| Library / Tipiṭaka / д̇ибидага • Tipiṭaka / абад̣̇аана-адтагат̇аа • Apadāna-aṭṭhakathā |
2. сааг̇ад̇ад̇т̇зраабад̣̇аанаван̣н̣анаа
2. Sāgatattheraapadānavaṇṇanā
собхид̇о наама наамзнаад̇иаад̣̇игам̣ ааяасмад̇о сааг̇ад̇ад̇т̇зрасса абад̣̇аанам̣. аяамби буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз виваддуубаниссаяаани бун̃н̃аани убажинанд̇о бад̣̇умуд̇д̇арасса бхаг̇авад̇о гаалз згасмим̣ б̣раахман̣агулз ниб̣б̣ад̇д̇о саб̣б̣асиббзсу нибпад̇д̇им̣ бад̇д̇о наамзна собхид̇о наама худ̇ваа д̇ин̣н̣ам̣ взд̣̇аанам̣ баараг̇уу санигхан̣д̣угздубхаанам̣ саагкараббабхзд̣̇аанам̣ ид̇ихаасабан̃жамаанам̣ бад̣̇аго взяяаагаран̣о логааяад̇амахаабурисалагкан̣зсу анаваяо. со згад̣̇ивасам̣ бад̣̇умуд̇д̇арам̣ бхаг̇аванд̇ам̣ д̣̇вад̇д̇им̣самахаабурисалагкан̣асирияаа собхамаанам̣ уяяаанад̣̇ваарзна г̇ажчанд̇ам̣ д̣̇исваа ад̇ийва басаннамаанасо анзгзхи убааязхи анзгзхи г̇ун̣аван̣н̣зхи т̇оманам̣ агааси. бхаг̇аваа д̇асса т̇оманам̣ суд̇ваа ‘‘анааг̇ад̇з г̇од̇амасса бхаг̇авад̇о саасанз сааг̇ад̇о наама сааваго бхависсад̇ий’’д̇и б̣яаагаран̣ам̣ ад̣̇ааси. со д̇ад̇о бадтааяа бун̃н̃аани гаронд̇о яаавад̇ааяугам̣ тад̇ваа д̇ад̇о жуд̇о д̣̇звалогз ниб̣б̣ад̇д̇о. габбасад̇асахассад̣̇звамануссзсу убхаяасамбад̇д̇ияо анубхавид̇ваа имасмим̣ б̣уд̣̇д̇хуббаад̣̇з згасмим̣ гулаг̇зхз ниб̣б̣ад̇д̇о. д̇асса маад̇аабид̇аро соманассам̣ вад̣дхзнд̇о суж̇аад̇о ааг̇ад̇од̇и сааг̇ад̇од̇и наамам̣ гарим̣су. со саасанз басийд̣̇ид̇ваа баб̣б̣аж̇ид̇ваа вибассанам̣ вад̣дхзд̇ваа арахад̇д̇ам̣ бад̇д̇о.
Sobhito nāma nāmenātiādikaṃ āyasmato sāgatattherassa apadānaṃ. Ayampi purimabuddhesu katādhikāro tattha tattha bhave vivaṭṭūpanissayāni puññāni upacinanto padumuttarassa bhagavato kāle ekasmiṃ brāhmaṇakule nibbatto sabbasippesu nipphattiṃ patto nāmena sobhito nāma hutvā tiṇṇaṃ vedānaṃ pāragū sanighaṇḍukeṭubhānaṃ sākkharappabhedānaṃ itihāsapañcamānaṃ padako veyyākaraṇo lokāyatamahāpurisalakkhaṇesu anavayo. So ekadivasaṃ padumuttaraṃ bhagavantaṃ dvattiṃsamahāpurisalakkhaṇasiriyā sobhamānaṃ uyyānadvārena gacchantaṃ disvā atīva pasannamānaso anekehi upāyehi anekehi guṇavaṇṇehi thomanaṃ akāsi. Bhagavā tassa thomanaṃ sutvā ‘‘anāgate gotamassa bhagavato sāsane sāgato nāma sāvako bhavissatī’’ti byākaraṇaṃ adāsi. So tato paṭṭhāya puññāni karonto yāvatāyukaṃ ṭhatvā tato cuto devaloke nibbatto. Kappasatasahassadevamanussesu ubhayasampattiyo anubhavitvā imasmiṃ buddhuppāde ekasmiṃ kulagehe nibbatto. Tassa mātāpitaro somanassaṃ vaḍḍhento sujāto āgatoti sāgatoti nāmaṃ kariṃsu. So sāsane pasīditvā pabbajitvā vipassanaṃ vaḍḍhetvā arahattaṃ patto.
17. звам̣ со бун̃н̃асамбхаараануруубзна бад̇д̇аарахад̇д̇апало ад̇д̇ано буб̣б̣агаммам̣ сарид̇ваа соманассаж̇аад̇о буб̣б̣ажарид̇аабад̣̇аанам̣ багаасзнд̇о собхид̇о наама наамзнаад̇иаад̣̇имааха. д̇ад̇т̇а д̇ад̣̇аа бун̃н̃асамбхаарасса барибууран̣асамаяз наамзна собхид̇о наама б̣раахман̣о ахосинд̇и самб̣анд̇хо.
17. Evaṃ so puññasambhārānurūpena pattaarahattaphalo attano pubbakammaṃ saritvā somanassajāto pubbacaritāpadānaṃ pakāsento sobhito nāma nāmenātiādimāha. Tattha tadā puññasambhārassa paripūraṇasamaye nāmena sobhito nāma brāhmaṇo ahosinti sambandho.
21. вибат̇аа уд̣̇д̇харид̇ваанаад̇и вируд̣̇д̇хабат̇аа гумаг̇г̇аа, уббат̇аа ваа уд̣̇д̇харид̇ваа абанзд̇ваа. бат̇ам̣ аажигкасзд̇и, бханд̇з, саб̣б̣ан̃н̃у д̇увам̣ бат̇ам̣ саббурисамаг̇г̇ам̣ ниб̣б̣аанаад̇хиг̇аманубааяам̣ аажигкасз гат̇зси д̣̇зсзси вибхаж̇и уд̇д̇ааним̣ агаасийд̇и ад̇т̇о. сзсам̣ уд̇д̇аанад̇т̇амзваад̇и.
21.Vipathā uddharitvānāti viruddhapathā kumaggā, uppathā vā uddharitvā apanetvā. Pathaṃ ācikkhaseti, bhante, sabbaññu tuvaṃ pathaṃ sappurisamaggaṃ nibbānādhigamanupāyaṃ ācikkhase kathesi desesi vibhaji uttāniṃ akāsīti attho. Sesaṃ uttānatthamevāti.
сааг̇ад̇ад̇т̇зраабад̣̇аанаван̣н̣анаа самад̇д̇аа.
Sāgatattheraapadānavaṇṇanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / абад̣̇аанабаал̣и • Apadānapāḷi / 2. сааг̇ад̇ад̇т̇зраабад̣̇аанам̣ • 2. Sāgatattheraapadānaṃ
