| Library / Tipiṭaka / තිපිටක • Tipiṭaka / මහාවග්‌ග-අට්‌ඨකථා • Mahāvagga-aṭṭhakathā |
සද්‌ධිවිහාරිකවත්‌තකථා
Saddhivihārikavattakathā
67. උපජ්‌ඣායෙන සද්‌ධිවිහාරිකම්‌හි සම්‌මාවත්‌තනායං – සඞ්‌ගහෙතබ්‌බො අනුග්‌ගහෙතබ්‌බොති උද්‌දෙසාදීහිස්‌ස සඞ්‌ගහො ච අනුග්‌ගහො ච කත්‌තබ්‌බො. තත්‌ථ උද්‌දෙසොති පාළිවාචනං. පරිපුච්‌ඡාති පාළියා අත්‌ථවණ්‌ණනා. ඔවාදොති අනොතිණ්‌ණෙ වත්‌ථුස්‌මිං ‘‘ඉදං කරොහි, ඉදං මා කරිත්‌ථා’’ති වචනං. අනුසාසනීති ඔතිණ්‌ණෙ වත්‌ථුස්‌මිං. අපි ච ඔතිණ්‌ණෙ වා අනොතිණ්‌ණෙ වා පඨමං වචනං ඔවාදො; පුනප්‌පුනං වචනං අනුසාසනීති. සචෙ උපජ්‌ඣායස්‌ස පත්‌තො හොතීති සචෙ අතිරෙකපත්‌තො හොති. එස නයො සබ්‌බත්‌ථ. පරික්‌ඛාරොති අඤ්‌ඤොපි සමණපරික්‌ඛාරො. ඉධ උස්‌සුක්‌කං නාම ධම්‌මිකෙන නයෙන උප්‌පජ්‌ජමානඋපායපරියෙසනං. ඉතො පරං දන්‌තකට්‌ඨදානං ආදිං කත්‌වා ආචමනකුම්‌භියා උදකාසිඤ්‌චනපරියොසානං වත්‌තං ගිලානස්‌සෙව සද්‌ධිවිහාරිකස්‌ස කාතබ්‌බං. අනභිරතිවූපකාසනාදි පන අගිලානස්‌සාපි කත්‌තබ්‌බමෙව. චීවරං රජන්‌තෙනාති ‘‘එවං රජෙය්‍යාසී’’ති උපජ්‌ඣායතො උපායං සුත්‌වා රජන්‌තෙන. සෙසං වුත්‌තනයෙනෙව වෙදිතබ්‌බං.
67. Upajjhāyena saddhivihārikamhi sammāvattanāyaṃ – saṅgahetabbo anuggahetabboti uddesādīhissa saṅgaho ca anuggaho ca kattabbo. Tattha uddesoti pāḷivācanaṃ. Paripucchāti pāḷiyā atthavaṇṇanā. Ovādoti anotiṇṇe vatthusmiṃ ‘‘idaṃ karohi, idaṃ mā karitthā’’ti vacanaṃ. Anusāsanīti otiṇṇe vatthusmiṃ. Api ca otiṇṇe vā anotiṇṇe vā paṭhamaṃ vacanaṃ ovādo; punappunaṃ vacanaṃ anusāsanīti. Sace upajjhāyassa patto hotīti sace atirekapatto hoti. Esa nayo sabbattha. Parikkhāroti aññopi samaṇaparikkhāro. Idha ussukkaṃ nāma dhammikena nayena uppajjamānaupāyapariyesanaṃ. Ito paraṃ dantakaṭṭhadānaṃ ādiṃ katvā ācamanakumbhiyā udakāsiñcanapariyosānaṃ vattaṃ gilānasseva saddhivihārikassa kātabbaṃ. Anabhirativūpakāsanādi pana agilānassāpi kattabbameva. Cīvaraṃ rajantenāti ‘‘evaṃ rajeyyāsī’’ti upajjhāyato upāyaṃ sutvā rajantena. Sesaṃ vuttanayeneva veditabbaṃ.
සද්‌ධිවිහාරිකවත්‌තකථා නිට්‌ඨිතා.
Saddhivihārikavattakathā niṭṭhitā.
Related texts:
තිපිටක (මූල) • Tipiṭaka (Mūla) / විනයපිටක • Vinayapiṭaka / මහාවග්‌ගපාළි • Mahāvaggapāḷi / 16. සද්‌ධිවිහාරිකවත්‌තකථා • 16. Saddhivihārikavattakathā
ටීකා • Tīkā / විනයපිටක (ටීකා) • Vinayapiṭaka (ṭīkā) / සාරත්‌ථදීපනී-ටීකා • Sāratthadīpanī-ṭīkā / උපජ්‌ඣායවත්‌තකථාවණ්‌ණනා • Upajjhāyavattakathāvaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / විමතිවිනොදනී-ටීකා • Vimativinodanī-ṭīkā / සද්‌ධිවිහාරිකවත්‌තකථාවණ්‌ණනා • Saddhivihārikavattakathāvaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / පාචිත්‍යාදියොජනාපාළි • Pācityādiyojanāpāḷi / 16. සද්‌ධිවිහාරිකවත්‌තකථා • 16. Saddhivihārikavattakathā
