| Library / Tipiṭaka / ਤਿਪਿਟਕ • Tipiṭaka / ਅਪਦਾਨ-ਅਟ੍ਠਕਥਾ • Apadāna-aṭṭhakathā |
੨. ਸਾਗਤਤ੍ਥੇਰਅਪਦਾਨવਣ੍ਣਨਾ
2. Sāgatattheraapadānavaṇṇanā
ਸੋਭਿਤੋ ਨਾਮ ਨਾਮੇਨਾਤਿਆਦਿਕਂ ਆਯਸ੍ਮਤੋ ਸਾਗਤਤ੍ਥੇਰਸ੍ਸ ਅਪਦਾਨਂ। ਅਯਮ੍ਪਿ ਪੁਰਿਮਬੁਦ੍ਧੇਸੁ ਕਤਾਧਿਕਾਰੋ ਤਤ੍ਥ ਤਤ੍ਥ ਭવੇ વਿવਟ੍ਟੂਪਨਿਸ੍ਸਯਾਨਿ ਪੁਞ੍ਞਾਨਿ ਉਪਚਿਨਨ੍ਤੋ ਪਦੁਮੁਤ੍ਤਰਸ੍ਸ ਭਗવਤੋ ਕਾਲੇ ਏਕਸ੍ਮਿਂ ਬ੍ਰਾਹ੍ਮਣਕੁਲੇ ਨਿਬ੍ਬਤ੍ਤੋ ਸਬ੍ਬਸਿਪ੍ਪੇਸੁ ਨਿਪ੍ਫਤ੍ਤਿਂ ਪਤ੍ਤੋ ਨਾਮੇਨ ਸੋਭਿਤੋ ਨਾਮ ਹੁਤ੍વਾ ਤਿਣ੍ਣਂ વੇਦਾਨਂ ਪਾਰਗੂ ਸਨਿਘਣ੍ਡੁਕੇਟੁਭਾਨਂ ਸਾਕ੍ਖਰਪ੍ਪਭੇਦਾਨਂ ਇਤਿਹਾਸਪਞ੍ਚਮਾਨਂ ਪਦਕੋ વੇਯ੍ਯਾਕਰਣੋ ਲੋਕਾਯਤਮਹਾਪੁਰਿਸਲਕ੍ਖਣੇਸੁ ਅਨવਯੋ। ਸੋ ਏਕਦਿવਸਂ ਪਦੁਮੁਤ੍ਤਰਂ ਭਗવਨ੍ਤਂ ਦ੍વਤ੍ਤਿਂਸਮਹਾਪੁਰਿਸਲਕ੍ਖਣਸਿਰਿਯਾ ਸੋਭਮਾਨਂ ਉਯ੍ਯਾਨਦ੍વਾਰੇਨ ਗਚ੍ਛਨ੍ਤਂ ਦਿਸ੍વਾ ਅਤੀવ ਪਸਨ੍ਨਮਾਨਸੋ ਅਨੇਕੇਹਿ ਉਪਾਯੇਹਿ ਅਨੇਕੇਹਿ ਗੁਣવਣ੍ਣੇਹਿ ਥੋਮਨਂ ਅਕਾਸਿ। ਭਗવਾ ਤਸ੍ਸ ਥੋਮਨਂ ਸੁਤ੍વਾ ‘‘ਅਨਾਗਤੇ ਗੋਤਮਸ੍ਸ ਭਗવਤੋ ਸਾਸਨੇ ਸਾਗਤੋ ਨਾਮ ਸਾવਕੋ ਭવਿਸ੍ਸਤੀ’’ਤਿ ਬ੍ਯਾਕਰਣਂ ਅਦਾਸਿ। ਸੋ ਤਤੋ ਪਟ੍ਠਾਯ ਪੁਞ੍ਞਾਨਿ ਕਰੋਨ੍ਤੋ ਯਾવਤਾਯੁਕਂ ਠਤ੍વਾ ਤਤੋ ਚੁਤੋ ਦੇવਲੋਕੇ ਨਿਬ੍ਬਤ੍ਤੋ। ਕਪ੍ਪਸਤਸਹਸ੍ਸਦੇવਮਨੁਸ੍ਸੇਸੁ ਉਭਯਸਮ੍ਪਤ੍ਤਿਯੋ ਅਨੁਭવਿਤ੍વਾ ਇਮਸ੍ਮਿਂ ਬੁਦ੍ਧੁਪ੍ਪਾਦੇ ਏਕਸ੍ਮਿਂ ਕੁਲਗੇਹੇ ਨਿਬ੍ਬਤ੍ਤੋ। ਤਸ੍ਸ ਮਾਤਾਪਿਤਰੋ ਸੋਮਨਸ੍ਸਂ વਡ੍ਢੇਨ੍ਤੋ ਸੁਜਾਤੋ ਆਗਤੋਤਿ ਸਾਗਤੋਤਿ ਨਾਮਂ ਕਰਿਂਸੁ। ਸੋ ਸਾਸਨੇ ਪਸੀਦਿਤ੍વਾ ਪਬ੍ਬਜਿਤ੍વਾ વਿਪਸ੍ਸਨਂ વਡ੍ਢੇਤ੍વਾ ਅਰਹਤ੍ਤਂ ਪਤ੍ਤੋ।
Sobhito nāma nāmenātiādikaṃ āyasmato sāgatattherassa apadānaṃ. Ayampi purimabuddhesu katādhikāro tattha tattha bhave vivaṭṭūpanissayāni puññāni upacinanto padumuttarassa bhagavato kāle ekasmiṃ brāhmaṇakule nibbatto sabbasippesu nipphattiṃ patto nāmena sobhito nāma hutvā tiṇṇaṃ vedānaṃ pāragū sanighaṇḍukeṭubhānaṃ sākkharappabhedānaṃ itihāsapañcamānaṃ padako veyyākaraṇo lokāyatamahāpurisalakkhaṇesu anavayo. So ekadivasaṃ padumuttaraṃ bhagavantaṃ dvattiṃsamahāpurisalakkhaṇasiriyā sobhamānaṃ uyyānadvārena gacchantaṃ disvā atīva pasannamānaso anekehi upāyehi anekehi guṇavaṇṇehi thomanaṃ akāsi. Bhagavā tassa thomanaṃ sutvā ‘‘anāgate gotamassa bhagavato sāsane sāgato nāma sāvako bhavissatī’’ti byākaraṇaṃ adāsi. So tato paṭṭhāya puññāni karonto yāvatāyukaṃ ṭhatvā tato cuto devaloke nibbatto. Kappasatasahassadevamanussesu ubhayasampattiyo anubhavitvā imasmiṃ buddhuppāde ekasmiṃ kulagehe nibbatto. Tassa mātāpitaro somanassaṃ vaḍḍhento sujāto āgatoti sāgatoti nāmaṃ kariṃsu. So sāsane pasīditvā pabbajitvā vipassanaṃ vaḍḍhetvā arahattaṃ patto.
੧੭. ਏવਂ ਸੋ ਪੁਞ੍ਞਸਮ੍ਭਾਰਾਨੁਰੂਪੇਨ ਪਤ੍ਤਅਰਹਤ੍ਤਫਲੋ ਅਤ੍ਤਨੋ ਪੁਬ੍ਬਕਮ੍ਮਂ ਸਰਿਤ੍વਾ ਸੋਮਨਸ੍ਸਜਾਤੋ ਪੁਬ੍ਬਚਰਿਤਾਪਦਾਨਂ ਪਕਾਸੇਨ੍ਤੋ ਸੋਭਿਤੋ ਨਾਮ ਨਾਮੇਨਾਤਿਆਦਿਮਾਹ। ਤਤ੍ਥ ਤਦਾ ਪੁਞ੍ਞਸਮ੍ਭਾਰਸ੍ਸ ਪਰਿਪੂਰਣਸਮਯੇ ਨਾਮੇਨ ਸੋਭਿਤੋ ਨਾਮ ਬ੍ਰਾਹ੍ਮਣੋ ਅਹੋਸਿਨ੍ਤਿ ਸਮ੍ਬਨ੍ਧੋ।
17. Evaṃ so puññasambhārānurūpena pattaarahattaphalo attano pubbakammaṃ saritvā somanassajāto pubbacaritāpadānaṃ pakāsento sobhito nāma nāmenātiādimāha. Tattha tadā puññasambhārassa paripūraṇasamaye nāmena sobhito nāma brāhmaṇo ahosinti sambandho.
੨੧. વਿਪਥਾ ਉਦ੍ਧਰਿਤ੍વਾਨਾਤਿ વਿਰੁਦ੍ਧਪਥਾ ਕੁਮਗ੍ਗਾ, ਉਪ੍ਪਥਾ વਾ ਉਦ੍ਧਰਿਤ੍વਾ ਅਪਨੇਤ੍વਾ। ਪਥਂ ਆਚਿਕ੍ਖਸੇਤਿ, ਭਨ੍ਤੇ, ਸਬ੍ਬਞ੍ਞੁ ਤੁવਂ ਪਥਂ ਸਪ੍ਪੁਰਿਸਮਗ੍ਗਂ ਨਿਬ੍ਬਾਨਾਧਿਗਮਨੁਪਾਯਂ ਆਚਿਕ੍ਖਸੇ ਕਥੇਸਿ ਦੇਸੇਸਿ વਿਭਜਿ ਉਤ੍ਤਾਨਿਂ ਅਕਾਸੀਤਿ ਅਤ੍ਥੋ। ਸੇਸਂ ਉਤ੍ਤਾਨਤ੍ਥਮੇવਾਤਿ।
21.Vipathā uddharitvānāti viruddhapathā kumaggā, uppathā vā uddharitvā apanetvā. Pathaṃ ācikkhaseti, bhante, sabbaññu tuvaṃ pathaṃ sappurisamaggaṃ nibbānādhigamanupāyaṃ ācikkhase kathesi desesi vibhaji uttāniṃ akāsīti attho. Sesaṃ uttānatthamevāti.
ਸਾਗਤਤ੍ਥੇਰਅਪਦਾਨવਣ੍ਣਨਾ ਸਮਤ੍ਤਾ।
Sāgatattheraapadānavaṇṇanā samattā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਖੁਦ੍ਦਕਨਿਕਾਯ • Khuddakanikāya / ਅਪਦਾਨਪਾਲ਼ਿ • Apadānapāḷi / ੨. ਸਾਗਤਤ੍ਥੇਰਅਪਦਾਨਂ • 2. Sāgatattheraapadānaṃ
