| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
6. сад̣̇д̇хаасуд̇д̇ам̣
6. Saddhāsuttaṃ
36. згам̣ самаяам̣ бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. ат̇а ко самб̣ахулаа сад̇уллабагааяигаа д̣̇звад̇ааяо абхигганд̇ааяа рад̇д̇ияаа абхигганд̇аван̣н̣аа гзвалагаббам̣ ж̇зд̇аванам̣ обхаасзд̇ваа язна бхаг̇аваа д̇знубасан̇гамим̣су; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ адтам̣су. згаманд̇ам̣ тид̇аа ко згаа д̣̇звад̇аа бхаг̇авад̇о санд̇игз имам̣ г̇аат̇ам̣ абхааси –
36. Ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme. Atha kho sambahulā satullapakāyikā devatāyo abhikkantāya rattiyā abhikkantavaṇṇā kevalakappaṃ jetavanaṃ obhāsetvā yena bhagavā tenupasaṅkamiṃsu; upasaṅkamitvā bhagavantaṃ abhivādetvā ekamantaṃ aṭṭhaṃsu. Ekamantaṃ ṭhitā kho ekā devatā bhagavato santike imaṃ gāthaṃ abhāsi –
‘‘сад̣̇д̇хаа д̣̇уд̇ияаа бурисасса ход̇и,
‘‘Saddhā dutiyā purisassa hoti,
но жз ассад̣̇д̇хияам̣ авад̇идтад̇и;
No ce assaddhiyaṃ avatiṭṭhati;
яасо жа гид̇д̇ий жа д̇ад̇васса ход̇и,
Yaso ca kittī ca tatvassa hoti,
саг̇г̇ан̃жа со г̇ажчад̇и сарийрам̣ вихааяаа’’д̇и.
Saggañca so gacchati sarīraṃ vihāyā’’ti.
ат̇а ко абараа д̣̇звад̇аа бхаг̇авад̇о санд̇игз имаа г̇аат̇ааяо абхааси –
Atha kho aparā devatā bhagavato santike imā gāthāyo abhāsi –
‘‘год̇хам̣ ж̇ахз виббаж̇ахзяяа маанам̣,
‘‘Kodhaṃ jahe vippajaheyya mānaṃ,
сам̣яож̇анам̣ саб̣б̣амад̇иггамзяяа;
Saṃyojanaṃ sabbamatikkameyya;
д̇ам̣ наамаруубасмимасаж̇ж̇амаанам̣,
Taṃ nāmarūpasmimasajjamānaṃ,
агин̃жанам̣ наанубад̇анд̇и сан̇г̇аа’’д̇и.
Akiñcanaṃ nānupatanti saṅgā’’ti.
‘‘бамаад̣̇амануяун̃ж̇анд̇и , б̣аалаа д̣̇уммзд̇хино ж̇анаа;
‘‘Pamādamanuyuñjanti , bālā dummedhino janā;
аббамаад̣̇ан̃жа мзд̇хаавий, д̇ханам̣ сздтам̣ва рагкад̇и.
Appamādañca medhāvī, dhanaṃ seṭṭhaṃva rakkhati.
‘‘маа бамаад̣̇амануяун̃ж̇зт̇а, маа гаамарад̇и сант̇авам̣;
‘‘Mā pamādamanuyuñjetha, mā kāmarati santhavaṃ;
аббамад̇д̇о хи жхааяанд̇о, баббод̇и барамам̣ сука’’нд̇нд̇д̇и.
Appamatto hi jhāyanto, pappoti paramaṃ sukha’’ntntti.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 6. сад̣̇д̇хаасуд̇д̇аван̣н̣анаа • 6. Saddhāsuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 6. сад̣̇д̇хаасуд̇д̇аван̣н̣анаа • 6. Saddhāsuttavaṇṇanā
