| Library / Tipiṭaka / তিপিটক • Tipiṭaka / পঞ্চপকরণ-অট্ঠকথা • Pañcapakaraṇa-aṭṭhakathā |
৩. সদ্দো ৰিপাকোতিকথাৰণ্ণনা
3. Saddo vipākotikathāvaṇṇanā
৬৩৬-৬৩৭. ইদানি সদ্দো ৰিপাকোতিকথা নাম হোতি। তত্থ ‘‘সো তস্স কম্মস্স কতত্তা উপচিতত্তা উস্সন্নত্তা ৰিপুলত্তা ব্রহ্মস্সরো হোতী’’তিআদীনি (দী॰ নি॰ ৩.২৩৬) অযোনিসো গহেত্ৰা ‘‘সদ্দো ৰিপাকো’’তি যেসং লদ্ধি, সেয্যথাপি মহাসংঘিকানং; তেসং ‘‘কম্মসমুট্ঠানা অরূপধম্মাৰ ৰিপাকাতি নামং লভন্তি। রূপধম্মেসু পনাযং ৰোহারো নত্থী’’তি দস্সেতুং পুচ্ছা সকৰাদিস্স, পটিঞ্ঞা ইতরস্স। সুখৰেদনীযোতিআদি ‘‘ৰিপাকো নাম এৰরূপো হোতী’’তি দস্সনত্থং ৰুত্তং। ‘‘সো তস্স কম্মস্সা’’তি সুত্তং লক্খণপটিলাভদস্সনত্থং ৰুত্তং। মহাপুরিসো হি কম্মস্স কতত্তা সুচিপরিৰারোপি হোতি, ন চ পরিৰারো ৰিপাকো, তস্মা অসাধকমেতন্তি।
636-637. Idāni saddo vipākotikathā nāma hoti. Tattha ‘‘so tassa kammassa katattā upacitattā ussannattā vipulattā brahmassaro hotī’’tiādīni (dī. ni. 3.236) ayoniso gahetvā ‘‘saddo vipāko’’ti yesaṃ laddhi, seyyathāpi mahāsaṃghikānaṃ; tesaṃ ‘‘kammasamuṭṭhānā arūpadhammāva vipākāti nāmaṃ labhanti. Rūpadhammesu panāyaṃ vohāro natthī’’ti dassetuṃ pucchā sakavādissa, paṭiññā itarassa. Sukhavedanīyotiādi ‘‘vipāko nāma evarūpo hotī’’ti dassanatthaṃ vuttaṃ. ‘‘So tassa kammassā’’ti suttaṃ lakkhaṇapaṭilābhadassanatthaṃ vuttaṃ. Mahāpuriso hi kammassa katattā suciparivāropi hoti, na ca parivāro vipāko, tasmā asādhakametanti.
সদ্দো ৰিপাকোতিকথাৰণ্ণনা।
Saddo vipākotikathāvaṇṇanā.
Related texts:
তিপিটক (মূল) • Tipiṭaka (Mūla) / অভিধম্মপিটক • Abhidhammapiṭaka / কথাৰত্থুপাল়ি • Kathāvatthupāḷi / (১১৮) ৩. সদ্দো ৰিপাকোতিকথা • (118) 3. Saddo vipākotikathā
টীকা • Tīkā / অভিধম্মপিটক (টীকা) • Abhidhammapiṭaka (ṭīkā) / পঞ্চপকরণ-মূলটীকা • Pañcapakaraṇa-mūlaṭīkā / ৩. সদ্দোৰিপাকোতিকথাৰণ্ণনা • 3. Saddovipākotikathāvaṇṇanā
