| Library / Tipiṭaka / д̇ибидага • Tipiṭaka / винаяавинижчаяа-уд̇д̇аравинижчаяа • Vinayavinicchaya-uttaravinicchaya |
саад̇хааран̣аасаад̇хааран̣агат̇аа
Sādhāraṇāsādhāraṇakathā
779.
779.
саб̣б̣асигкаабад̣̇аанаахам̣ , нид̣̇аанам̣ г̇ан̣анамби жа;
Sabbasikkhāpadānāhaṃ , nidānaṃ gaṇanampi ca;
бхигкуухи бхигкунийнан̃жа, бхигкуунам̣ бхигкунийхи жа.
Bhikkhūhi bhikkhunīnañca, bhikkhūnaṃ bhikkhunīhi ca.
780.
780.
асаад̇хааран̣абан̃н̃ад̇д̇ам̣, д̇ат̇аа саад̇хааран̣амби жа;
Asādhāraṇapaññattaṃ, tathā sādhāraṇampi ca;
бавагкаами самаасзна, д̇ам̣ сун̣аат̇а самаахид̇аа.
Pavakkhāmi samāsena, taṃ suṇātha samāhitā.
781.
781.
нид̣̇аанам̣ наама взсаалий, д̇ат̇аа рааж̇аг̇ахам̣ бурам̣;
Nidānaṃ nāma vesālī, tathā rājagahaṃ puraṃ;
саавад̇т̇аал̣ави госамб̣ий, саггабхаг̇г̇аа багаасид̇аа.
Sāvatthāḷavi kosambī, sakkabhaggā pakāsitā.
782.
782.
гад̇и взсаалияаа вуд̇д̇аа, гад̇и рааж̇аг̇ахз гад̇аа?
Kati vesāliyā vuttā, kati rājagahe katā?
гад̇и саавад̇т̇ибан̃н̃ад̇д̇аа, гад̇и аал̣авияам̣ гад̇аа?
Kati sāvatthipaññattā, kati āḷaviyaṃ katā?
783.
783.
гад̇и госамб̣ибан̃н̃ад̇д̇аа, гад̇и саггзсу бхаасид̇аа?
Kati kosambipaññattā, kati sakkesu bhāsitā?
гад̇и бхаг̇г̇зсу бан̃н̃ад̇д̇аа, д̇ам̣ мз агкаахи бужчид̇о?
Kati bhaggesu paññattā, taṃ me akkhāhi pucchito?
784.
784.
д̣̇аса взсаалияаа вуд̇д̇аа, згавийса г̇ириб̣б̣аж̇з;
Dasa vesāliyā vuttā, ekavīsa giribbaje;
чауунаани сад̇аанзва, д̇ийн̣и саавад̇т̇ияам̣ гад̇аа.
Chaūnāni satāneva, tīṇi sāvatthiyaṃ katā.
785.
785.
ча банаал̣авияам̣ вуд̇д̇аа, адта госамб̣ияам̣ гад̇аа;
Cha panāḷaviyaṃ vuttā, aṭṭha kosambiyaṃ katā;
адта саггзсу бан̃н̃ад̇д̇аа, д̇аяо бхаг̇г̇зсу д̣̇ийбид̇аа.
Aṭṭha sakkesu paññattā, tayo bhaggesu dīpitā.
786.
786.
мзт̇унам̣ виг̇г̇ахо жзва, жад̇уд̇т̇анд̇имавад̇т̇угам̣;
Methunaṃ viggaho ceva, catutthantimavatthukaṃ;
ад̇ирзгажийварам̣ суд̣̇д̇ха-гаал̣агзл̣агаломагам̣.
Atirekacīvaraṃ suddha-kāḷakeḷakalomakaṃ.
787.
787.
бхууд̇ам̣ барамбаран̃жзва, мукад̣̇ваарамажзлаго;
Bhūtaṃ paramparañceva, mukhadvāramacelako;
бхигкунийсу жа аггосо, д̣̇аса взсаалияам̣ гад̇аа.
Bhikkhunīsu ca akkoso, dasa vesāliyaṃ katā.
788.
788.
д̣̇уд̇ияанд̇имавад̇т̇ун̃жа, д̣̇вз ануд̣̇д̇хам̣санаани жа;
Dutiyantimavatthuñca, dve anuddhaṃsanāni ca;
сан̇гхабхзд̣̇аа д̣̇увз жзва, жийварасса бадиг̇г̇ахо.
Saṅghabhedā duve ceva, cīvarassa paṭiggaho.
789.
789.
руубияам̣ суд̇д̇авин̃н̃ад̇д̇и, д̇ат̇аа уж̇жхаабанамби жа;
Rūpiyaṃ suttaviññatti, tathā ujjhāpanampi ca;
барибаажид̇абин̣д̣о жа, д̇ат̇зва г̇ан̣абхож̇анам̣.
Paripācitapiṇḍo ca, tatheva gaṇabhojanaṃ.
790.
790.
вигаалабхож̇анан̃жзва, жаарид̇д̇ам̣ нхаанамзва жа;
Vikālabhojanañceva, cārittaṃ nhānameva ca;
уунавийсад̇ивассан̃жа, д̣̇ад̇ваа сан̇гхзна жийварам̣.
Ūnavīsativassañca, datvā saṅghena cīvaraṃ.
791.
791.
восаасанд̇ий жа нажжам̣ ваа, г̇ийд̇ам̣ ваа жааригад̣̇ваяам̣;
Vosāsantī ca naccaṃ vā, gītaṃ vā cārikadvayaṃ;
чанд̣̇ад̣̇аанзнимз рааж̇а-г̇ахасмим̣ згавийсад̇и.
Chandadānenime rāja-gahasmiṃ ekavīsati.
792.
792.
гуди госияасзяяан̃жа, бат̇авийбхууд̇аг̇аамагам̣;
Kuṭi kosiyaseyyañca, pathavībhūtagāmakaṃ;
саббаан̣аган̃жа син̃жанд̇и, зд̇з чаал̣авияам̣ гад̇аа.
Sappāṇakañca siñcanti, ete chāḷaviyaṃ katā.
793.
793.
махаллагавихааро жа, д̣̇оважассам̣ д̇ат̇зва жа;
Mahallakavihāro ca, dovacassaṃ tatheva ca;
ан̃н̃знан̃н̃ам̣ д̇ат̇аа д̣̇ваара-госаа маж̇жхан̃жа бан̃жамам̣.
Aññenaññaṃ tathā dvāra-kosā majjhañca pañcamaṃ.
794.
794.
анаад̣̇арияам̣ сахад̇хаммо, баяобаанан̃жа сзкияз;
Anādariyaṃ sahadhammo, payopānañca sekhiye;
госамб̣ияам̣ д̇у бан̃н̃ад̇д̇аа, адтимз суд̣̇д̇хад̣̇идтинаа.
Kosambiyaṃ tu paññattā, aṭṭhime suddhadiṭṭhinā.
795.
795.
д̇хованзл̣агаломаани, бад̇д̇о жа д̣̇уд̇ияо бана;
Dhovaneḷakalomāni, patto ca dutiyo pana;
оваад̣̇оби жа бхзсаж̇ж̇ам̣, суужи ааран̃н̃агзсу жа.
Ovādopi ca bhesajjaṃ, sūci āraññakesu ca.
796.
796.
уд̣̇агасуд̣̇д̇хиган̃жзва, оваад̣̇ааг̇аманамби жа;
Udakasuddhikañceva, ovādāgamanampi ca;
бурз габилавад̇т̇усмим̣, бан̃н̃ад̇д̇аа бана адтимз.
Pure kapilavatthusmiṃ, paññattā pana aṭṭhime.
797.
797.
ж̇од̇им̣ самаад̣̇ахид̇ваана, саамисзна сасид̇т̇агам̣;
Jotiṃ samādahitvāna, sāmisena sasitthakaṃ;
имз бхаг̇г̇зсу бан̃н̃ад̇д̇аа, д̇аяо аад̣̇ижжаб̣анд̇хунаа.
Ime bhaggesu paññattā, tayo ādiccabandhunā.
798.
798.
баарааж̇игаани жад̇д̇аари, г̇аругаа сол̣асаа, д̣̇увз;
Pārājikāni cattāri, garukā soḷasā, duve;
анияад̇аа, жад̇уд̇д̇им̣са, хонд̇и ниссаг̇г̇ияаани хи.
Aniyatā, catuttiṃsa, honti nissaggiyāni hi.
799.
799.
чаббан̣н̣аасасад̇ан̃жзва , куд̣̇д̣̇агаани бхаванд̇и хи;
Chappaṇṇāsasatañceva , khuddakāni bhavanti hi;
д̣̇асзва бана г̇аараяхаа, д̣̇взсад̇д̇ад̇и жа сзкияаа.
Daseva pana gārayhā, dvesattati ca sekhiyā.
800.
800.
чауунаани жа д̇ийн̣зва, сад̇аани самажзд̇асаа;
Chaūnāni ca tīṇeva, satāni samacetasā;
имз вуд̇д̇аавасзсаа хи, саб̣б̣з саавад̇т̇ияам̣ гад̇аа.
Ime vuttāvasesā hi, sabbe sāvatthiyaṃ katā.
801.
801.
баарааж̇игаани жад̇д̇аари, сад̇д̇а сан̇гхаад̣̇исзсагаа;
Pārājikāni cattāri, satta saṅghādisesakā;
ниссаг̇г̇ияаани адтзва, д̣̇вад̇д̇им̣сзва жа куд̣̇д̣̇агаа.
Nissaggiyāni aṭṭheva, dvattiṃseva ca khuddakā.
802.
802.
д̣̇вз г̇аараяхаа, д̇аяо сзкаа, чаббан̃н̃аасзва саб̣б̣асо;
Dve gārayhā, tayo sekhā, chappaññāseva sabbaso;
бхаванд̇и часу бан̃н̃ад̇д̇аа, наг̇арзсу жа бин̣д̣ид̇аа.
Bhavanti chasu paññattā, nagaresu ca piṇḍitā.
803.
803.
саб̣б̣аанзва банзд̇аани, наг̇арзсу жа сад̇д̇асу;
Sabbāneva panetāni, nagaresu ca sattasu;
ад̣дхуд̣дхаани сад̇аанзва, бан̃н̃ад̇д̇аани бхаванд̇и хи.
Aḍḍhuḍḍhāni satāneva, paññattāni bhavanti hi.
804.
804.
сигкаабад̣̇аани бхигкуунам̣, вийсан̃жа д̣̇вз сад̇аани жа;
Sikkhāpadāni bhikkhūnaṃ, vīsañca dve satāni ca;
бхигкунийнам̣ д̇у жад̇д̇аари, д̇ат̇аа д̇ийн̣и сад̇аани жа.
Bhikkhunīnaṃ tu cattāri, tathā tīṇi satāni ca.
805.
805.
баарааж̇игаани жад̇д̇аари, г̇аругаа бана д̇зраса;
Pārājikāni cattāri, garukā pana terasa;
анияад̇аа д̣̇увз вуд̇д̇аа, д̇им̣са ниссаг̇г̇ияаани жа.
Aniyatā duve vuttā, tiṃsa nissaggiyāni ca.
806.
806.
куд̣̇д̣̇агаа навуд̇и д̣̇вз жа, жад̇д̇ааро баадид̣̇зсанаа;
Khuddakā navuti dve ca, cattāro pāṭidesanā;
ниббабан̃жзна нид̣̇д̣̇идтаа, бан̃жасад̇д̇ад̇и сзкияаа.
Nippapañcena niddiṭṭhā, pañcasattati sekhiyā.
807.
807.
д̣̇вз сад̇аани жа вийсан̃жа, васаа бхигкуунамзва жа;
Dve satāni ca vīsañca, vasā bhikkhūnameva ca;
сигкаабад̣̇аани уд̣̇д̣̇зсамааг̇ажчанд̇и убосат̇з.
Sikkhāpadāni uddesamāgacchanti uposathe.
808.
808.
баарааж̇игаани адтзва, г̇аругаа д̣̇аса сад̇д̇а жа;
Pārājikāni aṭṭheva, garukā dasa satta ca;
ниссаг̇г̇ияаани д̇им̣сзва, часадти жа сад̇амби жа.
Nissaggiyāni tiṃseva, chasaṭṭhi ca satampi ca.
809.
809.
куд̣̇д̣̇агаанадта г̇аараяхаа, бан̃жасад̇д̇ад̇и сзкияаа;
Khuddakānaṭṭha gārayhā, pañcasattati sekhiyā;
саб̣б̣аани бана жад̇д̇аари, д̇ат̇аа д̇ийн̣и сад̇аани жа.
Sabbāni pana cattāri, tathā tīṇi satāni ca.
810.
810.
бхаванд̇и бана зд̇аани, бхигкунийнам̣ васаа бана;
Bhavanti pana etāni, bhikkhunīnaṃ vasā pana;
сигкаабад̣̇аани уд̣̇д̣̇зсамааг̇ажчанд̇и убосат̇з.
Sikkhāpadāni uddesamāgacchanti uposathe.
811.
811.
чажад̇д̇аалийса хонд̇зва, бхигкуунам̣ бхигкунийхи д̇у;
Chacattālīsa honteva, bhikkhūnaṃ bhikkhunīhi tu;
асаад̇хааран̣абхаавам̣ д̇у, г̇амид̇аани махзсинаа.
Asādhāraṇabhāvaṃ tu, gamitāni mahesinā.
812.
812.
ча жа сан̇гхаад̣̇исзсаа жа, д̇ат̇аа анияад̇аа д̣̇увз;
Cha ca saṅghādisesā ca, tathā aniyatā duve;
д̣̇ваад̣̇асзва жа ниссаг̇г̇аа, д̣̇ваавийсад̇и жа куд̣̇д̣̇агаа.
Dvādaseva ca nissaggā, dvāvīsati ca khuddakā.
813.
813.
жад̇д̇аароби жа г̇аараяхаа, чажад̇д̇аалийса хонд̇имз;
Cattāropi ca gārayhā, chacattālīsa hontime;
бхигкуунам̣язва бан̃н̃ад̇д̇аа, г̇од̇амзна яасассинаа.
Bhikkhūnaṃyeva paññattā, gotamena yasassinā.
814.
814.
висадти гааяасам̣саг̇г̇о, д̣̇удтуллам̣ ад̇д̇агаамад̇аа;
Visaṭṭhi kāyasaṃsaggo, duṭṭhullaṃ attakāmatā;
гуди жзва вихааро жа, чал̣зд̇з г̇аругаа сияум̣.
Kuṭi ceva vihāro ca, chaḷete garukā siyuṃ.
815.
815.
ниссаг̇г̇ияаад̣̇иваг̇г̇асмим̣, д̇хованан̃жа бадиг̇г̇ахо;
Nissaggiyādivaggasmiṃ, dhovanañca paṭiggaho;
зл̣агаломаваг̇г̇зби, аад̣̇ид̇о бана сад̇д̇а жа.
Eḷakalomavaggepi, ādito pana satta ca.
816.
816.
д̇ад̇иязби жа ваг̇г̇асмим̣, бад̇д̇о жа батамо д̇ат̇аа;
Tatiyepi ca vaggasmiṃ, patto ca paṭhamo tathā;
вассасаадигамааран̃н̃а-мид̇и д̣̇ваад̣̇аса д̣̇ийбид̇аа.
Vassasāṭikamārañña-miti dvādasa dīpitā.
817.
817.
баажид̇д̇ияаани вуд̇д̇аани, саб̣б̣аани г̇ан̣анаавасаа;
Pācittiyāni vuttāni, sabbāni gaṇanāvasā;
бхигкуунам̣ бхигкунийнан̃жа, адтаасийд̇исад̇ам̣, д̇ад̇о.
Bhikkhūnaṃ bhikkhunīnañca, aṭṭhāsītisataṃ, tato.
818.
818.
саб̣б̣о бхигкуниваг̇г̇оби, сабарамбарабхож̇ано;
Sabbo bhikkhunivaggopi, saparamparabhojano;
д̇ат̇аа анад̇ирид̇д̇о жа, абхихадтум̣ бавааран̣аа.
Tathā anatiritto ca, abhihaṭṭhuṃ pavāraṇā.
819.
819.
бан̣ийд̇абхож̇анавин̃н̃ад̇д̇и, д̇ат̇зваажзлагоби жа;
Paṇītabhojanaviññatti, tathevācelakopi ca;
ниманд̇ид̇о сабхад̇д̇о жа, д̣̇удтуллажчаад̣̇анамби жа.
Nimantito sabhatto ca, duṭṭhullacchādanampi ca.
820.
820.
уунавийсад̇ивассам̣ д̇у, маад̇уг̇аамзна сад̣̇д̇хиби;
Ūnavīsativassaṃ tu, mātugāmena saddhipi;
анд̇збураббавзсо жа, вассасаади нисийд̣̇анам̣.
Antepurappaveso ca, vassasāṭi nisīdanaṃ.
821.
821.
куд̣̇д̣̇агаани банзд̇аани, д̣̇ваавийсад̇и бхаванд̇и хи;
Khuddakāni panetāni, dvāvīsati bhavanti hi;
жад̇д̇ааро бана г̇аараяхаа, бхигкуунам̣ баад̇имогкагз.
Cattāro pana gārayhā, bhikkhūnaṃ pātimokkhake.
822.
822.
згад̇о бана бан̃н̃ад̇д̇аа, чажад̇д̇аалийса хонд̇имз;
Ekato pana paññattā, chacattālīsa hontime;
бхигкунийхи д̇у бхигкуунам̣, асаад̇хааран̣ад̇ам̣ г̇ад̇аа.
Bhikkhunīhi tu bhikkhūnaṃ, asādhāraṇataṃ gatā.
823.
823.
бхигкуухи бхигкунийнан̃жа, сад̇ам̣ д̇им̣са бхаванд̇и хи;
Bhikkhūhi bhikkhunīnañca, sataṃ tiṃsa bhavanti hi;
асаад̇хааран̣абхаавам̣ д̇у, г̇амид̇аани махзсинаа.
Asādhāraṇabhāvaṃ tu, gamitāni mahesinā.
824.
824.
баарааж̇игаани жад̇д̇аари, д̣̇аса сан̇гхаад̣̇исзсагаа;
Pārājikāni cattāri, dasa saṅghādisesakā;
д̣̇ваад̣̇асзва жа ниссаг̇г̇аа, куд̣̇д̣̇агаа навуд̇ижча жа.
Dvādaseva ca nissaggā, khuddakā navuticcha ca.
825.
825.
адтзва бана г̇аараяхаа, сад̇ам̣ д̇им̣са бхаванд̇имз;
Aṭṭheva pana gārayhā, sataṃ tiṃsa bhavantime;
бхигкунийнан̃жа бхигкуухи, асаад̇хааран̣ад̇ам̣ г̇ад̇аа.
Bhikkhunīnañca bhikkhūhi, asādhāraṇataṃ gatā.
826.
826.
бхигкунийнам̣ д̇у сан̇гхаад̣̇и-сзсзхи ча банаад̣̇ид̇о;
Bhikkhunīnaṃ tu saṅghādi-sesehi cha panādito;
яаавад̇ад̇ияагаа жзва, жад̇д̇аарод̇и имз д̣̇аса.
Yāvatatiyakā ceva, cattāroti ime dasa.
827.
827.
агаалажийваран̃жзва, д̇ат̇аа ажчиннажийварам̣;
Akālacīvarañceva, tathā acchinnacīvaraṃ;
сад̇д̇ан̃н̃ад̣̇ад̇т̇игаад̣̇ийни, бад̇д̇о жзва г̇арум̣ лахум̣.
Sattaññadatthikādīni, patto ceva garuṃ lahuṃ.
828.
828.
д̣̇ваад̣̇асзва банзд̇аани, бхигкунийнам̣ васзнид̇ха;
Dvādaseva panetāni, bhikkhunīnaṃ vasenidha;
ниссаг̇г̇ияаани сад̇т̇аараа, бан̃н̃ад̇д̇аани банзгад̇о.
Nissaggiyāni satthārā, paññattāni panekato.
829.
829.
асаад̇хааран̣абан̃н̃ад̇д̇аа, куд̣̇д̣̇агаа навуд̇ижча жа;
Asādhāraṇapaññattā, khuddakā navuticcha ca;
г̇аараяхаа жа банадтаад̇и, саб̣б̣зва г̇ан̣анаавасаа.
Gārayhā ca panaṭṭhāti, sabbeva gaṇanāvasā.
830.
830.
бхигкунийнам̣ д̇у бхигкуухи, асаад̇хааран̣ад̇ам̣ г̇ад̇аа;
Bhikkhunīnaṃ tu bhikkhūhi, asādhāraṇataṃ gatā;
згад̇оязва бан̃н̃ад̇д̇аа, сад̇ам̣ д̇им̣са бхаванд̇и хи.
Ekatoyeva paññattā, sataṃ tiṃsa bhavanti hi.
831.
831.
асаад̇хааран̣убхиннамби, сад̇ам̣ сад̇д̇ад̇и жажча жа;
Asādhāraṇubhinnampi, sataṃ sattati caccha ca;
баарааж̇игаани жад̇д̇аари, г̇аругаа жа д̣̇асажча жа.
Pārājikāni cattāri, garukā ca dasaccha ca.
832.
832.
анияад̇аа д̣̇увз жзва, ниссаг̇г̇аа жад̇увийсад̇и;
Aniyatā duve ceva, nissaggā catuvīsati;
сад̇ам̣ адтаарасзвзд̇т̇а, куд̣̇д̣̇агаа барид̣̇ийбид̇аа.
Sataṃ aṭṭhārasevettha, khuddakā paridīpitā.
833.
833.
д̣̇ваад̣̇асзва жа г̇аараяхаа, сад̇ам̣ сад̇д̇ад̇и жажча жа;
Dvādaseva ca gārayhā, sataṃ sattati caccha ca;
асаад̇хааран̣убхиннамби, имзд̇и барид̣̇ийбид̇аа.
Asādhāraṇubhinnampi, imeti paridīpitā.
834.
834.
саад̇хааран̣аа убхиннамби, бан̃н̃ад̇д̇аа бана сад̇т̇унаа;
Sādhāraṇā ubhinnampi, paññattā pana satthunā;
сад̇ам̣ сад̇д̇ад̇и жад̇д̇аари, бхаванд̇ийд̇и багаасид̇аа.
Sataṃ sattati cattāri, bhavantīti pakāsitā.
835.
835.
баарааж̇игаани жад̇д̇аари, сад̇д̇а сан̇гхаад̣̇исзсагаа;
Pārājikāni cattāri, satta saṅghādisesakā;
адтаараса жа ниссаг̇г̇аа, самасад̇д̇ад̇и куд̣̇д̣̇агаа.
Aṭṭhārasa ca nissaggā, samasattati khuddakā.
836.
836.
бан̃жасад̇д̇ад̇и бан̃н̃ад̇д̇аа, сзкияааби жа саб̣б̣асо;
Pañcasattati paññattā, sekhiyāpi ca sabbaso;
сад̇ам̣ сад̇д̇ад̇и жад̇д̇аари, убхиннам̣ самасигкад̇аа.
Sataṃ sattati cattāri, ubhinnaṃ samasikkhatā.
саад̇хааран̣аасаад̇хааран̣агат̇аа.
Sādhāraṇāsādhāraṇakathā.
