| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
6. сад̣̇д̇хаасуд̇д̇аван̣н̣анаа
6. Saddhāsuttavaṇṇanā
36. д̇ад̇вассаад̇и о-гаарасса ва-гаараад̣̇зсам̣ а-гаарасса жа лобам̣ гад̇ваа нид̣̇д̣̇зсод̇и ааха ‘‘д̇ад̇о ассаа’’д̇и. ‘‘д̇ад̇ассаа’’д̇и ваа баато, д̇ад̇од̇и жа сад̣̇д̇хаахзд̇ууд̇и ад̇т̇о. наанубад̇анд̇ийд̇и на вад̇д̇анд̇и. бамаад̣̇ам̣ гаронд̇ийд̇и бамаж̇ж̇анд̇и, мижчаа бадибаж̇ж̇анд̇ийд̇и ад̇т̇о. лагкан̣аанийд̇и анижжаад̣̇илагкан̣аани. убаниж̇жхааяад̇ийд̇и убзжжа н̃аан̣ажагкунаа бзгкад̇и, анубассад̇ийд̇и ад̇т̇о. ааг̇ад̇агижжанд̇и аахад̇агижжам̣, аяамзва ваа баато. саад̇хзд̇ийд̇и асаммохабадивзд̇хавасзна нибпаад̣̇зд̇и, д̇ат̇алагкан̣ам̣ нирод̇хасажжам̣ убаниж̇жхааяад̇ийд̇и аяамад̇т̇о маг̇г̇зби вад̇д̇аб̣б̣о д̇зна винаа асаммохабадивзд̇хасса асамбхавад̇о. гасин̣аарамман̣ассаад̇и ид̣̇ам̣ лагкан̣аважанам̣. агасин̣аарамман̣асамаабад̇д̇ияоби хи санд̇ийд̇и. яат̇аа жа гасин̣аарамман̣аани адтаннам̣ самаабад̇д̇ийнам̣ авасзсаанан̃жа д̇ад̣̇аарамман̣аанам̣ бажжавзгкан̣авасзна жид̇д̇аанам̣, звам̣ д̇зна д̇аани аарамман̣аани г̇ахид̇аанийд̇и ‘‘гасин̣аарамман̣асса’’ижжзва вуд̇д̇ам̣. барамам̣ уд̇д̇амам̣ суканд̇и вад̇д̇аб̣б̣ад̇о барамасукам̣ арахад̇д̇ам̣.
36.Tatvassāti o-kārassa va-kārādesaṃ a-kārassa ca lopaṃ katvā niddesoti āha ‘‘tato assā’’ti. ‘‘Tatassā’’ti vā pāṭho, tatoti ca saddhāhetūti attho. Nānupatantīti na vattanti. Pamādaṃ karontīti pamajjanti, micchā paṭipajjantīti attho. Lakkhaṇānīti aniccādilakkhaṇāni. Upanijjhāyatīti upecca ñāṇacakkhunā pekkhati, anupassatīti attho. Āgatakiccanti āhatakiccaṃ, ayameva vā pāṭho. Sādhetīti asammohapaṭivedhavasena nipphādeti, tathalakkhaṇaṃ nirodhasaccaṃ upanijjhāyatīti ayamattho maggepi vattabbo tena vinā asammohapaṭivedhassa asambhavato. Kasiṇārammaṇassāti idaṃ lakkhaṇavacanaṃ. Akasiṇārammaṇasamāpattiyopi hi santīti. Yathā ca kasiṇārammaṇāni aṭṭhannaṃ samāpattīnaṃ avasesānañca tadārammaṇānaṃ paccavekkhaṇavasena cittānaṃ, evaṃ tena tāni ārammaṇāni gahitānīti ‘‘kasiṇārammaṇassa’’icceva vuttaṃ. Paramaṃ uttamaṃ sukhanti vattabbato paramasukhaṃ arahattaṃ.
сад̣̇д̇хаасуд̇д̇аван̣н̣анаа нидтид̇аа.
Saddhāsuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 6. сад̣̇д̇хаасуд̇д̇ам̣ • 6. Saddhāsuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 6. сад̣̇д̇хаасуд̇д̇аван̣н̣анаа • 6. Saddhāsuttavaṇṇanā
