| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
6. саг̇аат̇аасуд̇д̇аван̣н̣анаа
6. Sagāthāsuttavaṇṇanā
100. чадтз г̇уут̇о г̇уут̇зна сам̣санд̣̇ад̇и самзд̇ийд̇и самуд̣̇д̣̇анд̇арз ж̇анабад̣̇анд̇арз жаггаваал̣анд̇арз тид̇оби ван̣н̣знаби г̇анд̇хзнаби расзнаби наанад̇д̇ам̣ анубаг̇ажчанд̇о сам̣санд̣̇ад̇и самзд̇и, згасад̣̇исова ход̇и ниранд̇аро. сзсзсуби зсзва наяо. аяам̣ бана анидтаубамаа хийнаж̇жхаасаяаанам̣ хийнааж̇жхаасаяасса саригкабхаавад̣̇ассанад̇т̇ам̣ аахадаа, кийраад̣̇ивисидтобамаа галяаан̣аж̇жхаасаяаанам̣ аж̇жхаасаяасса саригкабхаавад̣̇ассанад̇т̇ам̣.
100. Chaṭṭhe gūtho gūthena saṃsandati sametīti samuddantare janapadantare cakkavāḷantare ṭhitopi vaṇṇenapi gandhenapi rasenapi nānattaṃ anupagacchanto saṃsandati sameti, ekasadisova hoti nirantaro. Sesesupi eseva nayo. Ayaṃ pana aniṭṭhaupamā hīnajjhāsayānaṃ hīnaajjhāsayassa sarikkhabhāvadassanatthaṃ āhaṭā, khīrādivisiṭṭhopamā kalyāṇajjhāsayānaṃ ajjhāsayassa sarikkhabhāvadassanatthaṃ.
сам̣саг̇г̇аад̇и д̣̇ассанасаванасам̣саг̇г̇аад̣̇ивад̇т̇угзна д̇ан̣хааснзхзна. ванат̇о ж̇аад̇од̇и гилзсаванам̣ ж̇аад̇ам̣ . асам̣саг̇г̇зна чиж̇ж̇ад̇ийд̇и згад̇о таананисаж̇ж̇аад̣̇ийни агаронд̇асса асам̣саг̇г̇зна ад̣̇ассанзна чиж̇ж̇ад̇и. саад̇хуж̇ийвийд̇и барисуд̣̇д̇хаж̇ийвид̇ам̣ ж̇ийвамаано. сахаавасзд̇и сахаваасам̣ васзяяа. чадтам̣.
Saṃsaggāti dassanasavanasaṃsaggādivatthukena taṇhāsnehena. Vanatho jātoti kilesavanaṃ jātaṃ . Asaṃsaggena chijjatīti ekato ṭhānanisajjādīni akarontassa asaṃsaggena adassanena chijjati. Sādhujīvīti parisuddhajīvitaṃ jīvamāno. Sahāvaseti sahavāsaṃ vaseyya. Chaṭṭhaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 6. саг̇аат̇аасуд̇д̇ам̣ • 6. Sagāthāsuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 6. саг̇аат̇аасуд̇д̇аван̣н̣анаа • 6. Sagāthāsuttavaṇṇanā
