| Library / Tipiṭaka / ติปิฎก • Tipiṭaka / กถาวตฺถุปาฬิ • Kathāvatthupāḷi |
๑๒. ทฺวาทสมวโคฺค
12. Dvādasamavaggo
(๑๑๘) ๓. สโทฺท วิปาโกติกถา
(118) 3. Saddo vipākotikathā
๖๓๖. สโทฺท วิปาโกติ? อามนฺตาฯ สุขเวทนิโย ทุกฺขเวทนิโย อทุกฺขมสุขเวทนิโย, สุขาย เวทนาย สมฺปยุโตฺต, ทุกฺขาย เวทนาย สมฺปยุโตฺต , อทุกฺขมสุขาย เวทนาย สมฺปยุโตฺต, ผเสฺสน สมฺปยุโตฺต, เวทนาย สมฺปยุโตฺต, สญฺญาย สมฺปยุโตฺต, เจตนาย สมฺปยุโตฺต, จิเตฺตน สมฺปยุโตฺต, สารมฺมโณ; อตฺถิ ตสฺส อาวฎฺฎนา อาโภโค สมนฺนาหาโร มนสิกาโร เจตนา ปตฺถนา ปณิธีติ? น เหวํ วตฺตเพฺพ…เป.… นนุ น สุขเวทนิโย น ทุกฺขเวทนิโย…เป.… อนารมฺมโณ, นตฺถิ ตสฺส อาวฎฺฎนา…เป.… ปณิธีติ? อามนฺตาฯ หญฺจิ น สุขเวทนิโย…เป.… อนารมฺมโณ, นตฺถิ ตสฺส อาวฎฺฎนา…เป.… ปณิธิ, โน จ วต เร วตฺตเพฺพ – ‘‘สโทฺท วิปาโก’’ติฯ
636. Saddo vipākoti? Āmantā. Sukhavedaniyo dukkhavedaniyo adukkhamasukhavedaniyo, sukhāya vedanāya sampayutto, dukkhāya vedanāya sampayutto , adukkhamasukhāya vedanāya sampayutto, phassena sampayutto, vedanāya sampayutto, saññāya sampayutto, cetanāya sampayutto, cittena sampayutto, sārammaṇo; atthi tassa āvaṭṭanā ābhogo samannāhāro manasikāro cetanā patthanā paṇidhīti? Na hevaṃ vattabbe…pe… nanu na sukhavedaniyo na dukkhavedaniyo…pe… anārammaṇo, natthi tassa āvaṭṭanā…pe… paṇidhīti? Āmantā. Hañci na sukhavedaniyo…pe… anārammaṇo, natthi tassa āvaṭṭanā…pe… paṇidhi, no ca vata re vattabbe – ‘‘saddo vipāko’’ti.
ผโสฺส วิปาโก, ผโสฺส สุขเวทนิโย…เป.… สารมฺมโณ, อตฺถิ ตสฺส อาวฎฺฎนา…เป.… ปณิธีติ? อามนฺตาฯ สโทฺท วิปาโก, สโทฺท สุขเวทนิโย…เป.… สารมฺมโณ, อตฺถิ ตสฺส อาวฎฺฎนา…เป.… ปณิธีติ? น เหวํ วตฺตเพฺพ…เป.…ฯ
Phasso vipāko, phasso sukhavedaniyo…pe… sārammaṇo, atthi tassa āvaṭṭanā…pe… paṇidhīti? Āmantā. Saddo vipāko, saddo sukhavedaniyo…pe… sārammaṇo, atthi tassa āvaṭṭanā…pe… paṇidhīti? Na hevaṃ vattabbe…pe….
สโทฺท วิปาโก, สโทฺท น สุขเวทนิโย…เป.… อนารมฺมโณ, นตฺถิ ตสฺส อาวฎฺฎนา…เป.… ปณิธีติ? อามนฺตาฯ ผโสฺส วิปาโก, ผโสฺส น สุขเวทนิโย, น ทุกฺขเวทนิโย…เป.… อนารมฺมโณ, นตฺถิ ตสฺส อาวฎฺฎนา…เป.… ปณิธีติ? น เหวํ วตฺตเพฺพ…เป.…ฯ
Saddo vipāko, saddo na sukhavedaniyo…pe… anārammaṇo, natthi tassa āvaṭṭanā…pe… paṇidhīti? Āmantā. Phasso vipāko, phasso na sukhavedaniyo, na dukkhavedaniyo…pe… anārammaṇo, natthi tassa āvaṭṭanā…pe… paṇidhīti? Na hevaṃ vattabbe…pe….
๖๓๗. น วตฺตพฺพํ – ‘‘สโทฺท วิปาโก’’ติ? อามนฺตาฯ นนุ วุตฺตํ ภควตา – ‘‘โส ตสฺส กมฺมสฺส กตตฺตา อุปจิตตฺตา อุสฺสนฺนตฺตา วิปุลตฺตา พฺรหฺมสฺสโร โหติ กรวิกภาณี’’ติ 1! อเตฺถว สุตฺตโนฺตติ? อามนฺตา ฯ เตน หิ สโทฺท วิปาโกติฯ
637. Na vattabbaṃ – ‘‘saddo vipāko’’ti? Āmantā. Nanu vuttaṃ bhagavatā – ‘‘so tassa kammassa katattā upacitattā ussannattā vipulattā brahmassaro hoti karavikabhāṇī’’ti 2! Attheva suttantoti? Āmantā . Tena hi saddo vipākoti.
สโทฺท วิปาโกติกถา นิฎฺฐิตาฯ
Saddo vipākotikathā niṭṭhitā.
Footnotes:
Related texts:
อฎฺฐกถา • Aṭṭhakathā / อภิธมฺมปิฎก (อฎฺฐกถา) • Abhidhammapiṭaka (aṭṭhakathā) / ปญฺจปกรณ-อฎฺฐกถา • Pañcapakaraṇa-aṭṭhakathā / ๓. สโทฺท วิปาโกติกถาวณฺณนา • 3. Saddo vipākotikathāvaṇṇanā
ฎีกา • Tīkā / อภิธมฺมปิฎก (ฎีกา) • Abhidhammapiṭaka (ṭīkā) / ปญฺจปกรณ-มูลฎีกา • Pañcapakaraṇa-mūlaṭīkā / ๓. สโทฺทวิปาโกติกถาวณฺณนา • 3. Saddovipākotikathāvaṇṇanā
