| Library / Tipiṭaka / д̇ибидага • Tipiṭaka / уд̣̇аана-адтагат̇аа • Udāna-aṭṭhakathā |
9. сад̇хааяамаанасуд̇д̇аван̣н̣анаа
9. Sadhāyamānasuttavaṇṇanā
49. навамз маан̣авагаад̇и д̇арун̣аа. батамз яоб̣б̣анз тид̇аа б̣раахман̣агумаарагаа ид̇хаад̇хиббзд̇аа.
49. Navame māṇavakāti taruṇā. Paṭhame yobbane ṭhitā brāhmaṇakumārakā idhādhippetā.
сад̇хааяамаанаруубаад̇и уббан̣д̣анаж̇аад̇игам̣ важанам̣ санд̇хааяа вуд̇д̇ам̣. ан̃н̃зсам̣ уббан̣д̣знд̇аа сад̇ханд̇и, д̇ад̣̇ад̇т̇аважанасийлаад̇и ад̇т̇о. д̇ассааяам̣ важанад̇т̇о – сад̇ханам̣ сад̇хо, д̇ам̣ аажигканд̇ийд̇и сад̇хаяамаанаад̇и вад̇д̇аб̣б̣з д̣̇ийгхам̣ гад̇ваа ‘‘сад̇хааяамаанаа’’д̇и вуд̇д̇ам̣. ат̇а ваа висзсад̇о сасзд̇хз вияа ад̇д̇аанам̣ аавад̣̇анд̇ийд̇и сад̇хааяамаанаа. д̇з звам̣ сабхаавад̇ааяа ‘‘сад̇хааяамаанаруубаа’’д̇и вуд̇д̇ам̣. ‘‘сад̣̇д̣̇ааяамаанаруубаа’’д̇иби баато, ужжаасад̣̇д̣̇амахаасад̣̇д̣̇ам̣ гаронд̇аад̇и ад̇т̇о. бхаг̇авад̇о авид̣̇уурз ад̇иггаманд̇ийд̇и бхаг̇авад̇о саванависаяз д̇ам̣ д̇ам̣ мукаарул̣хам̣ вад̣̇анд̇аа ад̇ияанд̇и.
Sadhāyamānarūpāti uppaṇḍanajātikaṃ vacanaṃ sandhāya vuttaṃ. Aññesaṃ uppaṇḍentā sadhanti, tadatthavacanasīlāti attho. Tassāyaṃ vacanattho – sadhanaṃ sadho, taṃ ācikkhantīti sadhayamānāti vattabbe dīghaṃ katvā ‘‘sadhāyamānā’’ti vuttaṃ. Atha vā visesato sasedhe viya attānaṃ āvadantīti sadhāyamānā. Te evaṃ sabhāvatāya ‘‘sadhāyamānarūpā’’ti vuttaṃ. ‘‘Saddāyamānarūpā’’tipi pāṭho, uccāsaddamahāsaddaṃ karontāti attho. Bhagavato avidūre atikkamantīti bhagavato savanavisaye taṃ taṃ mukhāruḷhaṃ vadantā atiyanti.
зд̇амад̇т̇ам̣ вид̣̇ид̇ваад̇и зд̇ам̣ д̇зсам̣ ваажааяа асан̃н̃ад̇абхаавам̣ ж̇аанид̇ваа д̇ад̣̇ад̇т̇ад̣̇ийбагам̣ д̇хаммасам̣взг̇авасзна имам̣ уд̣̇аанам̣ уд̣̇аанзси.
Etamatthaṃviditvāti etaṃ tesaṃ vācāya asaññatabhāvaṃ jānitvā tadatthadīpakaṃ dhammasaṃvegavasena imaṃ udānaṃ udānesi.
д̇ад̇т̇а баримудтаад̇и д̣̇анд̇хаа мудтассад̇ино. бан̣д̣ид̇аабхаасаад̇и бан̣д̣ид̇абад̇ируубагаа ‘‘гз ан̃н̃з ж̇аананд̇и, маяамзвзд̇т̇а ж̇аанаамаа’’д̇и д̇асмим̣ д̇асмим̣ ад̇т̇з ад̇д̇аанамзва ж̇аананд̇ам̣ гад̇ваа самуд̣̇аажаран̣ад̇о. ваажааг̇ожарабхаан̣инод̇и язсам̣ ваажаа зва г̇ожаро висаяо, д̇з ваажааг̇ожарабхаан̣ино, ваажаавад̇т̇умад̇д̇ассзва бхаан̣ино ад̇т̇асса абарин̃н̃аад̇ад̇д̇аа. ат̇а ваа ваажааяа аг̇ожарам̣ арияаанам̣ гат̇ааяа ависаяам̣ мусааваад̣̇ам̣ бхан̣анд̇ийд̇и ваажааг̇ожарабхаан̣ино. ат̇а ваа ‘‘г̇ожарабхаан̣ино’’д̇и зд̇т̇а аагаарасса рассабхааво гад̇о. ваажааг̇ожараа, на сад̇ибадтаанаад̣̇иг̇ожараа бхаан̣инова. гат̇ам̣ бхаан̣ино? яаавижчанд̇и мукааяаамам̣ ад̇д̇ано яаава мукааяаамам̣ яаава мукаббасааран̣ам̣ ижчанд̇и, д̇аава басаарзд̇ваа бхаан̣ино, барзсу г̇ааравзна, ад̇д̇ано ависаяад̇ааяа жа мукасан̇гожам̣ на гаронд̇ийд̇и ад̇т̇о. ат̇а ваа ваажааг̇ожараа зва худ̇ваа бхаан̣ино, саяам̣ аж̇аанид̇ваа барабад̇д̇игаа зва худ̇ваа вад̇д̇аарод̇и ад̇т̇о. д̇ад̇о зва яаавижчанд̇и мукааяаамам̣ язна важанзна саавзд̇аб̣б̣аа, д̇ам̣ ажинд̇зд̇ваа яаавад̣̇зва ад̇д̇ано мукаббасааран̣амад̇д̇ам̣ ижчанд̇ийд̇и ад̇т̇о. язна нийд̇аа на д̇ам̣ вид̣̇ууд̇и язна мудтассажжаад̣̇инаа ниллаж̇ж̇абхаавам̣ бан̣д̣ид̇амаанийбхааван̃жа нийд̇аа ‘‘маяамзвам̣ бхан̣аамаа’’д̇и, д̇ам̣ д̇ат̇аа ад̇д̇ано бхан̣анд̇асса гааран̣ам̣ на вид̣̇уу, авид̣̇д̣̇асуно асуураа на ж̇аананд̇ийд̇и ад̇т̇о.
Tattha parimuṭṭhāti dandhā muṭṭhassatino. Paṇḍitābhāsāti paṇḍitapatirūpakā ‘‘ke aññe jānanti, mayamevettha jānāmā’’ti tasmiṃ tasmiṃ atthe attānameva jānantaṃ katvā samudācaraṇato. Vācāgocarabhāṇinoti yesaṃ vācā eva gocaro visayo, te vācāgocarabhāṇino, vācāvatthumattasseva bhāṇino atthassa apariññātattā. Atha vā vācāya agocaraṃ ariyānaṃ kathāya avisayaṃ musāvādaṃ bhaṇantīti vācāgocarabhāṇino. Atha vā ‘‘gocarabhāṇino’’ti ettha ākārassa rassabhāvo kato. Vācāgocarā, na satipaṭṭhānādigocarā bhāṇinova. Kathaṃ bhāṇino? Yāvicchanti mukhāyāmaṃ attano yāva mukhāyāmaṃ yāva mukhappasāraṇaṃ icchanti, tāva pasāretvā bhāṇino, paresu gāravena, attano avisayatāya ca mukhasaṅkocaṃ na karontīti attho. Atha vā vācāgocarā eva hutvā bhāṇino, sayaṃ ajānitvā parapattikā eva hutvā vattāroti attho. Tato eva yāvicchanti mukhāyāmaṃ yena vacanena sāvetabbā, taṃ acintetvā yāvadeva attano mukhappasāraṇamattaṃ icchantīti attho. Yena nītā na taṃ vidūti yena muṭṭhassaccādinā nillajjabhāvaṃ paṇḍitamānībhāvañca nītā ‘‘mayamevaṃ bhaṇāmā’’ti, taṃ tathā attano bhaṇantassa kāraṇaṃ na vidū, aviddasuno asūrā na jānantīti attho.
навамасуд̇д̇аван̣н̣анаа нидтид̇аа.
Navamasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / уд̣̇аанабаал̣и • Udānapāḷi / 9. сад̇хааяамаанасуд̇д̇ам̣ • 9. Sadhāyamānasuttaṃ
