| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
9. сад̣̇д̇хасуд̇д̇аван̣н̣анаа
9. Saddhasuttavaṇṇanā
9. навамз д̣̇он̣ияаа б̣ад̣̇д̇ход̇и яавасассад̣̇он̣ияаа самийбз б̣ад̣̇д̇хо. анд̇арам̣ гарид̇ваад̇и аб̣бханд̇арз гад̇ваа. жхааяад̇ийд̇и жинд̇зд̇и. баж̇жхааяад̇ийд̇и ид̇о жид̇о жа наанаббагаарагам̣ жхааяад̇и. ниж̇жхааяад̇ийд̇и ниранд̇аравасзна ниб̣ад̣̇д̇хам̣ жхааяад̇и. бат̇авимби ниссааяа жхааяад̇ийд̇и самаабад̇д̇ияам̣ саниганд̇игавасзнзд̇ам̣ вуд̇д̇ам̣. самаабад̇д̇ияан̃хи саниганд̇игад̇д̇аа зса кал̣ун̇го наама гад̇о. аабаад̣̇ийсуби зсзва наяо.
9. Navame doṇiyā baddhoti yavasassadoṇiyā samīpe baddho. Antaraṃ karitvāti abbhantare katvā. Jhāyatīti cinteti. Pajjhāyatīti ito cito ca nānappakārakaṃ jhāyati. Nijjhāyatīti nirantaravasena nibaddhaṃ jhāyati. Pathavimpi nissāya jhāyatīti samāpattiyaṃ sanikantikavasenetaṃ vuttaṃ. Samāpattiyañhi sanikantikattā esa khaḷuṅko nāma kato. Āpādīsupi eseva nayo.
гат̇ан̃жа сад̣̇д̇ха ааж̇аанийяажхааяид̇ам̣ ход̇ийд̇и гат̇ам̣ гааран̣аагааран̣ам̣ ж̇аананд̇асса синд̇хавасса жхааяид̇ам̣ ход̇и. яат̇аа ин̣анд̇иаад̣̇ийсу ин̣асад̣̇исам̣ б̣анд̇ханасад̣̇исам̣ д̇ханаж̇аанисад̣̇исам̣ галисан̇каад̇амахаабараад̇хасад̣̇исан̃жа гад̇ваа ад̇д̇ано абхимукасса бад̇од̣̇асса аж̇жхохаран̣асан̇каад̇ам̣ бад̇анам̣ вибассад̇ийд̇и ад̇т̇о. нзва бат̇авим̣ ниссааяа жхааяад̇ийд̇и самаабад̇д̇исуканиганд̇ияаа абхаавзна бат̇авиаарамман̣ааяа жад̇уггабан̃жагаж̇жхаанасан̃н̃ааяа на жхааяад̇и, нияанд̇ияаа абхаавзнзва со ааж̇аанийяо наама ход̇ийд̇и. жхааяад̇и жа банаад̇и ниб̣б̣аанаарамман̣ааяа паласамаабад̇д̇ияаа жхааяад̇и. бат̇авияам̣ бат̇ависан̃н̃аа вибхууд̇аа ход̇ийд̇и бат̇аваарамман̣з уббаннаа жад̇уггабан̃жагаж̇жхаанасан̃н̃аа вибхууд̇аа баагадаа ход̇и. ‘‘вибхууд̇аа, бханд̇з, руубасан̃н̃аа авибхууд̇аа адтигасан̃н̃аа’’д̇и имасмин̃хи суд̇д̇з самад̇иггамасса ад̇т̇ид̇ааяа вибхууд̇ад̇аа вуд̇д̇аа, ид̇ха бана вибассанаавасзна анижжад̣̇угкаанад̇д̇ад̇о д̣̇идтад̇д̇аа вибхууд̇аа наама ж̇аад̇аа. аабосан̃н̃аад̣̇ийсуби зсзва наяо. звамзд̇т̇а хздтаа вияа самаабад̇д̇ивасзна самад̇иггамам̣ авад̇ваа вибассанаажааравасзна самад̇иггамо вуд̇д̇о. звам̣ жхааяийд̇и звам̣ вибассанаабадибаадияаа ааг̇анд̇ваа уббаад̣̇ид̇ааяа паласамаабад̇д̇ияаа жхааяанд̇о.
Kathañca saddha ājānīyajhāyitaṃ hotīti kathaṃ kāraṇākāraṇaṃ jānantassa sindhavassa jhāyitaṃ hoti. Yathā iṇantiādīsu iṇasadisaṃ bandhanasadisaṃ dhanajānisadisaṃ kalisaṅkhātamahāparādhasadisañca katvā attano abhimukhassa patodassa ajjhoharaṇasaṅkhātaṃ patanaṃ vipassatīti attho. Neva pathaviṃ nissāya jhāyatīti samāpattisukhanikantiyā abhāvena pathaviārammaṇāya catukkapañcakajjhānasaññāya na jhāyati, niyantiyā abhāveneva so ājānīyo nāma hotīti. Jhāyati ca panāti nibbānārammaṇāya phalasamāpattiyā jhāyati. Pathaviyaṃ pathavisaññā vibhūtā hotīti pathavārammaṇe uppannā catukkapañcakajjhānasaññā vibhūtā pākaṭā hoti. ‘‘Vibhūtā, bhante, rūpasaññā avibhūtā aṭṭhikasaññā’’ti imasmiñhi sutte samatikkamassa atthitāya vibhūtatā vuttā, idha pana vipassanāvasena aniccadukkhānattato diṭṭhattā vibhūtā nāma jātā. Āposaññādīsupi eseva nayo. Evamettha heṭṭhā viya samāpattivasena samatikkamaṃ avatvā vipassanācāravasena samatikkamo vutto. Evaṃ jhāyīti evaṃ vipassanāpaṭipāṭiyā āgantvā uppāditāya phalasamāpattiyā jhāyanto.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 9. сад̣̇д̇хасуд̇д̇ам̣ • 9. Saddhasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 1-10. гимад̇т̇ияасуд̇д̇аад̣̇иван̣н̣анаа • 1-10. Kimatthiyasuttādivaṇṇanā
