| Library / Tipiṭaka / д̇ибидага • Tipiṭaka / винаяавинижчаяа-дийгаа • Vinayavinicchaya-ṭīkā |
саад̇хааран̣аасаад̇хааран̣агат̇ааван̣н̣анаа
Sādhāraṇāsādhāraṇakathāvaṇṇanā
779-80. саб̣б̣асигкаабад̣̇аананд̇и убхад̇овибхан̇г̇ааг̇ад̇аанам̣ саб̣б̣асигкаабад̣̇аанам̣. бхигкуухи бхигкунийхийд̇и убхаяад̇т̇а сахад̇т̇з гаран̣аважанам̣. бхигкуухи бхигкунийнан̃жа, бхигкунийхи бхигкуунан̃жаад̇и убхаяад̇т̇а асаад̇хааран̣абан̃н̃ад̇д̇ан̃жа, д̇ат̇аа бхигкуухи бхигкунийнан̃жа, бхигкунийхи бхигкуунан̃жаад̇и убхаяад̇т̇а саад̇хааран̣асигкаабад̣̇ан̃жа ахам̣ вагкаамийд̇и яож̇анаа. самаахид̇аад̇и згаг̇г̇ажид̇д̇аа. д̇ам̣ маяаа вужжамаанам̣ нид̣̇аанаад̣̇инаяам̣. сун̣аат̇аад̇и сод̇уж̇анам̣ саггажжасаванз нияож̇зд̇и.
779-80.Sabbasikkhāpadānanti ubhatovibhaṅgāgatānaṃ sabbasikkhāpadānaṃ. Bhikkhūhi bhikkhunīhīti ubhayattha sahatthe karaṇavacanaṃ. Bhikkhūhi bhikkhunīnañca, bhikkhunīhi bhikkhūnañcāti ubhayattha asādhāraṇapaññattañca, tathā bhikkhūhi bhikkhunīnañca, bhikkhunīhi bhikkhūnañcāti ubhayattha sādhāraṇasikkhāpadañca ahaṃ vakkhāmīti yojanā. Samāhitāti ekaggacittā. Taṃ mayā vuccamānaṃ nidānādinayaṃ. Suṇāthāti sotujanaṃ sakkaccasavane niyojeti.
781. ‘‘нид̣̇аана’’нд̇иаад̣̇иг̇аат̇аа вуд̇д̇ад̇т̇аава.
781.‘‘Nidāna’’ntiādigāthā vuttatthāva.
782-3. ‘‘гад̇и взсаалияаа’’д̇иаад̣̇и бужчааг̇аат̇аа уд̇д̇аанад̇т̇ааязва.
782-3.‘‘Kati vesāliyā’’tiādi pucchāgāthā uttānatthāyeva.
786. ‘‘д̣̇аса взсаалияаа’’д̇иаад̣̇ивиссаж̇ж̇анаг̇аат̇аанам̣ ‘‘мзт̇уна’’нд̇иаад̣̇аяо нид̣̇д̣̇зсавасзна вуд̇д̇аа. виг̇г̇аход̇и мануссавиг̇г̇ахам̣ баарааж̇игам̣. жад̇уд̇т̇анд̇имавад̇т̇уганд̇и уд̇д̇аримануссад̇хаммабаарааж̇игам̣. ад̇ирзгажийваранд̇и батамагат̇инам̣. суд̣̇д̇хагаал̣агзл̣агаломаганд̇и зл̣агаломаваг̇г̇з д̣̇уд̇ияам̣.
786. ‘‘Dasa vesāliyā’’tiādivissajjanagāthānaṃ ‘‘methuna’’ntiādayo niddesavasena vuttā. Viggahoti manussaviggahaṃ pārājikaṃ. Catutthantimavatthukanti uttarimanussadhammapārājikaṃ. Atirekacīvaranti paṭhamakathinaṃ. Suddhakāḷakeḷakalomakanti eḷakalomavagge dutiyaṃ.
787. бхууд̇анд̇и батамз мусааваад̣̇аваг̇г̇з адтамам̣. барамбаран̃жзваад̇и барамбарабхож̇анасигкаабад̣̇ам̣. мукад̣̇вааранд̇и жад̇уд̇т̇з бхож̇анаваг̇г̇з д̣̇асамам̣. бхигкунийсу жа аггосод̇и бхигкунибаад̇имогкз чадтз аараамаваг̇г̇з д̣̇уд̇ияам̣.
787.Bhūtanti paṭhame musāvādavagge aṭṭhamaṃ. Paramparañcevāti paramparabhojanasikkhāpadaṃ. Mukhadvāranti catutthe bhojanavagge dasamaṃ. Bhikkhunīsu ca akkosoti bhikkhunipātimokkhe chaṭṭhe ārāmavagge dutiyaṃ.
788. д̣̇вз ануд̣̇д̇хам̣санаанийд̇и адтаманавамасан̇гхаад̣̇исзсаа. жийварасса бадиг̇г̇аход̇и жийвараваг̇г̇з бан̃жамам̣.
788.Dveanuddhaṃsanānīti aṭṭhamanavamasaṅghādisesā. Cīvarassa paṭiggahoti cīvaravagge pañcamaṃ.
789. руубияанд̇и зл̣агаломаваг̇г̇з адтамам̣. суд̇д̇авин̃н̃ад̇д̇ийд̇и бад̇д̇аваг̇г̇з чадтам̣. уж̇жхаабананд̇и д̣̇уд̇ияз бхууд̇аг̇аамаваг̇г̇з д̇ад̇ияам̣. барибаажид̇абин̣д̣од̇и д̇ад̇ияз оваад̣̇аваг̇г̇з навамам̣. д̇ат̇зва г̇ан̣абхож̇ананд̇и жад̇уд̇т̇з бхож̇анаваг̇г̇з д̣̇уд̇ияам̣.
789.Rūpiyanti eḷakalomavagge aṭṭhamaṃ. Suttaviññattīti pattavagge chaṭṭhaṃ. Ujjhāpananti dutiye bhūtagāmavagge tatiyaṃ. Paripācitapiṇḍoti tatiye ovādavagge navamaṃ. Tatheva gaṇabhojananti catutthe bhojanavagge dutiyaṃ.
790. вигаалз бхож̇анан̃жзваад̇и д̇ад̇т̇зва сад̇д̇амам̣. жаарид̇д̇анд̇и ажзлагаваг̇г̇з бан̃жамз чадтам̣. нхаананд̇и сураабаанаваг̇г̇з чадтз сад̇д̇амам̣. уунавийсад̇ивассанд̇и сад̇д̇амз саббаан̣агаваг̇г̇з бан̃жамам̣. д̣̇ад̇ваа сан̇гхзна жийваранд̇и адтамз сахад̇хаммигаваг̇г̇з навамам̣.
790.Vikāle bhojanañcevāti tattheva sattamaṃ. Cārittanti acelakavagge pañcame chaṭṭhaṃ. Nhānanti surāpānavagge chaṭṭhe sattamaṃ. Ūnavīsativassanti sattame sappāṇakavagge pañcamaṃ. Datvā saṅghena cīvaranti aṭṭhame sahadhammikavagge navamaṃ.
791. восаасанд̇ийд̇и д̣̇уд̇ияам̣ бхигкубаадид̣̇зсанийяам̣. нажжам̣ ваа г̇ийд̇ам̣ ваад̇и батамз ласун̣аваг̇г̇з д̣̇асамам̣. жааригад̣̇ваяанд̇и жад̇уд̇т̇з д̇уваддаваг̇г̇з сад̇д̇амадтамаани. чанд̣̇ад̣̇аанзнаад̇и адтамз гумаарибхууд̇аваг̇г̇з згаад̣̇асамам̣. ‘‘чанд̣̇ад̣̇аанзд̇ий’’д̇и ваа баато. ‘‘чанд̣̇ад̣̇аанам̣ ид̇и имз’’д̇и бад̣̇ажчзд̣̇о.
791.Vosāsantīti dutiyaṃ bhikkhupāṭidesanīyaṃ. Naccaṃ vā gītaṃ vāti paṭhame lasuṇavagge dasamaṃ. Cārikadvayanti catutthe tuvaṭṭavagge sattamaṭṭhamāni. Chandadānenāti aṭṭhame kumāribhūtavagge ekādasamaṃ. ‘‘Chandadānetī’’ti vā pāṭho. ‘‘Chandadānaṃ iti ime’’ti padacchedo.
792. гудийд̇и чадто сан̇гхаад̣̇исзсо. госияанд̇и ниссаг̇г̇иязсу д̣̇уд̇ияз зл̣агаломаваг̇г̇з батамам̣. сзяяанд̇и мусааваад̣̇аваг̇г̇з бан̃жамам̣. бат̇авийд̇и мусааваад̣̇аваг̇г̇з д̣̇асамам̣. бхууд̇аг̇аамаганд̇и бхууд̇аг̇аамаваг̇г̇з д̣̇уд̇ияз батамам̣. саббаан̣аган̃жа син̃жанд̇ийд̇и бхууд̇аг̇аамаваг̇г̇з д̣̇асамам̣.
792.Kuṭīti chaṭṭho saṅghādiseso. Kosiyanti nissaggiyesu dutiye eḷakalomavagge paṭhamaṃ. Seyyanti musāvādavagge pañcamaṃ. Pathavīti musāvādavagge dasamaṃ. Bhūtagāmakanti bhūtagāmavagge dutiye paṭhamaṃ. Sappāṇakañca siñcantīti bhūtagāmavagge dasamaṃ.
800. чауунаани д̇ийн̣зва сад̇аанийд̇и чахи уунаани д̇ийн̣зва сад̇аани, жад̇унавуд̇аад̇хигаани д̣̇висад̇аанийд̇и ад̇т̇о. самажзд̇асаад̇и –
800.Chaūnāni tīṇeva satānīti chahi ūnāni tīṇeva satāni, catunavutādhikāni dvisatānīti attho. Samacetasāti –
‘‘вад̇хагз д̣̇звад̣̇ад̇д̇амхи, жорз ан̇г̇улимаалагз;
‘‘Vadhake devadattamhi, core aṅgulimālake;
д̇ханабаалз раахулз жа, саб̣б̣ад̇т̇а самамаанасо’’д̇и. (ми. ба. 6.6.5; д̇ха. ба. адта. 1.16 д̣̇звад̣̇ад̇д̇авад̇т̇у; ид̇иву. адта. 100) –
Dhanapāle rāhule ca, sabbattha samamānaso’’ti. (mi. pa. 6.6.5; dha. pa. aṭṭha. 1.16 devadattavatthu; itivu. aṭṭha. 100) –
важанад̇о саб̣б̣зсу хид̇аахид̇зсу, лаабхаалаабхаад̣̇ийсу жа адтасу логад̇хаммзсу ниб̣б̣игаарад̇ааяа жа самаанажид̇д̇зна д̇ат̇ааг̇ад̇зна.
Vacanato sabbesu hitāhitesu, lābhālābhādīsu ca aṭṭhasu lokadhammesu nibbikāratāya ca samānacittena tathāgatena.
вуд̇д̇аавасзсаад̇и взсаалияаад̣̇ийсу часу наг̇арзсу вуд̇д̇зхи авасидтаани. имз саб̣б̣з имаани саб̣б̣аани сигкаабад̣̇аани саавад̇т̇ияам̣ гад̇аани бхаванд̇и, бан̃н̃ад̇д̇аани хонд̇ийд̇и ад̇т̇о.
Vuttāvasesāti vesāliyādīsu chasu nagaresu vuttehi avasiṭṭhāni. Ime sabbe imāni sabbāni sikkhāpadāni sāvatthiyaṃ katāni bhavanti, paññattāni hontīti attho.
801. баарааж̇игаани жад̇д̇аарийд̇и взсаалияам̣ вуд̇д̇ам̣ мзт̇унамануссавиг̇г̇ахауд̇д̇аримануссад̇хаммам̣, рааж̇аг̇ахз ад̣̇иннаад̣̇аананд̇и жад̇д̇аари. сад̇д̇а сан̇гхаад̣̇исзсагаад̇и рааж̇аг̇ахз вуд̇д̇аа д̣̇вз ануд̣̇д̇хам̣санаа, д̣̇вз жа бхзд̣̇аа, аал̣авияам̣ гудигааро, госамб̣ияам̣ махаллагавихааро, д̣̇оважассанд̇и сад̇д̇а. ниссаг̇г̇ияаани адтзваад̇и взсаалияам̣ ад̇ирзгажийварам̣, гаал̣агазл̣агаломам̣, рааж̇аг̇ахз жийварабадиг̇г̇ахан̣ам̣, руубияабадиг̇г̇ахан̣ам̣, суд̇д̇авин̃н̃ад̇д̇и, аал̣авияам̣ госияамиссагам̣, габилавад̇т̇умхи зл̣агаломад̇хованам̣, уунабан̃жаб̣анд̇хананд̇и адта.
801.Pārājikāni cattārīti vesāliyaṃ vuttaṃ methunamanussaviggahauttarimanussadhammaṃ, rājagahe adinnādānanti cattāri. Satta saṅghādisesakāti rājagahe vuttā dve anuddhaṃsanā, dve ca bhedā, āḷaviyaṃ kuṭikāro, kosambiyaṃ mahallakavihāro, dovacassanti satta. Nissaggiyāni aṭṭhevāti vesāliyaṃ atirekacīvaraṃ, kāḷakaeḷakalomaṃ, rājagahe cīvarapaṭiggahaṇaṃ, rūpiyapaṭiggahaṇaṃ, suttaviññatti, āḷaviyaṃ kosiyamissakaṃ, kapilavatthumhi eḷakalomadhovanaṃ, ūnapañcabandhananti aṭṭha.
д̣̇вад̇д̇им̣сзва жа куд̣̇д̣̇агаад̇и взсаалияам̣ бхууд̇аарожанам̣, барамбарабхож̇анам̣, аббадиг̇г̇ахан̣ам̣, ажзлагам̣, ‘‘яаа бана бхигкуний бхигкум̣ аггосзяяаа’’д̇и бан̃жа, рааж̇аг̇ахз уж̇жхаабанагам̣, бхигкунибарибаажид̇абин̣д̣о, г̇ан̣абхож̇анам̣, вигаалабхож̇анам̣, ‘‘яо бана бхигку ниманд̇ид̇о’’д̇иаад̣̇и жа, ‘‘орзнад̣дхамаасам̣ нахааязяяаа’’д̇и, уунавийсад̇ивассам̣, ‘‘самаг̇г̇зна сан̇гхзна жийварам̣ д̣̇ад̇ваа’’д̇и бхигкуунам̣ адта, бхигкунийнам̣ бана ‘‘нажжам̣ ваа г̇ийд̇ам̣ ваа’’д̇иаад̣̇и жа, ‘‘яаа бана бхигкуний анд̇овасса’’нд̇иаад̣̇и жа, ‘‘яаа бана бхигкуний вассам̣вуд̇т̇аа’’д̇иаад̣̇и жаад̇и д̣̇ваяам̣, ‘‘яаа бана бхигкуний баариваасигачанд̣̇ад̣̇аанзнаа’’д̇иаад̣̇и жаад̇и жад̇д̇аари, аал̣авияам̣ анубасамбаннзна уд̇д̇ари д̣̇ирад̇д̇ад̇ирад̇д̇ам̣, ‘‘бат̇авим̣ кан̣зяяа ваа’’д̇иаад̣̇и, бхууд̇аг̇аамабаад̇аб̣яад̇ааяа, ‘‘ж̇аанам̣ саббаан̣агам̣ уд̣̇ага’’нд̇и жад̇д̇аари, госамб̣ияам̣ ан̃н̃аваад̣̇агз вихзсагз, яаавад̣̇ваарагосаа аг̇г̇ал̣адтабанааяа, сураамзраяабаанз, анаад̣̇арияз, ‘‘яо бана бхигку бхигкуухи сахад̇хаммига’’нд̇иаад̣̇и жаад̇и бан̃жа, габилавад̇т̇умхи ‘‘бхигкунубассаяам̣ г̇анд̇ваа’’д̇иаад̣̇и, ‘‘аг̇илаанзна бхигкунаа жаад̇умааса’’нд̇иаад̣̇и, ‘‘адтимаяам̣ ваа д̣̇анд̇амаяам̣ ваа’’д̇иаад̣̇и д̇ийн̣и бхигкуунам̣, бхигкунийнам̣ бана ‘‘уд̣̇агасуд̣̇д̇хигам̣ банаа’’д̇иаад̣̇и, ‘‘оваад̣̇ааяа ваа’’д̇иаад̣̇ийд̇и д̣̇вз, бхаг̇г̇зсу ‘‘аг̇илаано висиб̣б̣анаабзгко’’д̇иаад̣̇и зганд̇и зд̇аани б̣аад̇д̇им̣сзва баажид̇д̇ияаани.
Dvattiṃseva ca khuddakāti vesāliyaṃ bhūtārocanaṃ, paramparabhojanaṃ, appaṭiggahaṇaṃ, acelakaṃ, ‘‘yā pana bhikkhunī bhikkhuṃ akkoseyyā’’ti pañca, rājagahe ujjhāpanakaṃ, bhikkhuniparipācitapiṇḍo, gaṇabhojanaṃ, vikālabhojanaṃ, ‘‘yo pana bhikkhu nimantito’’tiādi ca, ‘‘orenaḍḍhamāsaṃ nahāyeyyā’’ti, ūnavīsativassaṃ, ‘‘samaggena saṅghena cīvaraṃ datvā’’ti bhikkhūnaṃ aṭṭha, bhikkhunīnaṃ pana ‘‘naccaṃ vā gītaṃ vā’’tiādi ca, ‘‘yā pana bhikkhunī antovassa’’ntiādi ca, ‘‘yā pana bhikkhunī vassaṃvutthā’’tiādi cāti dvayaṃ, ‘‘yā pana bhikkhunī pārivāsikachandadānenā’’tiādi cāti cattāri, āḷaviyaṃ anupasampannena uttari dirattatirattaṃ, ‘‘pathaviṃ khaṇeyya vā’’tiādi, bhūtagāmapātabyatāya, ‘‘jānaṃ sappāṇakaṃ udaka’’nti cattāri, kosambiyaṃ aññavādake vihesake, yāvadvārakosā aggaḷaṭṭhapanāya, surāmerayapāne, anādariye, ‘‘yo pana bhikkhu bhikkhūhi sahadhammika’’ntiādi cāti pañca, kapilavatthumhi ‘‘bhikkhunupassayaṃ gantvā’’tiādi, ‘‘agilānena bhikkhunā cātumāsa’’ntiādi, ‘‘aṭṭhimayaṃ vā dantamayaṃ vā’’tiādi tīṇi bhikkhūnaṃ, bhikkhunīnaṃ pana ‘‘udakasuddhikaṃ panā’’tiādi, ‘‘ovādāya vā’’tiādīti dve, bhaggesu ‘‘agilāno visibbanāpekkho’’tiādi ekanti etāni bāttiṃseva pācittiyāni.
802. д̣̇вз г̇аараяхаад̇и ‘‘бхигку банзва гулзсуу’’д̇иаад̣̇и, ‘‘яаани ко бана д̇аани ааран̃н̃агааний’’д̇иаад̣̇и жаад̇и д̣̇вз баадид̣̇зсанийяаа. д̇аяо сзкаад̇и госамб̣ияам̣ на сурусуругаарагам̣, бхаг̇г̇зсу на саамисзна хад̇т̇зна баанийяат̇аалагам̣, на сасид̇т̇агам̣ бад̇д̇ад̇ховананд̇и д̇ийн̣и сзкияаани. чаббан̃н̃аасзва сигкаабад̣̇аани бин̣д̣ид̇аани взсаалияаад̣̇ийсу часу наг̇арзсу бан̃н̃ад̇д̇аани бхаванд̇ийд̇и яож̇анаа.
802.Dvegārayhāti ‘‘bhikkhu paneva kulesū’’tiādi, ‘‘yāni kho pana tāni āraññakānī’’tiādi cāti dve pāṭidesanīyā. Tayo sekhāti kosambiyaṃ na surusurukārakaṃ, bhaggesu na sāmisena hatthena pānīyathālakaṃ, na sasitthakaṃ pattadhovananti tīṇi sekhiyāni. Chappaññāseva sikkhāpadāni piṇḍitāni vesāliyādīsu chasu nagaresu paññattāni bhavantīti yojanā.
803. сад̇д̇асу наг̇арзсу бан̃н̃ад̇д̇аани зд̇аани саб̣б̣аанзва сигкаабад̣̇аани бана ад̣дхуд̣дхаани сад̇аанзва бхаванд̇и. саавад̇т̇ияам̣ бан̃н̃ад̇д̇зхи жад̇унавуд̇аад̇хигад̣̇висад̇асигкаабад̣̇зхи сад̣̇д̇хим̣ часу наг̇арзсу бан̃н̃ад̇д̇аани чабан̃н̃ааса сигкаабад̣̇аани бан̃н̃аасаад̇хигаани д̇ийн̣и сад̇аани бхаванд̇ийд̇и ад̇т̇о. ад̣дхзна жад̇уд̇т̇ам̣ язсам̣ д̇аани ад̣дхуд̣дхаани.
803. Sattasu nagaresu paññattāni etāni sabbāneva sikkhāpadāni pana aḍḍhuḍḍhāni satāneva bhavanti. Sāvatthiyaṃ paññattehi catunavutādhikadvisatasikkhāpadehi saddhiṃ chasu nagaresu paññattāni chapaññāsa sikkhāpadāni paññāsādhikāni tīṇi satāni bhavantīti attho. Aḍḍhena catutthaṃ yesaṃ tāni aḍḍhuḍḍhāni.
804-10. звам̣ нид̣̇аанавасзна наг̇арам̣ д̣̇ассзд̇ваа ид̣̇аани нид̣̇аанаман̃н̃амасзсзд̇ваа убхад̇овибхан̇г̇ааг̇ад̇аанам̣ саб̣б̣зсам̣ сигкаабад̣̇аанам̣ гзвалам̣ бин̣д̣авасзна г̇ан̣анам̣ д̣̇ассзд̇умааха ‘‘сигкаабад̣̇аани бхигкууна’’нд̇иаад̣̇и.
804-10. Evaṃ nidānavasena nagaraṃ dassetvā idāni nidānamaññamasesetvā ubhatovibhaṅgāgatānaṃ sabbesaṃ sikkhāpadānaṃ kevalaṃ piṇḍavasena gaṇanaṃ dassetumāha ‘‘sikkhāpadāni bhikkhūna’’ntiādi.
811. звам̣ саб̣б̣асигкаабад̣̇аанам̣ нид̣̇аанан̃жа г̇ан̣анан̃жа д̣̇ассзд̇ваа ид̣̇аани асаад̇хааран̣аани д̣̇ассзд̇умааха ‘‘чажад̇д̇аалийсаа’’д̇иаад̣̇и. бхигкуунам̣ бхигкунийхи асаад̇хааран̣абхаавам̣ махзсинаа г̇амид̇аани сигкаабад̣̇аани чажад̇д̇аалийсзва хонд̇ийд̇и яож̇анаа. иминаа уд̣̇д̣̇зсамааха.
811. Evaṃ sabbasikkhāpadānaṃ nidānañca gaṇanañca dassetvā idāni asādhāraṇāni dassetumāha ‘‘chacattālīsā’’tiādi. Bhikkhūnaṃ bhikkhunīhi asādhāraṇabhāvaṃ mahesinā gamitāni sikkhāpadāni chacattālīseva hontīti yojanā. Iminā uddesamāha.
814. ‘‘ча жа сан̇гхаад̣̇исзсаа’’д̇иаад̣̇ийхи д̣̇вийхи г̇аат̇аахи нид̣̇д̣̇зсам̣ д̣̇ассзд̇ваа ‘‘виссадтий’’д̇иаад̣̇инаа бадинид̣̇д̣̇зсамааха.
814. ‘‘Cha ca saṅghādisesā’’tiādīhi dvīhi gāthāhi niddesaṃ dassetvā ‘‘vissaṭṭhī’’tiādinā paṭiniddesamāha.
815. ‘‘ниссаг̇г̇ияз аад̣̇иваг̇г̇асми’’нд̇и бад̣̇ажчзд̣̇о. д̇ховананд̇и ан̃н̃аад̇игааяа бхигкунияаа жийварад̇хованам̣. бадиг̇г̇аход̇и д̇ассааязва хад̇т̇ад̇о жийварабадиг̇г̇ахан̣ам̣.
815. ‘‘Nissaggiye ādivaggasmi’’nti padacchedo. Dhovananti aññātikāya bhikkhuniyā cīvaradhovanaṃ. Paṭiggahoti tassāyeva hatthato cīvarapaṭiggahaṇaṃ.
816. ааран̃н̃анд̇и згуунад̇им̣сад̇имам̣ сигкаабад̣̇ам̣.
816.Āraññanti ekūnatiṃsatimaṃ sikkhāpadaṃ.
817. бхигкуунам̣, бхигкунийнан̃жа вуд̇д̇аани саб̣б̣аани баажид̇д̇ияаани г̇ан̣анаавасаа адтаасийд̇исад̇ам̣ бхаванд̇ийд̇и яож̇анаа. адтаасийд̇исад̇анд̇и бхигкунибаад̇имогкааг̇ад̇ам̣ часадтисад̇абаажид̇д̇ияам̣ вагкамаанзхи бхигкунияад̇зхи б̣аавийсад̇ибаажид̇д̇иязхи сад̣̇д̇хим̣ адтаасийд̇исад̇ам̣ ход̇и. д̇ад̇од̇и адтаасийд̇аад̇хигасад̇абаажид̇д̇ияад̇о нид̣̇д̇хаарид̇аани зд̇аани д̣̇ваавийсад̇и куд̣̇д̣̇агаани бхигкуунам̣ баад̇имогкагз бхаванд̇ийд̇и яож̇анаа.
817. Bhikkhūnaṃ, bhikkhunīnañca vuttāni sabbāni pācittiyāni gaṇanāvasā aṭṭhāsītisataṃ bhavantīti yojanā. Aṭṭhāsītisatanti bhikkhunipātimokkhāgataṃ chasaṭṭhisatapācittiyaṃ vakkhamānehi bhikkhuniyatehi bāvīsatipācittiyehi saddhiṃ aṭṭhāsītisataṃ hoti. Tatoti aṭṭhāsītādhikasatapācittiyato niddhāritāni etāni dvāvīsati khuddakāni bhikkhūnaṃ pātimokkhake bhavantīti yojanā.
818. бхигкуниваг̇г̇од̇и бхигкунийнам̣ оваад̣̇аваг̇г̇о. барамбарабхож̇анз бан̃н̃ад̇д̇ам̣ сигкаабад̣̇ам̣ барамбарабхож̇анам̣, барамбарабхож̇анзна саха вад̇д̇ад̇ийд̇и сабарамбарабхож̇ано.
818.Bhikkhunivaggoti bhikkhunīnaṃ ovādavaggo. Paramparabhojane paññattaṃ sikkhāpadaṃ paramparabhojanaṃ, paramparabhojanena saha vattatīti saparamparabhojano.
822. ‘‘згад̇о бана бан̃н̃ад̇д̇аа’’д̇иаад̣̇и ниг̇аманам̣. бхигкунийхи асаад̇хааран̣ад̇ам̣ г̇ад̇аа згад̇ова бан̃н̃ад̇д̇аа имз имаани сигкаабад̣̇аани бин̣д̣ид̇аани чажад̇д̇аалийса хонд̇ийд̇и яож̇анаа.
822.‘‘Ekato pana paññattā’’tiādi nigamanaṃ. Bhikkhunīhi asādhāraṇataṃ gatā ekatova paññattā ime imāni sikkhāpadāni piṇḍitāni chacattālīsa hontīti yojanā.
823. махзсинаа бхигкуухи асаад̇хааран̣абхаавам̣ г̇амид̇аани бхигкунийнам̣ сигкаабад̣̇аани барибин̣д̣ид̇аани сад̇ам̣, д̇им̣са жа бхаванд̇ийд̇и яож̇анаа.
823. Mahesinā bhikkhūhi asādhāraṇabhāvaṃ gamitāni bhikkhunīnaṃ sikkhāpadāni paripiṇḍitāni sataṃ, tiṃsa ca bhavantīti yojanā.
824. звам̣ уд̣̇д̣̇идтаанам̣ нид̣̇д̣̇зсамааха ‘‘баарааж̇игааний’’д̇иаад̣̇инаа. баарааж̇игаани жад̇д̇аарийд̇и уб̣бхаж̇аан̣уман̣д̣алигаваж̇ж̇абадижчаад̣̇игаугкид̇д̇аанувад̇д̇игаадтавад̇т̇угасан̇каад̇аани жад̇д̇аари баарааж̇игаани.
824. Evaṃ uddiṭṭhānaṃ niddesamāha ‘‘pārājikānī’’tiādinā. Pārājikāni cattārīti ubbhajāṇumaṇḍalikavajjapaṭicchādikaukkhittānuvattikaaṭṭhavatthukasaṅkhātāni cattāri pārājikāni.
826. д̣̇вийхи г̇аат̇аахи нид̣̇д̣̇идтаанам̣ бадинид̣̇д̣̇зсо ‘‘бхигкунийнам̣ д̇у сан̇гхаад̣̇исзсзхий’’д̇иаад̣̇и. жад̇уннам̣ баарааж̇игаанам̣ уд̣̇д̣̇зсавасзнзва баагадад̇д̇аа бадинид̣̇д̣̇зсз аг̇г̇ахан̣ам̣. аад̣̇ид̇о чаад̇и уссаяаваад̣̇игаад̣̇аяо ча сан̇гхаад̣̇исзсаа. ‘‘аад̣̇ид̇о’’д̇и ид̣̇ам̣ ‘‘яаавад̇ад̇ияагаа’’д̇и иминааби яож̇зд̇аб̣б̣ам̣, адтасу яаавад̇ад̇ияагзсу буримаани жад̇д̇аари сигкаабад̣̇аанийд̇и вуд̇д̇ам̣ ход̇и.
826. Dvīhi gāthāhi niddiṭṭhānaṃ paṭiniddeso ‘‘bhikkhunīnaṃ tu saṅghādisesehī’’tiādi. Catunnaṃ pārājikānaṃ uddesavaseneva pākaṭattā paṭiniddese aggahaṇaṃ. Ādito chāti ussayavādikādayo cha saṅghādisesā. ‘‘Ādito’’ti idaṃ ‘‘yāvatatiyakā’’ti imināpi yojetabbaṃ, aṭṭhasu yāvatatiyakesu purimāni cattāri sikkhāpadānīti vuttaṃ hoti.
827. сад̇д̇ан̃н̃ад̣̇ад̇т̇игаад̣̇ийнийд̇и аад̣̇и-сад̣̇д̣̇зна ан̃н̃ад̣̇ад̇т̇игасигкаабад̣̇ад̇о бажчимаани жад̇д̇аари, буримаани ‘‘ан̃н̃ам̣ вин̃н̃аабзяяа, ан̃н̃ам̣ жзд̇аабзяяаа’’д̇и д̣̇вз жа г̇ахид̇аани. бад̇д̇о жзваад̇и батамам̣ бад̇д̇асаннижаяасигкаабад̣̇амааха. д̣̇уд̇ияаваг̇г̇з буримасигкаабад̣̇ад̣̇ваяам̣ ‘‘г̇арум̣ лаху’’нд̇и иминаа г̇ахид̇ам̣.
827.Sattaññadatthikādīnīti ādi-saddena aññadatthikasikkhāpadato pacchimāni cattāri, purimāni ‘‘aññaṃ viññāpeyya, aññaṃ cetāpeyyā’’ti dve ca gahitāni. Patto cevāti paṭhamaṃ pattasannicayasikkhāpadamāha. Dutiyavagge purimasikkhāpadadvayaṃ ‘‘garuṃ lahu’’nti iminā gahitaṃ.
828. ид̇ха бхигкунибаад̇имогкз зд̇аани бана д̣̇ваад̣̇асзва ниссаг̇г̇ияаани сад̇т̇аараа бхигкунийнам̣ васзна згад̇о бан̃н̃ад̇д̇аанийд̇и яож̇анаа.
828.Idha bhikkhunipātimokkhe etāni pana dvādaseva nissaggiyāni satthārā bhikkhunīnaṃ vasena ekato paññattānīti yojanā.
829-30. ‘‘саб̣б̣зва г̇ан̣анаавасаа’’д̇иаад̣̇и ниг̇аманам̣. бхигкуухи асаад̇хааран̣ад̇ам̣ г̇ад̇аа бхигкунийнам̣ згад̇о бан̃н̃ад̇д̇аа сад̇ам̣, д̇им̣са бхаванд̇ийд̇и яож̇анаа.
829-30.‘‘Sabbeva gaṇanāvasā’’tiādi nigamanaṃ. Bhikkhūhi asādhāraṇataṃ gatā bhikkhunīnaṃ ekato paññattā sataṃ, tiṃsa bhavantīti yojanā.
831-3. ‘‘асаад̇хааран̣аа убхинна’’нд̇и бад̣̇ажчзд̣̇о. убхиннам̣ асаад̇хааран̣асигкаабад̣̇аани сад̇ан̃жа сад̇д̇ад̇и жа ча жа бхаванд̇и. звамуд̣̇д̣̇идтаанам̣ нид̣̇д̣̇зсо ‘‘баарааж̇игаани жад̇д̇аарий’’д̇иаад̣̇и. бхигкуухи асаад̇хааран̣аани бхигкунийнам̣ жад̇д̇аари баарааж̇игаани. д̣̇асажча жаад̇и бхигкуухи асаад̇хааран̣аани бхигкунийнам̣ сан̇гхаад̣̇исзсаа д̣̇аса, бхигкунийхи асаад̇хааран̣аани бхигкуунам̣ виссадтиаад̣̇игаа сан̇гхаад̣̇исзсаа ча жаад̇и сан̇гхаад̣̇исзсаа сол̣аса.
831-3. ‘‘Asādhāraṇā ubhinna’’nti padacchedo. Ubhinnaṃ asādhāraṇasikkhāpadāni satañca sattati ca cha ca bhavanti. Evamuddiṭṭhānaṃ niddeso ‘‘pārājikāni cattārī’’tiādi. Bhikkhūhi asādhāraṇāni bhikkhunīnaṃ cattāri pārājikāni. Dasacchacāti bhikkhūhi asādhāraṇāni bhikkhunīnaṃ saṅghādisesā dasa, bhikkhunīhi asādhāraṇāni bhikkhūnaṃ vissaṭṭhiādikā saṅghādisesā cha cāti saṅghādisesā soḷasa.
анияад̇аа д̣̇увз жзваад̇и бхигкунийхи асаад̇хааран̣аани бхигкуунам̣ анияад̇аа д̣̇вз жа. ниссаг̇г̇аа жад̇увийсад̇ийд̇и бхигкунийхи асаад̇хааран̣аани бхигкуунам̣ д̣̇ваад̣̇аса, бхигкуухи асаад̇хааран̣аани бхигкунийнам̣ д̣̇ваад̣̇асаад̇и звам̣ ниссаг̇г̇ияаа жад̇увийсад̇и жа. сад̇ам̣ адтаараса куд̣̇д̣̇агаад̇и бхигкунийхи асаад̇хааран̣аани бхигкуунам̣ б̣аавийсад̇и, бхигкуухи асаад̇хааран̣аани бхигкунийнам̣ чаннавуд̇ийд̇и адтаарасаад̇хигасад̇ам̣ куд̣̇д̣̇агаани жа. зд̇т̇аад̇и имасмим̣ асаад̇хааран̣асан̇г̇ахз.
Aniyatā duve cevāti bhikkhunīhi asādhāraṇāni bhikkhūnaṃ aniyatā dve ca. Nissaggā catuvīsatīti bhikkhunīhi asādhāraṇāni bhikkhūnaṃ dvādasa, bhikkhūhi asādhāraṇāni bhikkhunīnaṃ dvādasāti evaṃ nissaggiyā catuvīsati ca. Sataṃ aṭṭhārasa khuddakāti bhikkhunīhi asādhāraṇāni bhikkhūnaṃ bāvīsati, bhikkhūhi asādhāraṇāni bhikkhunīnaṃ channavutīti aṭṭhārasādhikasataṃ khuddakāni ca. Etthāti imasmiṃ asādhāraṇasaṅgahe.
д̣̇ваад̣̇асзва жа г̇аараяхаад̇и бхигкунийхи асаад̇хааран̣аани бхигкуунам̣ жад̇д̇аари, бхигкуухи асаад̇хааран̣аани бхигкунийнам̣ адтаад̇и зд̇з баадид̣̇зсанийяаа жаад̇и имз часад̇д̇ад̇иад̇хигаани сад̇асигкаабад̣̇аани убхиннамби асаад̇хааран̣аанийд̇и яож̇анаа.
Dvādaseva ca gārayhāti bhikkhunīhi asādhāraṇāni bhikkhūnaṃ cattāri, bhikkhūhi asādhāraṇāni bhikkhunīnaṃ aṭṭhāti ete pāṭidesanīyā cāti ime chasattatiadhikāni satasikkhāpadāni ubhinnampi asādhāraṇānīti yojanā.
834. убхиннамби саад̇хааран̣аани сад̇т̇унаа бан̃н̃ад̇д̇аани сигкаабад̣̇аани сад̇ан̃жа сад̇д̇ад̇и жа жад̇д̇аари жа бхаванд̇ийд̇и багаасид̇аад̇и яож̇анаа.
834. Ubhinnampi sādhāraṇāni satthunā paññattāni sikkhāpadāni satañca sattati ca cattāri ca bhavantīti pakāsitāti yojanā.
835-6. баарааж̇игаани жад̇д̇аарийд̇и мзт̇унаад̣̇иннаад̣̇аанамануссавиг̇г̇ахауд̇д̇аримануссад̇хаммабаарааж̇игаани жад̇д̇аари жа. сад̇д̇а сан̇гхаад̣̇исзсагаад̇и сан̃жарид̇д̇аамуулагаан̃н̃абхааг̇ияаа, жад̇д̇ааро яаавад̇ад̇ияагаа жаад̇и сан̇гхаад̣̇исзсаа сад̇д̇а жа. адтаараса жа ниссаг̇г̇аад̇и ниссаг̇г̇иязсу батамз жийвараваг̇г̇з д̇хованабадиг̇г̇ахан̣асигкаабад̣̇ад̣̇ваяаваж̇ж̇ид̇аани адта, зл̣агаломаваг̇г̇з адтаманавамад̣̇асамаанийд̇и д̇аяо, бад̇д̇аваг̇г̇з батамабад̇д̇авассигасаадигаааран̃н̃агасигкаабад̣̇ад̇д̇аяасса важ̇ж̇ид̇аани сад̇д̇а жаад̇и имаани адтаараса ниссаг̇г̇ияасигкаабад̣̇аани жа. самасад̇д̇ад̇и куд̣̇д̣̇агаад̇и –
835-6.Pārājikāni cattārīti methunaadinnādānamanussaviggahauttarimanussadhammapārājikāni cattāri ca. Satta saṅghādisesakāti sañcarittaamūlakaaññabhāgiyā, cattāro yāvatatiyakā cāti saṅghādisesā satta ca. Aṭṭhārasa ca nissaggāti nissaggiyesu paṭhame cīvaravagge dhovanapaṭiggahaṇasikkhāpadadvayavajjitāni aṭṭha, eḷakalomavagge aṭṭhamanavamadasamānīti tayo, pattavagge paṭhamapattavassikasāṭikaāraññakasikkhāpadattayassa vajjitāni satta cāti imāni aṭṭhārasa nissaggiyasikkhāpadāni ca. Samasattati khuddakāti –
‘‘саб̣б̣о бхигкуниваг̇г̇оби…бз… д̣̇ваавийсад̇и бхаванд̇и хий’’д̇и. (у. ви. 818-821) –
‘‘Sabbo bhikkhunivaggopi…pe… dvāvīsati bhavanti hī’’ti. (u. vi. 818-821) –
вуд̇д̇аа бхигкуунам̣ бхигкунийхи асаад̇хааран̣аад̇и имзхи б̣аавийсад̇ибаажид̇д̇иязхи важ̇ж̇ид̇аани авасзсаани сад̇д̇ад̇и баажид̇д̇ияаани жа убхаяасаад̇хааран̣авасзна бан̃н̃ад̇д̇аани. бан̃жасад̇д̇ад̇и сзкияааби жаад̇и убхиннам̣ бхигкубхигкунийнам̣ самасигкад̇аа саад̇хааран̣асигкаабад̣̇аани саб̣б̣асо сад̇ам̣, сад̇д̇ад̇и, жад̇д̇аари жа хонд̇ийд̇и яож̇анаа.
Vuttā bhikkhūnaṃ bhikkhunīhi asādhāraṇāti imehi bāvīsatipācittiyehi vajjitāni avasesāni sattati pācittiyāni ca ubhayasādhāraṇavasena paññattāni. Pañcasattati sekhiyāpi cāti ubhinnaṃ bhikkhubhikkhunīnaṃ samasikkhatā sādhāraṇasikkhāpadāni sabbaso sataṃ, sattati, cattāri ca hontīti yojanā.
ид̇и уд̇д̇арз лийнад̇т̇абагаасанияаа
Iti uttare līnatthapakāsaniyā
саад̇хааран̣аасаад̇хааран̣агат̇ааван̣н̣анаа нидтид̇аа.
Sādhāraṇāsādhāraṇakathāvaṇṇanā niṭṭhitā.
