| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) |
੮. ਸਦ੍ਧਸੁਤ੍ਤવਣ੍ਣਨਾ
8. Saddhasuttavaṇṇanā
੩੮. ਅਟ੍ਠਮੇ ਅਨੁਕਮ੍ਪਨ੍ਤੀਤਿ ‘‘ਸਬ੍ਬੇ ਸਤ੍ਤਾ ਸੁਖੀ ਹੋਨ੍ਤੁ ਅવੇਰਾ ਅਬ੍ਯਾਪਜ੍ਜਾ’’ਤਿ ਏવਂ ਹਿਤਫਰਣੇਨ ਅਨੁਗ੍ਗਣ੍ਹਨ੍ਤਿ। ਅਪਿਚ ਉਪਟ੍ਠਾਕਾਨਂ ਗੇਹਂ ਅਞ੍ਞੇ ਸੀਲવਨ੍ਤੇ ਸਬ੍ਰਹ੍ਮਚਾਰਿਨੋ ਗਹੇਤ੍વਾ ਪવਿਸਨ੍ਤਾਪਿ ਅਨੁਗ੍ਗਣ੍ਹਨ੍ਤਿ ਨਾਮ। ਨੀਚવੁਤ੍ਤਿਨ੍ਤਿ ਪਣਿਪਾਤਸੀਲਂ। ਕੋਧਮਾਨਥਦ੍ਧਤਾਯ ਰਹਿਤਨ੍ਤਿ ਕੋਧਮਾਨવਸੇਨ ਉਪ੍ਪਨ੍ਨੋ ਯੋ ਥਦ੍ਧਭਾવੋ ਚਿਤ੍ਤਸ੍ਸ ਉਦ੍ਧੁਮਾਤਲਕ੍ਖਣੋ, ਤੇਨ વਿਰਹਿਤਨ੍ਤਿ ਅਤ੍ਥੋ। ਸੋਰਚ੍ਚੇਨਾਤਿ ‘‘ਤਤ੍ਥ ਕਤਮਂ ਸੋਰਚ੍ਚਂ? ਯੋ ਕਾਯਿਕੋ ਅવੀਤਿਕ੍ਕਮੋ, વਾਚਸਿਕੋ ਅવੀਤਿਕ੍ਕਮੋ, ਕਾਯਿਕવਾਚਸਿਕੋ ਅવੀਤਿਕ੍ਕਮੋ, ਇਦਂ વੁਚ੍ਚਤਿ ਸੋਰਚ੍ਚਂ। ਸਬ੍ਬੋਪਿ ਸੀਲਸਂવਰੋ ਸੋਰਚ੍ਚ’’ਨ੍ਤਿ ਏવਮਾਗਤੇਨ ਸੀਲਸਂવਰਸਙ੍ਖਾਤੇਨ ਸੋਰਤਭਾવੇਨ। ਸਖਿਲਨ੍ਤਿ ‘‘ਤਤ੍ਥ ਕਤਮਂ ਸਾਖਲ੍ਯਂ? ਯਾ ਸਾ વਾਚਾ ਥਦ੍ਧਕਾ ਕਕ੍ਕਸਾ ਫਰੁਸਾ ਕਟੁਕਾ ਅਭਿਸਜ੍ਜਨੀ ਕੋਧਸਾਮਨ੍ਤਾ ਅਸਮਾਧਿਸਂવਤ੍ਤਨਿਕਾ, ਤਥਾਰੂਪਿਂ વਾਚਂ ਪਹਾਯ ਯਾ ਸਾ વਾਚਾ ਨੇਲਾ ਕਣ੍ਣਸੁਖਾ ਪੇਮਨੀਯਾ ਹਦਯਙ੍ਗਮਾ ਪੋਰੀ ਬਹੁਜਨਕਨ੍ਤਾ ਬਹੁਜਨਮਨਾਪਾ, ਤਥਾਰੂਪਿਂ વਾਚਂ ਭਾਸਿਤਾ ਹੋਤਿ। ਯਾ ਤਤ੍ਥ ਸਣ੍ਹવਾਚਤਾ ਸਖਿਲવਾਚਤਾ ਅਫਰੁਸવਾਚਤਾ, ਇਦਂ વੁਚ੍ਚਤਿ ਸਾਖਲ੍ਯ’’ਨ੍ਤਿ (ਧ॰ ਸ॰ ੧੩੫੦) ਏવਂ વੁਤ੍ਤੇਨ ਸਮ੍ਮੋਦਕਮੁਦੁਭਾવੇਨ ਸਮਨ੍ਨਾਗਤਂ। ਤੇਨਾਹ ‘‘ਸਖਿਲਨ੍ਤਿ ਸਮ੍ਮੋਦਕ’’ਨ੍ਤਿ।
38. Aṭṭhame anukampantīti ‘‘sabbe sattā sukhī hontu averā abyāpajjā’’ti evaṃ hitapharaṇena anuggaṇhanti. Apica upaṭṭhākānaṃ gehaṃ aññe sīlavante sabrahmacārino gahetvā pavisantāpi anuggaṇhanti nāma. Nīcavuttinti paṇipātasīlaṃ. Kodhamānathaddhatāya rahitanti kodhamānavasena uppanno yo thaddhabhāvo cittassa uddhumātalakkhaṇo, tena virahitanti attho. Soraccenāti ‘‘tattha katamaṃ soraccaṃ? Yo kāyiko avītikkamo, vācasiko avītikkamo, kāyikavācasiko avītikkamo, idaṃ vuccati soraccaṃ. Sabbopi sīlasaṃvaro soracca’’nti evamāgatena sīlasaṃvarasaṅkhātena soratabhāvena. Sakhilanti ‘‘tattha katamaṃ sākhalyaṃ? Yā sā vācā thaddhakā kakkasā pharusā kaṭukā abhisajjanī kodhasāmantā asamādhisaṃvattanikā, tathārūpiṃ vācaṃ pahāya yā sā vācā nelā kaṇṇasukhā pemanīyā hadayaṅgamā porī bahujanakantā bahujanamanāpā, tathārūpiṃ vācaṃ bhāsitā hoti. Yā tattha saṇhavācatā sakhilavācatā apharusavācatā, idaṃ vuccati sākhalya’’nti (dha. sa. 1350) evaṃ vuttena sammodakamudubhāvena samannāgataṃ. Tenāha ‘‘sakhilanti sammodaka’’nti.
ਸਦ੍ਧਸੁਤ੍ਤવਣ੍ਣਨਾ ਨਿਟ੍ਠਿਤਾ।
Saddhasuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੮. ਸਦ੍ਧਸੁਤ੍ਤਂ • 8. Saddhasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) / ੮. ਸਦ੍ਧਸੁਤ੍ਤવਣ੍ਣਨਾ • 8. Saddhasuttavaṇṇanā
