| Library / Tipiṭaka / තිපිටක • Tipiṭaka / සංයුත්‌තනිකාය • Saṃyuttanikāya |
10. සගාථකසුත්‌තං
10. Sagāthakasuttaṃ
166. සාවත්‌ථියං විහරති…පෙ.… ‘‘දාරුණො, භික්‌ඛවෙ, ලාභසක්‌කාරසිලොකො…පෙ.… අධිගමාය. ඉධාහං, භික්‌ඛවෙ, එකච්‌චං පුග්‌ගලං පස්‌සාමි සක්‌කාරෙන අභිභූතං පරියාදිණ්‌ණචිත්‌තං, කායස්‌ස භෙදා පරං මරණා අපායං දුග්‌ගතිං විනිපාතං නිරයං උපපන්‌නං. ඉධ පනාහං, භික්‌ඛවෙ , එකච්‌චං පුග්‌ගලං පස්‌සාමි අසක්‌කාරෙන අභිභූතං පරියාදිණ්‌ණචිත්‌තං, කායස්‌ස භෙදා පරං මරණා අපායං දුග්‌ගතිං විනිපාතං නිරයං උපපන්‌නං. ඉධ පනාහං, භික්‌ඛවෙ, එකච්‌චං පුග්‌ගලං පස්‌සාමි සක්‌කාරෙන ච අසක්‌කාරෙන ච තදුභයෙන අභිභූතං පරියාදිණ්‌ණචිත්‌තං, කායස්‌ස භෙදා පරං මරණා අපායං දුග්‌ගතිං විනිපාතං නිරයං උපපන්‌නං. එවං දාරුණො ඛො, භික්‌ඛවෙ, ලාභසක්‌කාරසිලොකො…පෙ.… එවඤ්‌හි වො, භික්‌ඛවෙ, සික්‌ඛිතබ්‌බ’’න්‌ති.
166. Sāvatthiyaṃ viharati…pe… ‘‘dāruṇo, bhikkhave, lābhasakkārasiloko…pe… adhigamāya. Idhāhaṃ, bhikkhave, ekaccaṃ puggalaṃ passāmi sakkārena abhibhūtaṃ pariyādiṇṇacittaṃ, kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapannaṃ. Idha panāhaṃ, bhikkhave , ekaccaṃ puggalaṃ passāmi asakkārena abhibhūtaṃ pariyādiṇṇacittaṃ, kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapannaṃ. Idha panāhaṃ, bhikkhave, ekaccaṃ puggalaṃ passāmi sakkārena ca asakkārena ca tadubhayena abhibhūtaṃ pariyādiṇṇacittaṃ, kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapannaṃ. Evaṃ dāruṇo kho, bhikkhave, lābhasakkārasiloko…pe… evañhi vo, bhikkhave, sikkhitabba’’nti.
ඉදමවොච භගවා. ඉදං වත්‌වාන සුගතො අථාපරං එතදවොච සත්‌ථා –
Idamavoca bhagavā. Idaṃ vatvāna sugato athāparaṃ etadavoca satthā –
‘‘යස්‌ස සක්‌කරියමානස්‌ස, අසක්‌කාරෙන චූභයං;
‘‘Yassa sakkariyamānassa, asakkārena cūbhayaṃ;
‘‘තං ඣායිනං සාතතිකං, සුඛුමං දිට්‌ඨිවිපස්‌සකං;
‘‘Taṃ jhāyinaṃ sātatikaṃ, sukhumaṃ diṭṭhivipassakaṃ;
උපාදානක්‌ඛයාරාමං, ආහු සප්‌පුරිසො ඉතී’’ති. දසමං;
Upādānakkhayārāmaṃ, āhu sappuriso itī’’ti. dasamaṃ;
පඨමො වග්‌ගො.
Paṭhamo vaggo.
තස්‌සුද්‌දානං –
Tassuddānaṃ –
දාරුණො බළිසං කුම්‌මං, දීඝලොමි ච මීළ්‌හකං;
Dāruṇo baḷisaṃ kummaṃ, dīghalomi ca mīḷhakaṃ;
අසනි දිද්‌ධං සිඞ්‌ගාලං, වෙරම්‌භෙන සගාථකන්‌ති.
Asani diddhaṃ siṅgālaṃ, verambhena sagāthakanti.
Footnotes:
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) / 10. සගාථකසුත්‌තවණ්‌ණනා • 10. Sagāthakasuttavaṇṇanā
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / සංයුත්‌තනිකාය (ටීකා) • Saṃyuttanikāya (ṭīkā) / 10. සගාථකසුත්‌තවණ්‌ණනා • 10. Sagāthakasuttavaṇṇanā
