| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) |
੬. ਸਦ੍ਧਾਸੁਤ੍ਤવਣ੍ਣਨਾ
6. Saddhāsuttavaṇṇanā
੩੬. ਤਤ੍વਸ੍ਸਾਤਿ ਓ-ਕਾਰਸ੍ਸ વ-ਕਾਰਾਦੇਸਂ ਅ-ਕਾਰਸ੍ਸ ਚ ਲੋਪਂ ਕਤ੍વਾ ਨਿਦ੍ਦੇਸੋਤਿ ਆਹ ‘‘ਤਤੋ ਅਸ੍ਸਾ’’ਤਿ। ‘‘ਤਤਸ੍ਸਾ’’ਤਿ વਾ ਪਾਠੋ, ਤਤੋਤਿ ਚ ਸਦ੍ਧਾਹੇਤੂਤਿ ਅਤ੍ਥੋ। ਨਾਨੁਪਤਨ੍ਤੀਤਿ ਨ વਤ੍ਤਨ੍ਤਿ। ਪਮਾਦਂ ਕਰੋਨ੍ਤੀਤਿ ਪਮਜ੍ਜਨ੍ਤਿ, ਮਿਚ੍ਛਾ ਪਟਿਪਜ੍ਜਨ੍ਤੀਤਿ ਅਤ੍ਥੋ। ਲਕ੍ਖਣਾਨੀਤਿ ਅਨਿਚ੍ਚਾਦਿਲਕ੍ਖਣਾਨਿ। ਉਪਨਿਜ੍ਝਾਯਤੀਤਿ ਉਪੇਚ੍ਚ ਞਾਣਚਕ੍ਖੁਨਾ ਪੇਕ੍ਖਤਿ, ਅਨੁਪਸ੍ਸਤੀਤਿ ਅਤ੍ਥੋ। ਆਗਤਕਿਚ੍ਚਨ੍ਤਿ ਆਹਤਕਿਚ੍ਚਂ, ਅਯਮੇવ વਾ ਪਾਠੋ। ਸਾਧੇਤੀਤਿ ਅਸਮ੍ਮੋਹਪਟਿવੇਧવਸੇਨ ਨਿਪ੍ਫਾਦੇਤਿ, ਤਥਲਕ੍ਖਣਂ ਨਿਰੋਧਸਚ੍ਚਂ ਉਪਨਿਜ੍ਝਾਯਤੀਤਿ ਅਯਮਤ੍ਥੋ ਮਗ੍ਗੇਪਿ વਤ੍ਤਬ੍ਬੋ ਤੇਨ વਿਨਾ ਅਸਮ੍ਮੋਹਪਟਿવੇਧਸ੍ਸ ਅਸਮ੍ਭવਤੋ। ਕਸਿਣਾਰਮ੍ਮਣਸ੍ਸਾਤਿ ਇਦਂ ਲਕ੍ਖਣવਚਨਂ। ਅਕਸਿਣਾਰਮ੍ਮਣਸਮਾਪਤ੍ਤਿਯੋਪਿ ਹਿ ਸਨ੍ਤੀਤਿ। ਯਥਾ ਚ ਕਸਿਣਾਰਮ੍ਮਣਾਨਿ ਅਟ੍ਠਨ੍ਨਂ ਸਮਾਪਤ੍ਤੀਨਂ ਅવਸੇਸਾਨਞ੍ਚ ਤਦਾਰਮ੍ਮਣਾਨਂ ਪਚ੍ਚવੇਕ੍ਖਣવਸੇਨ ਚਿਤ੍ਤਾਨਂ, ਏવਂ ਤੇਨ ਤਾਨਿ ਆਰਮ੍ਮਣਾਨਿ ਗਹਿਤਾਨੀਤਿ ‘‘ਕਸਿਣਾਰਮ੍ਮਣਸ੍ਸ’’ਇਚ੍ਚੇવ વੁਤ੍ਤਂ। ਪਰਮਂ ਉਤ੍ਤਮਂ ਸੁਖਨ੍ਤਿ વਤ੍ਤਬ੍ਬਤੋ ਪਰਮਸੁਖਂ ਅਰਹਤ੍ਤਂ।
36.Tatvassāti o-kārassa va-kārādesaṃ a-kārassa ca lopaṃ katvā niddesoti āha ‘‘tato assā’’ti. ‘‘Tatassā’’ti vā pāṭho, tatoti ca saddhāhetūti attho. Nānupatantīti na vattanti. Pamādaṃ karontīti pamajjanti, micchā paṭipajjantīti attho. Lakkhaṇānīti aniccādilakkhaṇāni. Upanijjhāyatīti upecca ñāṇacakkhunā pekkhati, anupassatīti attho. Āgatakiccanti āhatakiccaṃ, ayameva vā pāṭho. Sādhetīti asammohapaṭivedhavasena nipphādeti, tathalakkhaṇaṃ nirodhasaccaṃ upanijjhāyatīti ayamattho maggepi vattabbo tena vinā asammohapaṭivedhassa asambhavato. Kasiṇārammaṇassāti idaṃ lakkhaṇavacanaṃ. Akasiṇārammaṇasamāpattiyopi hi santīti. Yathā ca kasiṇārammaṇāni aṭṭhannaṃ samāpattīnaṃ avasesānañca tadārammaṇānaṃ paccavekkhaṇavasena cittānaṃ, evaṃ tena tāni ārammaṇāni gahitānīti ‘‘kasiṇārammaṇassa’’icceva vuttaṃ. Paramaṃ uttamaṃ sukhanti vattabbato paramasukhaṃ arahattaṃ.
ਸਦ੍ਧਾਸੁਤ੍ਤવਣ੍ਣਨਾ ਨਿਟ੍ਠਿਤਾ।
Saddhāsuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੬. ਸਦ੍ਧਾਸੁਤ੍ਤਂ • 6. Saddhāsuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੬. ਸਦ੍ਧਾਸੁਤ੍ਤવਣ੍ਣਨਾ • 6. Saddhāsuttavaṇṇanā
