| Tipiṭaka / Tipiṭaka (English) / Aṅguttara Nikāya, English translation |
अङ्गुत्तर निकाय ५।३८
Aṅguttara Nikāya 5.38
Numbered Discourses 5.38
४। सुमनवग्ग
4. Sumanavagga
4. With Sumanā
सद्धसुत्त
Saddhasutta
Faith
“पञ्चिमे, भिक्खवे, सद्धे कुलपुत्ते आनिसंसा। कतमे पञ्च? ये ते, भिक्खवे, लोके सन्तो सप्पुरिसा ते सद्धञ्ञेव पठमं अनुकम्पन्ता अनुकम्पन्ति, नो तथा अस्सद्धं; सद्धञ्ञेव पठमं उपसङ्कमन्ता उपसङ्कमन्ति, नो तथा अस्सद्धं; सद्धञ्ञेव पठमं पटिग्गण्हन्ता पटिग्गण्हन्ति, नो तथा अस्सद्धं; सद्धञ्ञेव पठमं धम्मं देसेन्ता देसेन्ति, नो तथा अस्सद्धं; सद्धो कायस्स भेदा परं मरणा सुगतिं सग्गं लोकं उपपज्जति। इमे खो, भिक्खवे, पञ्च सद्धे कुलपुत्ते आनिसंसा।
“Pañcime, bhikkhave, saddhe kulaputte ānisaṁsā. Katame pañca? Ye te, bhikkhave, loke santo sappurisā te saddhaññeva paṭhamaṁ anukampantā anukampanti, no tathā assaddhaṁ; saddhaññeva paṭhamaṁ upasaṅkamantā upasaṅkamanti, no tathā assaddhaṁ; saddhaññeva paṭhamaṁ paṭiggaṇhantā paṭiggaṇhanti, no tathā assaddhaṁ; saddhaññeva paṭhamaṁ dhammaṁ desentā desenti, no tathā assaddhaṁ; saddho kāyassa bhedā paraṁ maraṇā sugatiṁ saggaṁ lokaṁ upapajjati. Ime kho, bhikkhave, pañca saddhe kulaputte ānisaṁsā.
“Bhikkhus, a faithful gentleman gets five benefits. What five? The good persons in the world show compassion first to the faithful, not so much to the unfaithful. They first approach the faithful, not so much the unfaithful. They first receive alms from the faithful, not so much the unfaithful. They first teach Dhamma to the faithful, not so much the unfaithful. When their body breaks up, after death, the faithful are reborn in a good place, a heavenly realm. A faithful gentleman gets these five benefits.
सेय्यथापि, भिक्खवे, सुभूमियं चतुमहापथे महानिग्रोधो समन्ता पक्खीनं पटिसरणं होति; एवमेवं खो, भिक्खवे, सद्धो कुलपुत्तो बहुनो जनस्स पटिसरणं होति भिक्खूनं भिक्खुनीनं उपासकानं उपासिकानन्ति।
Seyyathāpi, bhikkhave, subhūmiyaṁ catumahāpathe mahānigrodho samantā pakkhīnaṁ paṭisaraṇaṁ hoti; evamevaṁ kho, bhikkhave, saddho kulaputto bahuno janassa paṭisaraṇaṁ hoti bhikkhūnaṁ bhikkhunīnaṁ upāsakānaṁ upāsikānanti.
Suppose there was a great banyan tree at a level crossroads. It would become a refuge for birds from all around. In the same way, a faithful gentleman becomes a refuge for many people—monks, nuns, laywomen, and laymen.
साखापत्तफलूपेतो, खन्धिमाव महादुमो; मूलवा फलसम्पन्नो, पतिट्ठा होति पक्खिनं।
Sākhāpattaphalūpeto, khandhimāva1 mahādumo; Mūlavā phalasampanno, patiṭṭhā hoti pakkhinaṁ.
With its branches, leaves, and fruit, a great tree with its strong trunk, firmly-rooted and fruit-bearing, supports many birds.
मनोरमे आयतने, सेवन्ति नं विहङ्गमा; छायं छायत्थिका यन्ति, फलत्था फलभोजिनो।
Manorame āyatane, sevanti naṁ vihaṅgamā; Chāyaṁ chāyatthikā2 yanti, phalatthā phalabhojino.
It’s a lovely place, frequented by the sky-soarers. Those that need shade go in the shade, those that need fruit enjoy the fruit.
तथेव सीलसम्पन्नं, सद्धं पुरिसपुग्गलं; निवातवुत्तिं अत्थद्धं, सोरतं सखिलं मुदुं।
Tatheva sīlasampannaṁ, saddhaṁ purisapuggalaṁ; Nivātavuttiṁ atthaddhaṁ, sorataṁ sakhilaṁ muduṁ.
So too, a faithful individual is perfect in ethics, humble and amenable, sweet, courteous, and tender.
वीतरागा वीतदोसा, वीतमोहा अनासवा; पुञ्ञक्खेत्तानि लोकस्मिं, सेवन्ति तादिसं नरं।
Vītarāgā vītadosā, vītamohā anāsavā; Puññakkhettāni lokasmiṁ, sevanti tādisaṁ naraṁ.
Those free of greed, freed of hate, free of delusion, undefiled, fields of merit for the world, associate with such a person.
ते तस्स धम्मं देसेन्ति, सब्बदुक्खापनूदनं; यं सो धम्मं इधञ्ञाय, परिनिब्बाति अनासवो”ति।
Te tassa dhammaṁ desenti, Sabbadukkhāpanūdanaṁ; Yaṁ so dhammaṁ idhaññāya, Parinibbāti anāsavo”ti.
They teach them the Dhamma, that dispels all suffering. Having understood this teaching, the undefiled become fully extinguished.”
अट्ठमं।
Aṭṭhamaṁ.
The authoritative text of the Aṅguttara Nikāya is the Pāli text. The English translation is provided as an aid to the study of the original Pāli text. [CREDITS »]
Footnotes:
