| Library / Tipiṭaka / д̇ибидага • Tipiṭaka / д̣̇взмаад̇игаабаал̣и • Dvemātikāpāḷi |
саад̇хааран̣абаарааж̇игам̣
Sādhāraṇapārājikaṃ
1…бз…4. мзт̇унад̇хаммасигкаабад̣̇аван̣н̣анаа
1…Pe…4. methunadhammasikkhāpadavaṇṇanā
д̇ад̇т̇а сун̣аад̇у мзд̇иаад̣̇ийнам̣ бхигкубаад̇имогкаван̣н̣анааяам̣ вуд̇д̇анаязнзва ад̇т̇о взд̣̇ид̇аб̣б̣о. гзвалан̃хи, бханд̇з, аяязд̇иаад̣̇ивасзна д̇асмин̃жа ид̇ха жа абхилаабамад̇д̇амзва лин̇г̇абхзд̣̇амад̇д̇ан̃жа висзсо . яасмаа жа бхигкунияаа сигкаабажжагкаанам̣ наама над̇т̇и, д̇асмаа бхигкунийнам̣ ‘‘сигкаасааж̇ийвасамаабаннаа сигкам̣ абажжагкааяа д̣̇уб̣б̣аляам̣ анаавигад̇ваа’’д̇и авад̇ваа яаа бана бхигкуний чанд̣̇асо мзт̇унам̣ д̇хаммам̣ бадисзвзяяаад̇и вуд̇д̇ам̣. д̇ад̇т̇а чанд̣̇асод̇и мзт̇унарааг̇аббадисам̣яуд̇д̇зна чанд̣̇зна жзва ружияаа жа. чанд̣̇з бана асад̇и б̣алаггаарзна бад̇хам̣сид̇ааяа анаабад̇д̇и, д̇асмаа яаа барибун̣н̣уубасамбад̣̇аа бхигкуний мануссаамануссад̇иражчаанаж̇аад̇ийсу бурисаубхад̇об̣яан̃ж̇анагабан̣д̣агаанам̣ яасса гассажи саж̇ийвасса ваа ниж̇ж̇ийвасса ваа сант̇ад̇асса ваа асант̇ад̇асса ваа агкааяид̇асса ваа язбхуяязна агкааяид̇асса ваа ан̇г̇аж̇аад̇асса ад̇д̇ано важжамаг̇г̇абассаавамаг̇г̇амукзсу д̇ийсу яад̇т̇агад̇т̇ажи сант̇ад̇з ваа асант̇ад̇з ваа багад̇иваад̇зна асам̣пудтз аллогаасз анд̇амасо д̇илапаламад̇д̇амби бад̣̇зсам̣ чанд̣̇асо бавзсзд̇и, барзна ваа бавзсияамаанаа бавзсанабавидтадтид̇ауд̣̇д̇харан̣зсу яам̣гин̃жи саад̣̇ияад̇и, аяам̣ баарааж̇игаа ход̇и. сзсамзд̇т̇а ид̇о барзсу жа саад̇хааран̣асигкаабад̣̇зсу вуд̇д̇анаяаанусаарзнзва взд̣̇ид̇аб̣б̣ам̣.
Tattha suṇātu metiādīnaṃ bhikkhupātimokkhavaṇṇanāyaṃ vuttanayeneva attho veditabbo. Kevalañhi, bhante, ayyetiādivasena tasmiñca idha ca abhilāpamattameva liṅgabhedamattañca viseso . Yasmā ca bhikkhuniyā sikkhāpaccakkhānaṃ nāma natthi, tasmā bhikkhunīnaṃ ‘‘sikkhāsājīvasamāpannā sikkhaṃ apaccakkhāya dubbalyaṃ anāvikatvā’’ti avatvā yā pana bhikkhunī chandaso methunaṃ dhammaṃ paṭiseveyyāti vuttaṃ. Tattha chandasoti methunarāgappaṭisaṃyuttena chandena ceva ruciyā ca. Chande pana asati balakkārena padhaṃsitāya anāpatti, tasmā yā paripuṇṇūpasampadā bhikkhunī manussāmanussatiracchānajātīsu purisaubhatobyañjanakapaṇḍakānaṃ yassa kassaci sajīvassa vā nijjīvassa vā santhatassa vā asanthatassa vā akkhāyitassa vā yebhuyyena akkhāyitassa vā aṅgajātassa attano vaccamaggapassāvamaggamukhesu tīsu yatthakatthaci santhate vā asanthate vā pakativātena asaṃphuṭṭhe allokāse antamaso tilaphalamattampi padesaṃ chandaso paveseti, parena vā pavesiyamānā pavesanapaviṭṭhaṭṭhitauddharaṇesu yaṃkiñci sādiyati, ayaṃ pārājikā hoti. Sesamettha ito paresu ca sādhāraṇasikkhāpadesu vuttanayānusāreneva veditabbaṃ.
