| Library / Tipiṭaka / д̇ибидага • Tipiṭaka / баажид̇яаад̣̇ияож̇анаабаал̣и • Pācityādiyojanāpāḷi |
16. сад̣̇д̇хивихааригавад̇д̇агат̇аа
16. Saddhivihārikavattakathā
67. саммаавад̇д̇анааяам̣ винижчаяо звам̣ взд̣̇ид̇аб̣б̣од̇и яож̇анаа. уд̣̇д̣̇зсаад̣̇ийхийд̇и аад̣̇исад̣̇д̣̇зна барибужчаад̣̇аяо сан̇г̇ан̣хаад̇и. сан̇г̇ахасад̣̇д̣̇асса сан̇кзбаг̇ахан̣зсуби вуд̇д̇ид̇о ‘‘ануг̇г̇ахо’’д̇и вуд̇д̇ам̣. ат̇а ваа саммукаа сан̇г̇ахо жа бараммукаа ануг̇г̇ахо жа гаад̇аб̣б̣о. аамисзна ваа сан̇г̇ахо, д̇хаммзна ваа ануг̇г̇ахо. д̣̇идтад̇хаммигад̇т̇ааяа ваа сан̇г̇ахо, самбарааяигад̇т̇ааяа ваа ануг̇г̇ахо. логияад̇т̇ааяа ваа сан̇г̇ахо, логуд̇д̇арад̇т̇ааяа ваа ануг̇г̇ахо гаад̇аб̣б̣о. д̇ад̇т̇аад̇и яам̣ вуд̇д̇ам̣ ‘‘уд̣̇д̣̇зсзна барибужчааяа оваад̣̇зна анусаасанийяаа’’д̇и. д̇ад̇т̇а уд̣̇д̣̇исанам̣ уд̣̇д̣̇зсод̇и важанад̇т̇зна баал̣иваажанаа уд̣̇д̣̇зсо наамаад̇и д̣̇ассзнд̇о ааха ‘‘уд̣̇д̣̇зсод̇и баал̣иваажанаа’’д̇и. ‘‘баал̣ияаа ад̇т̇аван̣н̣анаа’’д̇и иминаа бунаббунам̣, саманд̇ад̇о ваа баал̣ияаа ад̇т̇асса бужчанам̣ барибужчаад̇и ад̇т̇ам̣ д̣̇ассзд̇и. вад̇т̇усминд̇и жаарид̇д̇аваарид̇д̇авад̇т̇усмим̣. ид̣̇анд̇и жаарид̇д̇ам̣. буна ид̣̇анд̇и ваарид̇д̇ам̣. ‘‘важана’’нд̇и иминаа овад̣̇анам̣ оваад̣̇од̇и важанад̇т̇ам̣ д̣̇ассзд̇и. од̇ин̣н̣з вад̇т̇усмим̣ ‘‘ид̣̇ам̣ гарохи, ид̣̇ам̣ маа гарид̇т̇аа’’д̇и важанам̣ анусаасаний наамаад̇и яож̇анаа. ‘‘бунаббунам̣ важана’’нд̇и иминаа анусаасанийд̇и зд̇т̇а анусад̣̇д̣̇асса наубажчиннад̇т̇ам̣ д̣̇ассзд̇и. ‘‘сажз убаж̇жхааяасса бад̇д̇о ход̇ий’’д̇и сааман̃н̃ад̇о вуд̇д̇зби на багад̇ибад̇д̇о ход̇и, ат̇а ко ад̇ирид̇д̇абад̇д̇о ход̇ийд̇и ааха ‘‘ад̇ирзгабад̇д̇о’’д̇и. саб̣б̣ад̇т̇аад̇и саб̣б̣зсу ‘‘сажз убаж̇жхааяасса жийварам̣ ход̇ий’’д̇иаад̣̇ийсу бад̣̇зсу. ан̃н̃обийд̇и бад̇д̇ажийварзхи ан̃н̃оби. саман̣абаригкаарод̇и чад̇д̇убааханаад̣̇и саман̣абаригкааро. ид̇хаад̇и сад̣̇д̇хивихааригавад̇д̇з. наязнаад̇и н̃ааязна. уббаж̇ж̇амаанаубааяабариязсананд̇и уббаж̇ж̇амаанасса, уббаж̇ж̇амаанад̇т̇ааяа ваа убааяасса бариязсанам̣. ид̇од̇и ‘‘гинд̇и ну ко сад̣̇д̇хивихааригасса баригкааро уббаж̇ж̇иязт̇аа’’д̇и баал̣ид̇о. жийварам̣ раж̇анд̇знаад̇и зд̇т̇а раж̇анд̇зна убаж̇жхааязнаад̇и ад̇т̇о на д̣̇адтаб̣б̣о, сад̣̇д̇хивихааригзнаад̇и ад̇т̇о зваад̇и д̣̇ассзнд̇о ааха ‘‘убаж̇жхааяад̇о убааяам̣ суд̇ваа раж̇анд̇знаа’’д̇и. убаж̇жхааяад̇о убааяанд̇и убаж̇жхааяад̇о лад̣̇д̇хам̣ убааяам̣.
67. Sammāvattanāyaṃ vinicchayo evaṃ veditabboti yojanā. Uddesādīhīti ādisaddena paripucchādayo saṅgaṇhāti. Saṅgahasaddassa saṅkhepagahaṇesupi vuttito ‘‘anuggaho’’ti vuttaṃ. Atha vā sammukhā saṅgaho ca parammukhā anuggaho ca kātabbo. Āmisena vā saṅgaho, dhammena vā anuggaho. Diṭṭhadhammikatthāya vā saṅgaho, samparāyikatthāya vā anuggaho. Lokiyatthāya vā saṅgaho, lokuttaratthāya vā anuggaho kātabbo. Tatthāti yaṃ vuttaṃ ‘‘uddesena paripucchāya ovādena anusāsanīyā’’ti. Tattha uddisanaṃ uddesoti vacanatthena pāḷivācanā uddeso nāmāti dassento āha ‘‘uddesoti pāḷivācanā’’ti. ‘‘Pāḷiyā atthavaṇṇanā’’ti iminā punappunaṃ, samantato vā pāḷiyā atthassa pucchanaṃ paripucchāti atthaṃ dasseti. Vatthusminti cārittavārittavatthusmiṃ. Idanti cārittaṃ. Puna idanti vārittaṃ. ‘‘Vacana’’nti iminā ovadanaṃ ovādoti vacanatthaṃ dasseti. Otiṇṇe vatthusmiṃ ‘‘idaṃ karohi, idaṃ mā karitthā’’ti vacanaṃ anusāsanī nāmāti yojanā. ‘‘Punappunaṃ vacana’’nti iminā anusāsanīti ettha anusaddassa naupacchinnatthaṃ dasseti. ‘‘Sace upajjhāyassa patto hotī’’ti sāmaññato vuttepi na pakatipatto hoti, atha kho atirittapatto hotīti āha ‘‘atirekapatto’’ti. Sabbatthāti sabbesu ‘‘sace upajjhāyassa cīvaraṃ hotī’’tiādīsu padesu. Aññopīti pattacīvarehi aññopi. Samaṇaparikkhāroti chattupāhanādi samaṇaparikkhāro. Idhāti saddhivihārikavatte. Nayenāti ñāyena. Uppajjamānaupāyapariyesananti uppajjamānassa, uppajjamānatthāya vā upāyassa pariyesanaṃ. Itoti ‘‘kinti nu kho saddhivihārikassa parikkhāro uppajjiyethā’’ti pāḷito. Cīvaraṃ rajantenāti ettha rajantena upajjhāyenāti attho na daṭṭhabbo, saddhivihārikenāti attho evāti dassento āha ‘‘upajjhāyato upāyaṃ sutvā rajantenā’’ti. Upajjhāyato upāyanti upajjhāyato laddhaṃ upāyaṃ.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi / 16. сад̣̇д̇хивихааригавад̇д̇агат̇аа • 16. Saddhivihārikavattakathā
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / сад̣̇д̇хивихааригавад̇д̇агат̇аа • Saddhivihārikavattakathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / убаж̇жхааяавад̇д̇агат̇ааван̣н̣анаа • Upajjhāyavattakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / сад̣̇д̇хивихааригавад̇д̇агат̇ааван̣н̣анаа • Saddhivihārikavattakathāvaṇṇanā
