| Library / Tipiṭaka / တိပိဋက • Tipiṭaka / ကထာဝတ္ထုပာဠိ • Kathāvatthupāḷi |
၁၂. ဒ္ဝာဒသမဝဂ္ဂော
12. Dvādasamavaggo
(၁၁၈) ၃. သဒ္ဒော ဝိပာကောတိကထာ
(118) 3. Saddo vipākotikathā
၆၃၆. သဒ္ဒော ဝိပာကောတိ? အာမန္တာ။ သုခဝေဒနိယော ဒုက္ခဝေဒနိယော အဒုက္ခမသုခဝေဒနိယော, သုခာယ ဝေဒနာယ သမ္ပယုတ္တော, ဒုက္ခာယ ဝေဒနာယ သမ္ပယုတ္တော , အဒုက္ခမသုခာယ ဝေဒနာယ သမ္ပယုတ္တော, ဖသ္သေန သမ္ပယုတ္တော, ဝေဒနာယ သမ္ပယုတ္တော, သညာယ သမ္ပယုတ္တော, စေတနာယ သမ္ပယုတ္တော, စိတ္တေန သမ္ပယုတ္တော, သာရမ္မဏော; အတ္ထိ တသ္သ အာဝဋ္ဋနာ အာဘောဂော သမန္နာဟာရော မနသိကာရော စေတနာ ပတ္ထနာ ပဏိဓီတိ? န ဟေဝံ ဝတ္တဗ္ဗေ။ပေ.။ နနု န သုခဝေဒနိယော န ဒုက္ခဝေဒနိယော။ပေ.။ အနာရမ္မဏော, နတ္ထိ တသ္သ အာဝဋ္ဋနာ။ပေ.။ ပဏိဓီတိ? အာမန္တာ။ ဟဉ္စိ န သုခဝေဒနိယော။ပေ.။ အနာရမ္မဏော, နတ္ထိ တသ္သ အာဝဋ္ဋနာ။ပေ.။ ပဏိဓိ, နော စ ဝတ ရေ ဝတ္တဗ္ဗေ – ‘‘သဒ္ဒော ဝိပာကော’’တိ။
636. Saddo vipākoti? Āmantā. Sukhavedaniyo dukkhavedaniyo adukkhamasukhavedaniyo, sukhāya vedanāya sampayutto, dukkhāya vedanāya sampayutto , adukkhamasukhāya vedanāya sampayutto, phassena sampayutto, vedanāya sampayutto, saññāya sampayutto, cetanāya sampayutto, cittena sampayutto, sārammaṇo; atthi tassa āvaṭṭanā ābhogo samannāhāro manasikāro cetanā patthanā paṇidhīti? Na hevaṃ vattabbe…pe… nanu na sukhavedaniyo na dukkhavedaniyo…pe… anārammaṇo, natthi tassa āvaṭṭanā…pe… paṇidhīti? Āmantā. Hañci na sukhavedaniyo…pe… anārammaṇo, natthi tassa āvaṭṭanā…pe… paṇidhi, no ca vata re vattabbe – ‘‘saddo vipāko’’ti.
ဖသ္သော ဝိပာကော, ဖသ္သော သုခဝေဒနိယော။ပေ.။ သာရမ္မဏော, အတ္ထိ တသ္သ အာဝဋ္ဋနာ။ပေ.။ ပဏိဓီတိ? အာမန္တာ။ သဒ္ဒော ဝိပာကော, သဒ္ဒော သုခဝေဒနိယော။ပေ.။ သာရမ္မဏော, အတ္ထိ တသ္သ အာဝဋ္ဋနာ။ပေ.။ ပဏိဓီတိ? န ဟေဝံ ဝတ္တဗ္ဗေ။ပေ.။။
Phasso vipāko, phasso sukhavedaniyo…pe… sārammaṇo, atthi tassa āvaṭṭanā…pe… paṇidhīti? Āmantā. Saddo vipāko, saddo sukhavedaniyo…pe… sārammaṇo, atthi tassa āvaṭṭanā…pe… paṇidhīti? Na hevaṃ vattabbe…pe….
သဒ္ဒော ဝိပာကော, သဒ္ဒော န သုခဝေဒနိယော။ပေ.။ အနာရမ္မဏော, နတ္ထိ တသ္သ အာဝဋ္ဋနာ။ပေ.။ ပဏိဓီတိ? အာမန္တာ။ ဖသ္သော ဝိပာကော, ဖသ္သော န သုခဝေဒနိယော, န ဒုက္ခဝေဒနိယော။ပေ.။ အနာရမ္မဏော, နတ္ထိ တသ္သ အာဝဋ္ဋနာ။ပေ.။ ပဏိဓီတိ? န ဟေဝံ ဝတ္တဗ္ဗေ။ပေ.။။
Saddo vipāko, saddo na sukhavedaniyo…pe… anārammaṇo, natthi tassa āvaṭṭanā…pe… paṇidhīti? Āmantā. Phasso vipāko, phasso na sukhavedaniyo, na dukkhavedaniyo…pe… anārammaṇo, natthi tassa āvaṭṭanā…pe… paṇidhīti? Na hevaṃ vattabbe…pe….
၆၃၇. န ဝတ္တဗ္ဗံ – ‘‘သဒ္ဒော ဝိပာကော’’တိ? အာမန္တာ။ နနု ဝုတ္တံ ဘဂဝတာ – ‘‘သော တသ္သ ကမ္မသ္သ ကတတ္တာ ဥပစိတတ္တာ ဥသ္သန္နတ္တာ ဝိပုလတ္တာ ဗ္ရဟ္မသ္သရော ဟောတိ ကရဝိကဘာဏီ’’တိ 1! အတ္ထေဝ သုတ္တန္တောတိ? အာမန္တာ ။ တေန ဟိ သဒ္ဒော ဝိပာကောတိ။
637. Na vattabbaṃ – ‘‘saddo vipāko’’ti? Āmantā. Nanu vuttaṃ bhagavatā – ‘‘so tassa kammassa katattā upacitattā ussannattā vipulattā brahmassaro hoti karavikabhāṇī’’ti 2! Attheva suttantoti? Āmantā . Tena hi saddo vipākoti.
သဒ္ဒော ဝိပာကောတိကထာ နိဋ္ဌိတာ။
Saddo vipākotikathā niṭṭhitā.
Footnotes:
Related texts:
အဋ္ဌကထာ • Aṭṭhakathā / အဘိဓမ္မပိဋက (အဋ္ဌကထာ) • Abhidhammapiṭaka (aṭṭhakathā) / ပဉ္စပကရဏ-အဋ္ဌကထာ • Pañcapakaraṇa-aṭṭhakathā / ၃. သဒ္ဒော ဝိပာကောတိကထာဝဏ္ဏနာ • 3. Saddo vipākotikathāvaṇṇanā
ဋီကာ • Tīkā / အဘိဓမ္မပိဋက (ဋီကာ) • Abhidhammapiṭaka (ṭīkā) / ပဉ္စပကရဏ-မူလဋီကာ • Pañcapakaraṇa-mūlaṭīkā / ၃. သဒ္ဒောဝိပာကောတိကထာဝဏ္ဏနာ • 3. Saddovipākotikathāvaṇṇanā
