| Library / Tipiṭaka / तिपिटक • Tipiṭaka / संयुत्तनिकाय (अट्ठकथा) • Saṃyuttanikāya (aṭṭhakathā) |
६. सगाथासुत्तवण्णना
6. Sagāthāsuttavaṇṇanā
१००. छट्ठे गूथो गूथेन संसन्दति समेतीति समुद्दन्तरे जनपदन्तरे चक्कवाळन्तरे ठितोपि वण्णेनपि गन्धेनपि रसेनपि नानत्तं अनुपगच्छन्तो संसन्दति समेति, एकसदिसोव होति निरन्तरो। सेसेसुपि एसेव नयो। अयं पन अनिट्ठउपमा हीनज्झासयानं हीनअज्झासयस्स सरिक्खभावदस्सनत्थं आहटा, खीरादिविसिट्ठोपमा कल्याणज्झासयानं अज्झासयस्स सरिक्खभावदस्सनत्थं।
100. Chaṭṭhe gūtho gūthena saṃsandati sametīti samuddantare janapadantare cakkavāḷantare ṭhitopi vaṇṇenapi gandhenapi rasenapi nānattaṃ anupagacchanto saṃsandati sameti, ekasadisova hoti nirantaro. Sesesupi eseva nayo. Ayaṃ pana aniṭṭhaupamā hīnajjhāsayānaṃ hīnaajjhāsayassa sarikkhabhāvadassanatthaṃ āhaṭā, khīrādivisiṭṭhopamā kalyāṇajjhāsayānaṃ ajjhāsayassa sarikkhabhāvadassanatthaṃ.
संसग्गाति दस्सनसवनसंसग्गादिवत्थुकेन तण्हास्नेहेन। वनथो जातोति किलेसवनं जातं । असंसग्गेन छिज्जतीति एकतो ठाननिसज्जादीनि अकरोन्तस्स असंसग्गेन अदस्सनेन छिज्जति। साधुजीवीति परिसुद्धजीवितं जीवमानो। सहावसेति सहवासं वसेय्य। छट्ठं।
Saṃsaggāti dassanasavanasaṃsaggādivatthukena taṇhāsnehena. Vanatho jātoti kilesavanaṃ jātaṃ . Asaṃsaggena chijjatīti ekato ṭhānanisajjādīni akarontassa asaṃsaggena adassanena chijjati. Sādhujīvīti parisuddhajīvitaṃ jīvamāno. Sahāvaseti sahavāsaṃ vaseyya. Chaṭṭhaṃ.
Related texts:
तिपिटक (मूल) • Tipiṭaka (Mūla) / सुत्तपिटक • Suttapiṭaka / संयुत्तनिकाय • Saṃyuttanikāya / ६. सगाथासुत्तं • 6. Sagāthāsuttaṃ
टीका • Tīkā / सुत्तपिटक (टीका) • Suttapiṭaka (ṭīkā) / संयुत्तनिकाय (टीका) • Saṃyuttanikāya (ṭīkā) / ६. सगाथासुत्तवण्णना • 6. Sagāthāsuttavaṇṇanā
