| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
6. саг̇аат̇аасуд̇д̇аван̣н̣анаа
6. Sagāthāsuttavaṇṇanā
100. ‘‘д̇хаад̇усо сам̣санд̣̇анд̇ий’’д̇и ид̣̇ам̣ аж̇жхаасаяад̇о саригкад̇аад̣̇ассанам̣, на гааязна миссийбхаавад̣̇ассананд̇и ааха ‘‘самуд̣̇д̣̇анд̇арз’’д̇иаад̣̇и. ниранд̇арод̇и ниб̣б̣исзсо. сам̣саг̇г̇аад̇и бан̃жавид̇хасам̣саг̇г̇ахзд̇у. сам̣саг̇г̇аг̇ахан̣зна жзд̇т̇а сам̣саг̇г̇авад̇т̇угаа д̇ан̣хаа г̇ахид̇аа. д̇знааха ‘‘д̣̇ассана…бз… снзхзнаа’’д̇и.
100. ‘‘Dhātuso saṃsandantī’’ti idaṃ ajjhāsayato sarikkhatādassanaṃ, na kāyena missībhāvadassananti āha ‘‘samuddantare’’tiādi. Nirantaroti nibbiseso. Saṃsaggāti pañcavidhasaṃsaggahetu. Saṃsaggagahaṇena cettha saṃsaggavatthukā taṇhā gahitā. Tenāha ‘‘dassana…pe… snehenā’’ti.
ванад̇и бхаж̇ад̇и саж̇ж̇ад̇и д̇знаад̇и ванам̣, ванат̇од̇и жа гилзсо вужжад̇ийд̇и ааха ‘‘ванат̇о ж̇аад̇од̇и гилзсаванам̣ ж̇аад̇а’’нд̇и. ид̇арз сам̣саг̇г̇амуулагаад̇и д̇амзва бадигкибанд̇о ааха ‘‘ад̣̇ассанзнаа’’д̇и. саад̇хуж̇ийвийд̇и саад̇ху судту ж̇ийвий, д̇ам̣ж̇ийванасийло. д̇знааха ‘‘барисуд̣̇д̇хаж̇ийвид̇ам̣ ж̇ийвамаано’’д̇и.
Vanati bhajati sajjati tenāti vanaṃ, vanathoti ca kileso vuccatīti āha ‘‘vanatho jātoti kilesavanaṃ jāta’’nti. Itare saṃsaggamūlakāti tameva paṭikkhipanto āha ‘‘adassanenā’’ti. Sādhujīvīti sādhu suṭṭhu jīvī, taṃjīvanasīlo. Tenāha ‘‘parisuddhajīvitaṃ jīvamāno’’ti.
саг̇аат̇аасуд̇д̇аван̣н̣анаа нидтид̇аа.
Sagāthāsuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 6. саг̇аат̇аасуд̇д̇ам̣ • 6. Sagāthāsuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 6. саг̇аат̇аасуд̇д̇аван̣н̣анаа • 6. Sagāthāsuttavaṇṇanā
