| Library / Tipiṭaka / திபிடக • Tipiṭaka / மஹாவக்³க³-அட்ட²கதா² • Mahāvagga-aṭṭhakathā |
ஸத்³தி⁴விஹாரிகவத்தகதா²
Saddhivihārikavattakathā
67. உபஜ்ஜா²யேன ஸத்³தி⁴விஹாரிகம்ஹி ஸம்மாவத்தனாயங் – ஸங்க³ஹேதப்³போ³ அனுக்³க³ஹேதப்³போ³தி உத்³தே³ஸாதீ³ஹிஸ்ஸ ஸங்க³ஹோ ச அனுக்³க³ஹோ ச கத்தப்³போ³. தத்த² உத்³தே³ஸோதி பாளிவாசனங். பரிபுச்சா²தி பாளியா அத்த²வண்ணனா. ஓவாதோ³தி அனோதிண்ணே வத்து²ஸ்மிங் ‘‘இத³ங் கரோஹி, இத³ங் மா கரித்தா²’’தி வசனங். அனுஸாஸனீதி ஓதிண்ணே வத்து²ஸ்மிங். அபி ச ஓதிண்ணே வா அனோதிண்ணே வா பட²மங் வசனங் ஓவாதோ³; புனப்புனங் வசனங் அனுஸாஸனீதி. ஸசே உபஜ்ஜா²யஸ்ஸ பத்தோ ஹோதீதி ஸசே அதிரேகபத்தோ ஹோதி. ஏஸ நயோ ஸப்³ப³த்த². பரிக்கா²ரோதி அஞ்ஞோபி ஸமணபரிக்கா²ரோ. இத⁴ உஸ்ஸுக்கங் நாம த⁴ம்மிகேன நயேன உப்பஜ்ஜமானஉபாயபரியேஸனங். இதோ பரங் த³ந்தகட்ட²தா³னங் ஆதி³ங் கத்வா ஆசமனகும்பி⁴யா உத³காஸிஞ்சனபரியோஸானங் வத்தங் கி³லானஸ்ஸேவ ஸத்³தி⁴விஹாரிகஸ்ஸ காதப்³ப³ங். அனபி⁴ரதிவூபகாஸனாதி³ பன அகி³லானஸ்ஸாபி கத்தப்³ப³மேவ. சீவரங் ரஜந்தேனாதி ‘‘ஏவங் ரஜெய்யாஸீ’’தி உபஜ்ஜா²யதோ உபாயங் ஸுத்வா ரஜந்தேன. ஸேஸங் வுத்தனயேனேவ வேதி³தப்³ப³ங்.
67. Upajjhāyena saddhivihārikamhi sammāvattanāyaṃ – saṅgahetabbo anuggahetabboti uddesādīhissa saṅgaho ca anuggaho ca kattabbo. Tattha uddesoti pāḷivācanaṃ. Paripucchāti pāḷiyā atthavaṇṇanā. Ovādoti anotiṇṇe vatthusmiṃ ‘‘idaṃ karohi, idaṃ mā karitthā’’ti vacanaṃ. Anusāsanīti otiṇṇe vatthusmiṃ. Api ca otiṇṇe vā anotiṇṇe vā paṭhamaṃ vacanaṃ ovādo; punappunaṃ vacanaṃ anusāsanīti. Sace upajjhāyassa patto hotīti sace atirekapatto hoti. Esa nayo sabbattha. Parikkhāroti aññopi samaṇaparikkhāro. Idha ussukkaṃ nāma dhammikena nayena uppajjamānaupāyapariyesanaṃ. Ito paraṃ dantakaṭṭhadānaṃ ādiṃ katvā ācamanakumbhiyā udakāsiñcanapariyosānaṃ vattaṃ gilānasseva saddhivihārikassa kātabbaṃ. Anabhirativūpakāsanādi pana agilānassāpi kattabbameva. Cīvaraṃ rajantenāti ‘‘evaṃ rajeyyāsī’’ti upajjhāyato upāyaṃ sutvā rajantena. Sesaṃ vuttanayeneva veditabbaṃ.
ஸத்³தி⁴விஹாரிகவத்தகதா² நிட்டி²தா.
Saddhivihārikavattakathā niṭṭhitā.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவக்³க³பாளி • Mahāvaggapāḷi / 16. ஸத்³தி⁴விஹாரிகவத்தகதா² • 16. Saddhivihārikavattakathā
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / உபஜ்ஜா²யவத்தகதா²வண்ணனா • Upajjhāyavattakathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / ஸத்³தி⁴விஹாரிகவத்தகதா²வண்ணனா • Saddhivihārikavattakathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / பாசித்யாதி³யோஜனாபாளி • Pācityādiyojanāpāḷi / 16. ஸத்³தி⁴விஹாரிகவத்தகதா² • 16. Saddhivihārikavattakathā
