| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) |
੯. ਸਦ੍ਧਸੁਤ੍ਤવਣ੍ਣਨਾ
9. Saddhasuttavaṇṇanā
੯. ਨવਮੇ ਦੋਣਿਯਾ ਬਦ੍ਧੋਤਿ ਯવਸਸ੍ਸਦੋਣਿਯਾ ਸਮੀਪੇ ਬਦ੍ਧੋ। ਅਨ੍ਤਰਂ ਕਰਿਤ੍વਾਤਿ ਅਬ੍ਭਨ੍ਤਰੇ ਕਤ੍વਾ। ਝਾਯਤੀਤਿ ਚਿਨ੍ਤੇਤਿ। ਪਜ੍ਝਾਯਤੀਤਿ ਇਤੋ ਚਿਤੋ ਚ ਨਾਨਪ੍ਪਕਾਰਕਂ ਝਾਯਤਿ। ਨਿਜ੍ਝਾਯਤੀਤਿ ਨਿਰਨ੍ਤਰવਸੇਨ ਨਿਬਦ੍ਧਂ ਝਾਯਤਿ। ਪਥવਿਮ੍ਪਿ ਨਿਸ੍ਸਾਯ ਝਾਯਤੀਤਿ ਸਮਾਪਤ੍ਤਿਯਂ ਸਨਿਕਨ੍ਤਿਕવਸੇਨੇਤਂ વੁਤ੍ਤਂ। ਸਮਾਪਤ੍ਤਿਯਞ੍ਹਿ ਸਨਿਕਨ੍ਤਿਕਤ੍ਤਾ ਏਸ ਖਲ਼ੁਙ੍ਕੋ ਨਾਮ ਕਤੋ। ਆਪਾਦੀਸੁਪਿ ਏਸੇવ ਨਯੋ।
9. Navame doṇiyā baddhoti yavasassadoṇiyā samīpe baddho. Antaraṃ karitvāti abbhantare katvā. Jhāyatīti cinteti. Pajjhāyatīti ito cito ca nānappakārakaṃ jhāyati. Nijjhāyatīti nirantaravasena nibaddhaṃ jhāyati. Pathavimpi nissāya jhāyatīti samāpattiyaṃ sanikantikavasenetaṃ vuttaṃ. Samāpattiyañhi sanikantikattā esa khaḷuṅko nāma kato. Āpādīsupi eseva nayo.
ਕਥਞ੍ਚ ਸਦ੍ਧ ਆਜਾਨੀਯਝਾਯਿਤਂ ਹੋਤੀਤਿ ਕਥਂ ਕਾਰਣਾਕਾਰਣਂ ਜਾਨਨ੍ਤਸ੍ਸ ਸਿਨ੍ਧવਸ੍ਸ ਝਾਯਿਤਂ ਹੋਤਿ। ਯਥਾ ਇਣਨ੍ਤਿਆਦੀਸੁ ਇਣਸਦਿਸਂ ਬਨ੍ਧਨਸਦਿਸਂ ਧਨਜਾਨਿਸਦਿਸਂ ਕਲਿਸਙ੍ਖਾਤਮਹਾਪਰਾਧਸਦਿਸਞ੍ਚ ਕਤ੍વਾ ਅਤ੍ਤਨੋ ਅਭਿਮੁਖਸ੍ਸ ਪਤੋਦਸ੍ਸ ਅਜ੍ਝੋਹਰਣਸਙ੍ਖਾਤਂ ਪਤਨਂ વਿਪਸ੍ਸਤੀਤਿ ਅਤ੍ਥੋ। ਨੇવ ਪਥવਿਂ ਨਿਸ੍ਸਾਯ ਝਾਯਤੀਤਿ ਸਮਾਪਤ੍ਤਿਸੁਖਨਿਕਨ੍ਤਿਯਾ ਅਭਾવੇਨ ਪਥવਿਆਰਮ੍ਮਣਾਯ ਚਤੁਕ੍ਕਪਞ੍ਚਕਜ੍ਝਾਨਸਞ੍ਞਾਯ ਨ ਝਾਯਤਿ, ਨਿਯਨ੍ਤਿਯਾ ਅਭਾવੇਨੇવ ਸੋ ਆਜਾਨੀਯੋ ਨਾਮ ਹੋਤੀਤਿ। ਝਾਯਤਿ ਚ ਪਨਾਤਿ ਨਿਬ੍ਬਾਨਾਰਮ੍ਮਣਾਯ ਫਲਸਮਾਪਤ੍ਤਿਯਾ ਝਾਯਤਿ। ਪਥવਿਯਂ ਪਥવਿਸਞ੍ਞਾ વਿਭੂਤਾ ਹੋਤੀਤਿ ਪਥવਾਰਮ੍ਮਣੇ ਉਪ੍ਪਨ੍ਨਾ ਚਤੁਕ੍ਕਪਞ੍ਚਕਜ੍ਝਾਨਸਞ੍ਞਾ વਿਭੂਤਾ ਪਾਕਟਾ ਹੋਤਿ। ‘‘વਿਭੂਤਾ, ਭਨ੍ਤੇ, ਰੂਪਸਞ੍ਞਾ ਅવਿਭੂਤਾ ਅਟ੍ਠਿਕਸਞ੍ਞਾ’’ਤਿ ਇਮਸ੍ਮਿਞ੍ਹਿ ਸੁਤ੍ਤੇ ਸਮਤਿਕ੍ਕਮਸ੍ਸ ਅਤ੍ਥਿਤਾਯ વਿਭੂਤਤਾ વੁਤ੍ਤਾ, ਇਧ ਪਨ વਿਪਸ੍ਸਨਾવਸੇਨ ਅਨਿਚ੍ਚਦੁਕ੍ਖਾਨਤ੍ਤਤੋ ਦਿਟ੍ਠਤ੍ਤਾ વਿਭੂਤਾ ਨਾਮ ਜਾਤਾ। ਆਪੋਸਞ੍ਞਾਦੀਸੁਪਿ ਏਸੇવ ਨਯੋ। ਏવਮੇਤ੍ਥ ਹੇਟ੍ਠਾ વਿਯ ਸਮਾਪਤ੍ਤਿવਸੇਨ ਸਮਤਿਕ੍ਕਮਂ ਅવਤ੍વਾ વਿਪਸ੍ਸਨਾਚਾਰવਸੇਨ ਸਮਤਿਕ੍ਕਮੋ વੁਤ੍ਤੋ। ਏવਂ ਝਾਯੀਤਿ ਏવਂ વਿਪਸ੍ਸਨਾਪਟਿਪਾਟਿਯਾ ਆਗਨ੍ਤ੍વਾ ਉਪ੍ਪਾਦਿਤਾਯ ਫਲਸਮਾਪਤ੍ਤਿਯਾ ਝਾਯਨ੍ਤੋ।
Kathañca saddha ājānīyajhāyitaṃ hotīti kathaṃ kāraṇākāraṇaṃ jānantassa sindhavassa jhāyitaṃ hoti. Yathā iṇantiādīsu iṇasadisaṃ bandhanasadisaṃ dhanajānisadisaṃ kalisaṅkhātamahāparādhasadisañca katvā attano abhimukhassa patodassa ajjhoharaṇasaṅkhātaṃ patanaṃ vipassatīti attho. Neva pathaviṃ nissāya jhāyatīti samāpattisukhanikantiyā abhāvena pathaviārammaṇāya catukkapañcakajjhānasaññāya na jhāyati, niyantiyā abhāveneva so ājānīyo nāma hotīti. Jhāyati ca panāti nibbānārammaṇāya phalasamāpattiyā jhāyati. Pathaviyaṃ pathavisaññā vibhūtā hotīti pathavārammaṇe uppannā catukkapañcakajjhānasaññā vibhūtā pākaṭā hoti. ‘‘Vibhūtā, bhante, rūpasaññā avibhūtā aṭṭhikasaññā’’ti imasmiñhi sutte samatikkamassa atthitāya vibhūtatā vuttā, idha pana vipassanāvasena aniccadukkhānattato diṭṭhattā vibhūtā nāma jātā. Āposaññādīsupi eseva nayo. Evamettha heṭṭhā viya samāpattivasena samatikkamaṃ avatvā vipassanācāravasena samatikkamo vutto. Evaṃ jhāyīti evaṃ vipassanāpaṭipāṭiyā āgantvā uppāditāya phalasamāpattiyā jhāyanto.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੯. ਸਦ੍ਧਸੁਤ੍ਤਂ • 9. Saddhasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੧-੧੦. ਕਿਮਤ੍ਥਿਯਸੁਤ੍ਤਾਦਿવਣ੍ਣਨਾ • 1-10. Kimatthiyasuttādivaṇṇanā
