| Library / Tipiṭaka / တိပိဋက • Tipiṭaka / အင္ဂုတ္တရနိကာယ • Aṅguttaranikāya |
(၁၄) ၄. သာဓုဝဂ္ဂော
(14) 4. Sādhuvaggo
၁. သာဓုသုတ္တံ
1. Sādhusuttaṃ
၁၃၄. 1 ‘‘သာဓုဉ္စ ဝော, ဘိက္ခဝေ, ဒေသေသ္သာမိ အသာဓုဉ္စ။ တံ သုဏာထ, သာဓုကံ မနသိ ကရောထ; ဘာသိသ္သာမီ’’တိ။ ‘‘ဧဝံ, ဘန္တေ’’တိ ခော တေ ဘိက္ခူ ဘဂဝတော ပစ္စသ္သောသုံ။ ဘဂဝာ ဧတဒဝောစ –
134.2 ‘‘Sādhuñca vo, bhikkhave, desessāmi asādhuñca. Taṃ suṇātha, sādhukaṃ manasi karotha; bhāsissāmī’’ti. ‘‘Evaṃ, bhante’’ti kho te bhikkhū bhagavato paccassosuṃ. Bhagavā etadavoca –
‘‘ကတမဉ္စ, ဘိက္ခဝေ, အသာဓု? မိစ္ဆာဒိဋ္ဌိ, မိစ္ဆာသင္ကပ္ပော, မိစ္ဆာဝာစာ, မိစ္ဆာကမ္မန္တော, မိစ္ဆာအာဇီဝော, မိစ္ဆာဝာယာမော, မိစ္ဆာသတိ, မိစ္ဆာသမာဓိ, မိစ္ဆာဉာဏံ, မိစ္ဆာဝိမုတ္တိ – ဣဒံ ဝုစ္စတိ, ဘိက္ခဝေ, အသာဓု။ ကတမဉ္စ, ဘိက္ခဝေ, သာဓု? သမ္မာဒိဋ္ဌိ , သမ္မာသင္ကပ္ပော, သမ္မာဝာစာ သမ္မာကမ္မန္တော, သမ္မာအာဇီဝော, သမ္မာဝာယာမော, သမ္မာသတိ, သမ္မာသမာဓိ, သမ္မာဉာဏံ, သမ္မာဝိမုတ္တိ – ဣဒံ ဝုစ္စတိ, ဘိက္ခဝေ, သာဓူ’’တိ။ ပဌမံ။
‘‘Katamañca, bhikkhave, asādhu? Micchādiṭṭhi, micchāsaṅkappo, micchāvācā, micchākammanto, micchāājīvo, micchāvāyāmo, micchāsati, micchāsamādhi, micchāñāṇaṃ, micchāvimutti – idaṃ vuccati, bhikkhave, asādhu. Katamañca, bhikkhave, sādhu? Sammādiṭṭhi , sammāsaṅkappo, sammāvācā sammākammanto, sammāājīvo, sammāvāyāmo, sammāsati, sammāsamādhi, sammāñāṇaṃ, sammāvimutti – idaṃ vuccati, bhikkhave, sādhū’’ti. Paṭhamaṃ.
Footnotes:
Related texts:
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / အင္ဂုတ္တရနိကာယ (အဋ္ဌကထာ) • Aṅguttaranikāya (aṭṭhakathā) / (၁၄) ၄. သာဓုဝဂ္ဂဝဏ္ဏနာ • (14) 4. Sādhuvaggavaṇṇanā
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / အင္ဂုတ္တရနိကာယ (ဋီကာ) • Aṅguttaranikāya (ṭīkā) / ၅-၄၂. သင္ဂာရဝသုတ္တာဒိဝဏ္ဏနာ • 5-42. Saṅgāravasuttādivaṇṇanā
