| Library / Tipiṭaka / ཏིཔིཊཀ • Tipiṭaka / པཉྩཔཀརཎ-ཨཊྛཀཐཱ • Pañcapakaraṇa-aṭṭhakathā |
༣. སདྡོ ཝིཔཱཀོཏིཀཐཱཝཎྞནཱ
3. Saddo vipākotikathāvaṇṇanā
༦༣༦-༦༣༧. ཨིདཱནི སདྡོ ཝིཔཱཀོཏིཀཐཱ ནཱམ ཧོཏི། ཏཏྠ ‘‘སོ ཏསྶ ཀམྨསྶ ཀཏཏྟཱ ཨུཔཙིཏཏྟཱ ཨུསྶནྣཏྟཱ ཝིཔུལཏྟཱ བྲཧྨསྶརོ ཧོཏཱི’’ཏིཨཱདཱིནི (དཱི॰ ནི॰ ༣.༢༣༦) ཨཡོནིསོ གཧེཏྭཱ ‘‘སདྡོ ཝིཔཱཀོ’’ཏི ཡེསཾ ལདྡྷི, སེཡྻཐཱཔི མཧཱསཾགྷིཀཱནཾ; ཏེསཾ ‘‘ཀམྨསམུཊྛཱནཱ ཨརཱུཔདྷམྨཱཝ ཝིཔཱཀཱཏི ནཱམཾ ལབྷནྟི། རཱུཔདྷམྨེསུ པནཱཡཾ ཝོཧཱརོ ནཏྠཱི’’ཏི དསྶེཏུཾ པུཙྪཱ སཀཝཱདིསྶ, པཊིཉྙཱ ཨིཏརསྶ། སུཁཝེདནཱིཡོཏིཨཱདི ‘‘ཝིཔཱཀོ ནཱམ ཨེཝརཱུཔོ ཧོཏཱི’’ཏི དསྶནཏྠཾ ཝུཏྟཾ། ‘‘སོ ཏསྶ ཀམྨསྶཱ’’ཏི སུཏྟཾ ལཀྑཎཔཊིལཱབྷདསྶནཏྠཾ ཝུཏྟཾ། མཧཱཔུརིསོ ཧི ཀམྨསྶ ཀཏཏྟཱ སུཙིཔརིཝཱརོཔི ཧོཏི, ན ཙ པརིཝཱརོ ཝིཔཱཀོ, ཏསྨཱ ཨསཱདྷཀམེཏནྟི།
636-637. Idāni saddo vipākotikathā nāma hoti. Tattha ‘‘so tassa kammassa katattā upacitattā ussannattā vipulattā brahmassaro hotī’’tiādīni (dī. ni. 3.236) ayoniso gahetvā ‘‘saddo vipāko’’ti yesaṃ laddhi, seyyathāpi mahāsaṃghikānaṃ; tesaṃ ‘‘kammasamuṭṭhānā arūpadhammāva vipākāti nāmaṃ labhanti. Rūpadhammesu panāyaṃ vohāro natthī’’ti dassetuṃ pucchā sakavādissa, paṭiññā itarassa. Sukhavedanīyotiādi ‘‘vipāko nāma evarūpo hotī’’ti dassanatthaṃ vuttaṃ. ‘‘So tassa kammassā’’ti suttaṃ lakkhaṇapaṭilābhadassanatthaṃ vuttaṃ. Mahāpuriso hi kammassa katattā suciparivāropi hoti, na ca parivāro vipāko, tasmā asādhakametanti.
སདྡོ ཝིཔཱཀོཏིཀཐཱཝཎྞནཱ།
Saddo vipākotikathāvaṇṇanā.
Related texts:
ཏིཔིཊཀ (མཱུལ) • Tipiṭaka (Mūla) / ཨབྷིདྷམྨཔིཊཀ • Abhidhammapiṭaka / ཀཐཱཝཏྠུཔཱལི༹ • Kathāvatthupāḷi / (༡༡༨) ༣. སདྡོ ཝིཔཱཀོཏིཀཐཱ • (118) 3. Saddo vipākotikathā
ཊཱིཀཱ • Tīkā / ཨབྷིདྷམྨཔིཊཀ (ཊཱིཀཱ) • Abhidhammapiṭaka (ṭīkā) / པཉྩཔཀརཎ-མཱུལཊཱིཀཱ • Pañcapakaraṇa-mūlaṭīkā / ༣. སདྡོཝིཔཱཀོཏིཀཐཱཝཎྞནཱ • 3. Saddovipākotikathāvaṇṇanā
