| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) |
੬. ਸਦ੍ਧਾਸੁਤ੍ਤવਣ੍ਣਨਾ
6. Saddhāsuttavaṇṇanā
੩੬. ਛਟ੍ਠੇ ਸਦ੍ਧਾ ਦੁਤਿਯਾ ਪੁਰਿਸਸ੍ਸ ਹੋਤੀਤਿ ਪੁਰਿਸਸ੍ਸ ਦੇવਲੋਕੇ ਮਨੁਸ੍ਸਲੋਕੇ ਚੇવ ਨਿਬ੍ਬਾਨਞ੍ਚ ਗਚ੍ਛਨ੍ਤਸ੍ਸ ਸਦ੍ਧਾ ਦੁਤਿਯਾ ਹੋਤਿ, ਸਹਾਯਕਿਚ੍ਚਂ ਸਾਧੇਤਿ। ਨੋ ਚੇ ਅਸ੍ਸਦ੍ਧਿਯਂ ਅવਤਿਟ੍ਠਤੀਤਿ ਯਦਿ ਅਸ੍ਸਦ੍ਧਿਯਂ ਨ ਤਿਟ੍ਠਤਿ। ਯਸੋਤਿ ਪਰਿવਾਰੋ। ਕਿਤ੍ਤੀਤਿ વਣ੍ਣਭਣਨਂ। ਤਤ੍વਸ੍ਸ ਹੋਤੀਤਿ ਤਤੋ ਅਸ੍ਸ ਹੋਤਿ। ਨਾਨੁਪਤਨ੍ਤਿ ਸਙ੍ਗਾਤਿ ਰਾਗਸਙ੍ਗਾਦਯੋ ਪਞ੍ਚ ਸਙ੍ਗਾ ਨ ਅਨੁਪਤਨ੍ਤਿ। ਪਮਾਦਮਨੁਯੁਞ੍ਜਨ੍ਤੀਤਿ ਯੇ ਪਮਾਦਂ ਕਰੋਨ੍ਤਿ ਨਿਬ੍ਬਤ੍ਤੇਨ੍ਤਿ, ਤੇ ਤਂ ਅਨੁਯੁਞ੍ਜਨ੍ਤਿ ਨਾਮ। ਧਨਂ ਸੇਟ੍ਠਂવ ਰਕ੍ਖਤੀਤਿ ਮੁਤ੍ਤਾਮਣਿਸਾਰਾਦਿਉਤ੍ਤਮਧਨਂ વਿਯ ਰਕ੍ਖਤਿ। ਝਾਯਨ੍ਤੋਤਿ ਲਕ੍ਖਣੂਪਨਿਜ੍ਝਾਨੇਨ ਚ ਆਰਮ੍ਮਣੂਪਨਿਜ੍ਝਾਨੇਨ ਚ ਝਾਯਨ੍ਤੋ। ਤਤ੍ਥ ਲਕ੍ਖਣੂਪਨਿਜ੍ਝਾਨਂ ਨਾਮ વਿਪਸ੍ਸਨਾਮਗ੍ਗਫਲਾਨਿ। વਿਪਸ੍ਸਨਾ ਹਿ ਤੀਣਿ ਲਕ੍ਖਣਾਨਿ ਉਪਨਿਜ੍ਝਾਯਤੀਤਿ ਲਕ੍ਖਣੂਪਨਿਜ੍ਝਾਨਂ। ਮਗ੍ਗੋ વਿਪਸ੍ਸਨਾਯ ਆਗਤਕਿਚ੍ਚਂ ਸਾਧੇਤੀਤਿ ਲਕ੍ਖਣੂਪਨਿਜ੍ਝਾਨਂ। ਫਲਂ ਤਥਲਕ੍ਖਣਂ ਨਿਰੋਧਸਚ੍ਚਂ ਉਪਨਿਜ੍ਝਾਯਤੀਤਿ ਲਕ੍ਖਣੂਪਨਿਜ੍ਝਾਨਂ। ਅਟ੍ਠ ਸਮਾਪਤ੍ਤਿਯੋ ਪਨ ਕਸਿਣਾਰਮ੍ਮਣਸ੍ਸ ਉਪਨਿਜ੍ਝਾਯਨਤੋ ਆਰਮ੍ਮਣੂਪਨਿਜ੍ਝਾਨਨ੍ਤਿ વੇਦਿਤਬ੍ਬਾ। ਪਰਮਂ ਨਾਮ ਅਰਹਤ੍ਤਸੁਖਂ ਅਧਿਪ੍ਪੇਤਨ੍ਤਿ। ਛਟ੍ਠਂ।
36. Chaṭṭhe saddhā dutiyā purisassa hotīti purisassa devaloke manussaloke ceva nibbānañca gacchantassa saddhā dutiyā hoti, sahāyakiccaṃ sādheti. No ce assaddhiyaṃ avatiṭṭhatīti yadi assaddhiyaṃ na tiṭṭhati. Yasoti parivāro. Kittīti vaṇṇabhaṇanaṃ. Tatvassa hotīti tato assa hoti. Nānupatanti saṅgāti rāgasaṅgādayo pañca saṅgā na anupatanti. Pamādamanuyuñjantīti ye pamādaṃ karonti nibbattenti, te taṃ anuyuñjanti nāma. Dhanaṃ seṭṭhaṃva rakkhatīti muttāmaṇisārādiuttamadhanaṃ viya rakkhati. Jhāyantoti lakkhaṇūpanijjhānena ca ārammaṇūpanijjhānena ca jhāyanto. Tattha lakkhaṇūpanijjhānaṃ nāma vipassanāmaggaphalāni. Vipassanā hi tīṇi lakkhaṇāni upanijjhāyatīti lakkhaṇūpanijjhānaṃ. Maggo vipassanāya āgatakiccaṃ sādhetīti lakkhaṇūpanijjhānaṃ. Phalaṃ tathalakkhaṇaṃ nirodhasaccaṃ upanijjhāyatīti lakkhaṇūpanijjhānaṃ. Aṭṭha samāpattiyo pana kasiṇārammaṇassa upanijjhāyanato ārammaṇūpanijjhānanti veditabbā. Paramaṃ nāma arahattasukhaṃ adhippetanti. Chaṭṭhaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੬. ਸਦ੍ਧਾਸੁਤ੍ਤਂ • 6. Saddhāsuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੬. ਸਦ੍ਧਾਸੁਤ੍ਤવਣ੍ਣਨਾ • 6. Saddhāsuttavaṇṇanā
