд̇арад̇хаанам̣ ход̇и яаава на ж̇аад̇аруубаббад̇ируубагам̣ логз уббаж̇ж̇ад̇и. яад̇о жа ко, гассаба, ж̇аад̇аруубаббад̇ируубагам̣ логз уббаж̇ж̇ад̇и, ат̇а ж̇аад̇аруубасса анд̇арад̇хаанам̣ ход̇и. звамзва ко, гассаба, на д̇аава сад̣̇д̇хаммасса анд̇арад̇хаанам̣ ход̇и яаава на сад̣̇д̇хаммаббад̇ируубагам̣ логз уббаж̇ж̇ад̇и. яад̇о жа ко, гассаба, сад̣̇д̇хаммаббад̇ируубагам̣ логз уббаж̇ж̇ад̇и, ат̇а сад̣̇д̇хаммасса анд̇арад̇хаанам̣ ход̇и.
‘‘Seyyathāpi, kassapa, na tāva jātarūpassa antaradhānaṃ hoti yāva na jātarūpappatirūpakaṃ loke uppajjati. Yato ca kho, kassapa, jātarūpappatirūpakaṃ loke uppajjati, atha jātarūpassa antaradhānaṃ hoti. Evameva kho, kassapa, na tāva saddhammassa antaradhānaṃ hoti yāva na saddhammappatirūpakaṃ loke uppajjati. Yato ca kho, kassapa, saddhammappatirūpakaṃ loke uppajjati, atha saddhammassa antaradhānaṃ hoti.
‘‘на ко, гассаба, бат̇авийд̇хаад̇у сад̣̇д̇хаммам̣ анд̇арад̇хаабзд̇и, на аабод̇хаад̇у сад̣̇д̇хаммам̣ анд̇арад̇хаабзд̇и, на д̇зж̇од̇хаад̇у сад̣̇д̇хаммам̣ анд̇арад̇хаабзд̇и, на вааяод̇хаад̇у сад̣̇д̇хаммам̣ анд̇арад̇хаабзд̇и; ат̇а ко ид̇хзва д̇з уббаж̇ж̇анд̇и могхабурисаа яз имам̣ сад̣̇д̇хаммам̣ анд̇арад̇хаабзнд̇и. сзяяат̇ааби, гассаба, нааваа аад̣̇игзнзва обилавад̇и; на ко, гассаба, звам̣ сад̣̇д̇хаммасса анд̇арад̇хаанам̣ ход̇и.
‘‘Na kho, kassapa, pathavīdhātu saddhammaṃ antaradhāpeti, na āpodhātu saddhammaṃ antaradhāpeti, na tejodhātu saddhammaṃ antaradhāpeti, na vāyodhātu saddhammaṃ antaradhāpeti; atha kho idheva te uppajjanti moghapurisā ye imaṃ saddhammaṃ antaradhāpenti. Seyyathāpi, kassapa, nāvā ādikeneva opilavati; na kho, kassapa, evaṃ saddhammassa antaradhānaṃ hoti.
‘‘бан̃жа комз, гассаба, оггаманияаа д̇хаммаа сад̣̇д̇хаммасса саммосааяа анд̇арад̇хаанааяа сам̣вад̇д̇анд̇и. гад̇амз бан̃жа? ид̇ха, гассаба, бхигкуу бхигкунияо убаасагаа убаасигааяо сад̇т̇ари аг̇аараваа вихаранд̇и аббад̇иссаа, д̇хаммз аг̇аараваа вихаранд̇и аббад̇иссаа, сан̇гхз аг̇аараваа вихаранд̇и аббад̇иссаа, сигкааяа аг̇аараваа вихаранд̇и аббад̇иссаа, самаад̇хисмим̣ аг̇аараваа вихаранд̇и аббад̇иссаа – имз ко, гассаба, бан̃жа оггаманияаа д̇хаммаа сад̣̇д̇хаммасса саммосааяа анд̇арад̇хаанааяа сам̣вад̇д̇анд̇и.
‘‘Pañca khome, kassapa, okkamaniyā dhammā saddhammassa sammosāya antaradhānāya saṃvattanti. Katame pañca? Idha, kassapa, bhikkhū bhikkhuniyo upāsakā upāsikāyo satthari agāravā viharanti appatissā, dhamme agāravā viharanti appatissā, saṅghe agāravā viharanti appatissā, sikkhāya agāravā viharanti appatissā, samādhismiṃ agāravā viharanti appatissā – ime kho, kassapa, pañca okkamaniyā dhammā saddhammassa sammosāya antaradhānāya saṃvattanti.
‘‘бан̃жа комз, гассаба, д̇хаммаа сад̣̇д̇хаммасса тид̇ияаа асаммосааяа ананд̇арад̇хаанааяа сам̣вад̇д̇анд̇и. гад̇амз бан̃жа? ид̇ха, гассаба, бхигкуу бхигкунияо убаасагаа убаасигааяо сад̇т̇ари саг̇аараваа вихаранд̇и саббад̇иссаа, д̇хаммз саг̇аараваа вихаранд̇и саббад̇иссаа, сан̇гхз саг̇аараваа вихаранд̇и саббад̇иссаа, сигкааяа саг̇аараваа вихаранд̇и саббад̇иссаа, самаад̇хисмим̣ саг̇аараваа вихаранд̇и саббад̇иссаа – имз ко, гассаба, бан̃жа д̇хаммаа сад̣̇д̇хаммасса тид̇ияаа асаммосааяа ананд̇арад̇хаанааяа сам̣вад̇д̇анд̇ий’’д̇и. д̇зрасамам̣.
‘‘Pañca khome, kassapa, dhammā saddhammassa ṭhitiyā asammosāya anantaradhānāya saṃvattanti. Katame pañca? Idha, kassapa, bhikkhū bhikkhuniyo upāsakā upāsikāyo satthari sagāravā viharanti sappatissā, dhamme sagāravā viharanti sappatissā, saṅghe sagāravā viharanti sappatissā, sikkhāya sagāravā viharanti sappatissā, samādhismiṃ sagāravā viharanti sappatissā – ime kho, kassapa, pañca dhammā saddhammassa ṭhitiyā asammosāya anantaradhānāya saṃvattantī’’ti. Terasamaṃ.
гассабасам̣яуд̇д̇ам̣ самад̇д̇ам̣.
Kassapasaṃyuttaṃ samattaṃ.
д̇ассуд̣̇д̣̇аанам̣ –
Tassuddānaṃ –
санд̇удтан̃жа анод̇д̇аббий, жанд̣̇уубамам̣ гулуубагам̣;
Santuṭṭhañca anottappī, candūpamaṃ kulūpakaṃ;
ж̇ин̣н̣ам̣ д̇аяо жа оваад̣̇аа, жхаанаабхин̃н̃аа убассаяам̣;
Jiṇṇaṃ tayo ca ovādā, jhānābhiññā upassayaṃ;
жийварам̣ барам̣маран̣ам̣, сад̣̇д̇хаммаббад̇ируубаганд̇и.
Cīvaraṃ paraṃmaraṇaṃ, saddhammappatirūpakanti.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 13. сад̣̇д̇хаммаббад̇ируубагасуд̇д̇аван̣н̣анаа • 13. Saddhammappatirūpakasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 13. сад̣̇д̇хаммаббад̇ируубагасуд̇д̇аван̣н̣анаа • 13. Saddhammappatirūpakasuttavaṇṇanā
