| Library / Tipiṭaka / திபிடக • Tipiṭaka / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) |
6. ஸகா³தா²ஸுத்தவண்ணனா
6. Sagāthāsuttavaṇṇanā
100. ச²ட்டே² கூ³தோ² கூ³தே²ன ஸங்ஸந்த³தி ஸமேதீதி ஸமுத்³த³ந்தரே ஜனபத³ந்தரே சக்கவாளந்தரே டி²தோபி வண்ணேனபி க³ந்தே⁴னபி ரஸேனபி நானத்தங் அனுபக³ச்ச²ந்தோ ஸங்ஸந்த³தி ஸமேதி, ஏகஸதி³ஸோவ ஹோதி நிரந்தரோ. ஸேஸேஸுபி ஏஸேவ நயோ. அயங் பன அனிட்ட²உபமா ஹீனஜ்ஜா²ஸயானங் ஹீனஅஜ்ஜா²ஸயஸ்ஸ ஸரிக்க²பா⁴வத³ஸ்ஸனத்த²ங் ஆஹடா, கீ²ராதி³விஸிட்டோ²பமா கல்யாணஜ்ஜா²ஸயானங் அஜ்ஜா²ஸயஸ்ஸ ஸரிக்க²பா⁴வத³ஸ்ஸனத்த²ங்.
100. Chaṭṭhe gūtho gūthena saṃsandati sametīti samuddantare janapadantare cakkavāḷantare ṭhitopi vaṇṇenapi gandhenapi rasenapi nānattaṃ anupagacchanto saṃsandati sameti, ekasadisova hoti nirantaro. Sesesupi eseva nayo. Ayaṃ pana aniṭṭhaupamā hīnajjhāsayānaṃ hīnaajjhāsayassa sarikkhabhāvadassanatthaṃ āhaṭā, khīrādivisiṭṭhopamā kalyāṇajjhāsayānaṃ ajjhāsayassa sarikkhabhāvadassanatthaṃ.
ஸங்ஸக்³கா³தி த³ஸ்ஸனஸவனஸங்ஸக்³கா³தி³வத்து²கேன தண்ஹாஸ்னேஹேன. வனதோ² ஜாதோதி கிலேஸவனங் ஜாதங் . அஸங்ஸக்³கே³ன சி²ஜ்ஜதீதி ஏகதோ டா²னநிஸஜ்ஜாதீ³னி அகரொந்தஸ்ஸ அஸங்ஸக்³கே³ன அத³ஸ்ஸனேன சி²ஜ்ஜதி. ஸாது⁴ஜீவீதி பரிஸுத்³த⁴ஜீவிதங் ஜீவமானோ. ஸஹாவஸேதி ஸஹவாஸங் வஸெய்ய. ச²ட்ட²ங்.
Saṃsaggāti dassanasavanasaṃsaggādivatthukena taṇhāsnehena. Vanatho jātoti kilesavanaṃ jātaṃ . Asaṃsaggena chijjatīti ekato ṭhānanisajjādīni akarontassa asaṃsaggena adassanena chijjati. Sādhujīvīti parisuddhajīvitaṃ jīvamāno. Sahāvaseti sahavāsaṃ vaseyya. Chaṭṭhaṃ.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 6. ஸகா³தா²ஸுத்தங் • 6. Sagāthāsuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 6. ஸகா³தா²ஸுத்தவண்ணனா • 6. Sagāthāsuttavaṇṇanā
