| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
6. сад̣̇д̇хаасуд̇д̇аван̣н̣анаа
6. Saddhāsuttavaṇṇanā
36. чадтз сад̣̇д̇хаа д̣̇уд̇ияаа бурисасса ход̇ийд̇и бурисасса д̣̇звалогз мануссалогз жзва ниб̣б̣аанан̃жа г̇ажчанд̇асса сад̣̇д̇хаа д̣̇уд̇ияаа ход̇и, сахааяагижжам̣ саад̇хзд̇и. но жз ассад̣̇д̇хияам̣ авад̇идтад̇ийд̇и яад̣̇и ассад̣̇д̇хияам̣ на д̇идтад̇и. яасод̇и баривааро. гид̇д̇ийд̇и ван̣н̣абхан̣анам̣. д̇ад̇васса ход̇ийд̇и д̇ад̇о асса ход̇и. наанубад̇анд̇и сан̇г̇аад̇и рааг̇асан̇г̇аад̣̇аяо бан̃жа сан̇г̇аа на анубад̇анд̇и. бамаад̣̇амануяун̃ж̇анд̇ийд̇и яз бамаад̣̇ам̣ гаронд̇и ниб̣б̣ад̇д̇знд̇и, д̇з д̇ам̣ ануяун̃ж̇анд̇и наама. д̇ханам̣ сздтам̣ва рагкад̇ийд̇и муд̇д̇ааман̣исаараад̣̇иуд̇д̇амад̇ханам̣ вияа рагкад̇и. жхааяанд̇од̇и лагкан̣уубаниж̇жхаанзна жа аарамман̣уубаниж̇жхаанзна жа жхааяанд̇о. д̇ад̇т̇а лагкан̣уубаниж̇жхаанам̣ наама вибассанаамаг̇г̇апалаани. вибассанаа хи д̇ийн̣и лагкан̣аани убаниж̇жхааяад̇ийд̇и лагкан̣уубаниж̇жхаанам̣. маг̇г̇о вибассанааяа ааг̇ад̇агижжам̣ саад̇хзд̇ийд̇и лагкан̣уубаниж̇жхаанам̣. палам̣ д̇ат̇алагкан̣ам̣ нирод̇хасажжам̣ убаниж̇жхааяад̇ийд̇и лагкан̣уубаниж̇жхаанам̣. адта самаабад̇д̇ияо бана гасин̣аарамман̣асса убаниж̇жхааяанад̇о аарамман̣уубаниж̇жхаананд̇и взд̣̇ид̇аб̣б̣аа. барамам̣ наама арахад̇д̇асукам̣ ад̇хиббзд̇анд̇и. чадтам̣.
36. Chaṭṭhe saddhā dutiyā purisassa hotīti purisassa devaloke manussaloke ceva nibbānañca gacchantassa saddhā dutiyā hoti, sahāyakiccaṃ sādheti. No ce assaddhiyaṃ avatiṭṭhatīti yadi assaddhiyaṃ na tiṭṭhati. Yasoti parivāro. Kittīti vaṇṇabhaṇanaṃ. Tatvassa hotīti tato assa hoti. Nānupatanti saṅgāti rāgasaṅgādayo pañca saṅgā na anupatanti. Pamādamanuyuñjantīti ye pamādaṃ karonti nibbattenti, te taṃ anuyuñjanti nāma. Dhanaṃ seṭṭhaṃva rakkhatīti muttāmaṇisārādiuttamadhanaṃ viya rakkhati. Jhāyantoti lakkhaṇūpanijjhānena ca ārammaṇūpanijjhānena ca jhāyanto. Tattha lakkhaṇūpanijjhānaṃ nāma vipassanāmaggaphalāni. Vipassanā hi tīṇi lakkhaṇāni upanijjhāyatīti lakkhaṇūpanijjhānaṃ. Maggo vipassanāya āgatakiccaṃ sādhetīti lakkhaṇūpanijjhānaṃ. Phalaṃ tathalakkhaṇaṃ nirodhasaccaṃ upanijjhāyatīti lakkhaṇūpanijjhānaṃ. Aṭṭha samāpattiyo pana kasiṇārammaṇassa upanijjhāyanato ārammaṇūpanijjhānanti veditabbā. Paramaṃ nāma arahattasukhaṃ adhippetanti. Chaṭṭhaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 6. сад̣̇д̇хаасуд̇д̇ам̣ • 6. Saddhāsuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 6. сад̣̇д̇хаасуд̇д̇аван̣н̣анаа • 6. Saddhāsuttavaṇṇanā
