| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
8. сад̣̇д̇хасуд̇д̇аван̣н̣анаа
8. Saddhasuttavaṇṇanā
38. адтамз анугамбанд̇ийд̇и ‘‘саб̣б̣з сад̇д̇аа сукий хонд̇у авзраа аб̣яаабаж̇ж̇аа’’д̇и звам̣ хид̇апаран̣зна ануг̇г̇ан̣ханд̇и. абижа убадтаагаанам̣ г̇зхам̣ ан̃н̃з сийлаванд̇з саб̣рахмажаарино г̇ахзд̇ваа бависанд̇ааби ануг̇г̇ан̣ханд̇и наама. нийжавуд̇д̇инд̇и бан̣ибаад̇асийлам̣. год̇хамаанат̇ад̣̇д̇хад̇ааяа рахид̇анд̇и год̇хамаанавасзна уббанно яо т̇ад̣̇д̇хабхааво жид̇д̇асса уд̣̇д̇хумаад̇алагкан̣о, д̇зна вирахид̇анд̇и ад̇т̇о. соражжзнаад̇и ‘‘д̇ад̇т̇а гад̇амам̣ соражжам̣? яо гааяиго авийд̇иггамо, ваажасиго авийд̇иггамо, гааяигаваажасиго авийд̇иггамо, ид̣̇ам̣ вужжад̇и соражжам̣. саб̣б̣оби сийласам̣варо соражжа’’нд̇и звамааг̇ад̇зна сийласам̣варасан̇каад̇зна сорад̇абхаавзна. сакиланд̇и ‘‘д̇ад̇т̇а гад̇амам̣ саакаляам̣? яаа саа ваажаа т̇ад̣̇д̇хагаа гаггасаа парусаа гадугаа абхисаж̇ж̇аний год̇хасааманд̇аа асамаад̇хисам̣вад̇д̇анигаа, д̇ат̇ааруубим̣ ваажам̣ бахааяа яаа саа ваажаа нзлаа ган̣н̣асукаа бзманийяаа хад̣̇аяан̇г̇амаа борий б̣ахуж̇анаганд̇аа б̣ахуж̇анаманаабаа, д̇ат̇ааруубим̣ ваажам̣ бхаасид̇аа ход̇и. яаа д̇ад̇т̇а сан̣хаваажад̇аа сакилаваажад̇аа апарусаваажад̇аа, ид̣̇ам̣ вужжад̇и саакаляа’’нд̇и (д̇ха. са. 1350) звам̣ вуд̇д̇зна саммод̣̇агамуд̣̇убхаавзна саманнааг̇ад̇ам̣. д̇знааха ‘‘сакиланд̇и саммод̣̇ага’’нд̇и.
38. Aṭṭhame anukampantīti ‘‘sabbe sattā sukhī hontu averā abyāpajjā’’ti evaṃ hitapharaṇena anuggaṇhanti. Apica upaṭṭhākānaṃ gehaṃ aññe sīlavante sabrahmacārino gahetvā pavisantāpi anuggaṇhanti nāma. Nīcavuttinti paṇipātasīlaṃ. Kodhamānathaddhatāya rahitanti kodhamānavasena uppanno yo thaddhabhāvo cittassa uddhumātalakkhaṇo, tena virahitanti attho. Soraccenāti ‘‘tattha katamaṃ soraccaṃ? Yo kāyiko avītikkamo, vācasiko avītikkamo, kāyikavācasiko avītikkamo, idaṃ vuccati soraccaṃ. Sabbopi sīlasaṃvaro soracca’’nti evamāgatena sīlasaṃvarasaṅkhātena soratabhāvena. Sakhilanti ‘‘tattha katamaṃ sākhalyaṃ? Yā sā vācā thaddhakā kakkasā pharusā kaṭukā abhisajjanī kodhasāmantā asamādhisaṃvattanikā, tathārūpiṃ vācaṃ pahāya yā sā vācā nelā kaṇṇasukhā pemanīyā hadayaṅgamā porī bahujanakantā bahujanamanāpā, tathārūpiṃ vācaṃ bhāsitā hoti. Yā tattha saṇhavācatā sakhilavācatā apharusavācatā, idaṃ vuccati sākhalya’’nti (dha. sa. 1350) evaṃ vuttena sammodakamudubhāvena samannāgataṃ. Tenāha ‘‘sakhilanti sammodaka’’nti.
сад̣̇д̇хасуд̇д̇аван̣н̣анаа нидтид̇аа.
Saddhasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 8. сад̣̇д̇хасуд̇д̇ам̣ • 8. Saddhasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 8. сад̣̇д̇хасуд̇д̇аван̣н̣анаа • 8. Saddhasuttavaṇṇanā
