| Library / Tipiṭaka / ཏིཔིཊཀ • Tipiṭaka / མཧཱཝགྒ-ཨཊྛཀཐཱ • Mahāvagga-aṭṭhakathā |
སདྡྷིཝིཧཱརིཀཝཏྟཀཐཱ
Saddhivihārikavattakathā
༦༧. ཨུཔཛ྄ཛྷཱཡེན སདྡྷིཝིཧཱརིཀམྷི སམྨཱཝཏྟནཱཡཾ – སངྒཧེཏབྦོ ཨནུགྒཧེཏབྦོཏི ཨུདྡེསཱདཱིཧིསྶ སངྒཧོ ཙ ཨནུགྒཧོ ཙ ཀཏྟབྦོ། ཏཏྠ ཨུདྡེསོཏི པཱལི༹ཝཱཙནཾ། པརིཔུཙྪཱཏི པཱལི༹ཡཱ ཨཏྠཝཎྞནཱ། ཨོཝཱདོཏི ཨནོཏིཎྞེ ཝཏྠུསྨིཾ ‘‘ཨིདཾ ཀརོཧི, ཨིདཾ མཱ ཀརིཏྠཱ’’ཏི ཝཙནཾ། ཨནུསཱསནཱིཏི ཨོཏིཎྞེ ཝཏྠུསྨིཾ། ཨཔི ཙ ཨོཏིཎྞེ ཝཱ ཨནོཏིཎྞེ ཝཱ པཋམཾ ཝཙནཾ ཨོཝཱདོ; པུནཔྤུནཾ ཝཙནཾ ཨནུསཱསནཱིཏི། སཙེ ཨུཔཛ྄ཛྷཱཡསྶ པཏྟོ ཧོཏཱིཏི སཙེ ཨཏིརེཀཔཏྟོ ཧོཏི། ཨེས ནཡོ སབྦཏྠ། པརིཀྑཱརོཏི ཨཉྙོཔི སམཎཔརིཀྑཱརོ། ཨིདྷ ཨུསྶུཀྐཾ ནཱམ དྷམྨིཀེན ནཡེན ཨུཔྤཛྫམཱནཨུཔཱཡཔརིཡེསནཾ། ཨིཏོ པརཾ དནྟཀཊྛདཱནཾ ཨཱདིཾ ཀཏྭཱ ཨཱཙམནཀུམྦྷིཡཱ ཨུདཀཱསིཉྩནཔརིཡོསཱནཾ ཝཏྟཾ གིལཱནསྶེཝ སདྡྷིཝིཧཱརིཀསྶ ཀཱཏབྦཾ། ཨནབྷིརཏིཝཱུཔཀཱསནཱདི པན ཨགིལཱནསྶཱཔི ཀཏྟབྦམེཝ། ཙཱིཝརཾ རཛནྟེནཱཏི ‘‘ཨེཝཾ རཛེཡྻཱསཱི’’ཏི ཨུཔཛ྄ཛྷཱཡཏོ ཨུཔཱཡཾ སུཏྭཱ རཛནྟེན། སེསཾ ཝུཏྟནཡེནེཝ ཝེདིཏབྦཾ།
67. Upajjhāyena saddhivihārikamhi sammāvattanāyaṃ – saṅgahetabbo anuggahetabboti uddesādīhissa saṅgaho ca anuggaho ca kattabbo. Tattha uddesoti pāḷivācanaṃ. Paripucchāti pāḷiyā atthavaṇṇanā. Ovādoti anotiṇṇe vatthusmiṃ ‘‘idaṃ karohi, idaṃ mā karitthā’’ti vacanaṃ. Anusāsanīti otiṇṇe vatthusmiṃ. Api ca otiṇṇe vā anotiṇṇe vā paṭhamaṃ vacanaṃ ovādo; punappunaṃ vacanaṃ anusāsanīti. Sace upajjhāyassa patto hotīti sace atirekapatto hoti. Esa nayo sabbattha. Parikkhāroti aññopi samaṇaparikkhāro. Idha ussukkaṃ nāma dhammikena nayena uppajjamānaupāyapariyesanaṃ. Ito paraṃ dantakaṭṭhadānaṃ ādiṃ katvā ācamanakumbhiyā udakāsiñcanapariyosānaṃ vattaṃ gilānasseva saddhivihārikassa kātabbaṃ. Anabhirativūpakāsanādi pana agilānassāpi kattabbameva. Cīvaraṃ rajantenāti ‘‘evaṃ rajeyyāsī’’ti upajjhāyato upāyaṃ sutvā rajantena. Sesaṃ vuttanayeneva veditabbaṃ.
སདྡྷིཝིཧཱརིཀཝཏྟཀཐཱ ནིཊྛིཏཱ།
Saddhivihārikavattakathā niṭṭhitā.
Related texts:
ཏིཔིཊཀ (མཱུལ) • Tipiṭaka (Mūla) / ཝིནཡཔིཊཀ • Vinayapiṭaka / མཧཱཝགྒཔཱལི༹ • Mahāvaggapāḷi / ༡༦. སདྡྷིཝིཧཱརིཀཝཏྟཀཐཱ • 16. Saddhivihārikavattakathā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / སཱརཏྠདཱིཔནཱི-ཊཱིཀཱ • Sāratthadīpanī-ṭīkā / ཨུཔཛ྄ཛྷཱཡཝཏྟཀཐཱཝཎྞནཱ • Upajjhāyavattakathāvaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝིམཏིཝིནོདནཱི-ཊཱིཀཱ • Vimativinodanī-ṭīkā / སདྡྷིཝིཧཱརིཀཝཏྟཀཐཱཝཎྞནཱ • Saddhivihārikavattakathāvaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / པཱཙིཏྱཱདིཡོཛནཱཔཱལི༹ • Pācityādiyojanāpāḷi / ༡༦. སདྡྷིཝིཧཱརིཀཝཏྟཀཐཱ • 16. Saddhivihārikavattakathā
