| Library / Tipiṭaka / តិបិដក • Tipiṭaka / បញ្ចបករណ-អដ្ឋកថា • Pañcapakaraṇa-aṭṭhakathā |
៣. សទ្ទោ វិបាកោតិកថាវណ្ណនា
3. Saddo vipākotikathāvaṇṇanā
៦៣៦-៦៣៧. ឥទានិ សទ្ទោ វិបាកោតិកថា នាម ហោតិ។ តត្ថ ‘‘សោ តស្ស កម្មស្ស កតត្តា ឧបចិតត្តា ឧស្សន្នត្តា វិបុលត្តា ព្រហ្មស្សរោ ហោតី’’តិអាទីនិ (ទី. និ. ៣.២៣៦) អយោនិសោ គហេត្វា ‘‘សទ្ទោ វិបាកោ’’តិ យេសំ លទ្ធិ, សេយ្យថាបិ មហាសំឃិកានំ; តេសំ ‘‘កម្មសមុដ្ឋានា អរូបធម្មាវ វិបាកាតិ នាមំ លភន្តិ។ រូបធម្មេសុ បនាយំ វោហារោ នត្ថី’’តិ ទស្សេតុំ បុច្ឆា សកវាទិស្ស, បដិញ្ញា ឥតរស្ស។ សុខវេទនីយោតិអាទិ ‘‘វិបាកោ នាម ឯវរូបោ ហោតី’’តិ ទស្សនត្ថំ វុត្តំ។ ‘‘សោ តស្ស កម្មស្សា’’តិ សុត្តំ លក្ខណបដិលាភទស្សនត្ថំ វុត្តំ។ មហាបុរិសោ ហិ កម្មស្ស កតត្តា សុចិបរិវារោបិ ហោតិ, ន ច បរិវារោ វិបាកោ, តស្មា អសាធកមេតន្តិ។
636-637. Idāni saddo vipākotikathā nāma hoti. Tattha ‘‘so tassa kammassa katattā upacitattā ussannattā vipulattā brahmassaro hotī’’tiādīni (dī. ni. 3.236) ayoniso gahetvā ‘‘saddo vipāko’’ti yesaṃ laddhi, seyyathāpi mahāsaṃghikānaṃ; tesaṃ ‘‘kammasamuṭṭhānā arūpadhammāva vipākāti nāmaṃ labhanti. Rūpadhammesu panāyaṃ vohāro natthī’’ti dassetuṃ pucchā sakavādissa, paṭiññā itarassa. Sukhavedanīyotiādi ‘‘vipāko nāma evarūpo hotī’’ti dassanatthaṃ vuttaṃ. ‘‘So tassa kammassā’’ti suttaṃ lakkhaṇapaṭilābhadassanatthaṃ vuttaṃ. Mahāpuriso hi kammassa katattā suciparivāropi hoti, na ca parivāro vipāko, tasmā asādhakametanti.
សទ្ទោ វិបាកោតិកថាវណ្ណនា។
Saddo vipākotikathāvaṇṇanā.
Related texts:
តិបិដក (មូល) • Tipiṭaka (Mūla) / អភិធម្មបិដក • Abhidhammapiṭaka / កថាវត្ថុបាឡិ • Kathāvatthupāḷi / (១១៨) ៣. សទ្ទោ វិបាកោតិកថា • (118) 3. Saddo vipākotikathā
ដីកា • Tīkā / អភិធម្មបិដក (ដីកា) • Abhidhammapiṭaka (ṭīkā) / បញ្ចបករណ-មូលដីកា • Pañcapakaraṇa-mūlaṭīkā / ៣. សទ្ទោវិបាកោតិកថាវណ្ណនា • 3. Saddovipākotikathāvaṇṇanā
