| Library / Tipiṭaka / ತಿಪಿಟಕ • Tipiṭaka / ಸಂಯುತ್ತನಿಕಾಯ (ಅಟ್ಠಕಥಾ) • Saṃyuttanikāya (aṭṭhakathā) |
೬. ಸಗಾಥಾಸುತ್ತವಣ್ಣನಾ
6. Sagāthāsuttavaṇṇanā
೧೦೦. ಛಟ್ಠೇ ಗೂಥೋ ಗೂಥೇನ ಸಂಸನ್ದತಿ ಸಮೇತೀತಿ ಸಮುದ್ದನ್ತರೇ ಜನಪದನ್ತರೇ ಚಕ್ಕವಾಳನ್ತರೇ ಠಿತೋಪಿ ವಣ್ಣೇನಪಿ ಗನ್ಧೇನಪಿ ರಸೇನಪಿ ನಾನತ್ತಂ ಅನುಪಗಚ್ಛನ್ತೋ ಸಂಸನ್ದತಿ ಸಮೇತಿ, ಏಕಸದಿಸೋವ ಹೋತಿ ನಿರನ್ತರೋ। ಸೇಸೇಸುಪಿ ಏಸೇವ ನಯೋ। ಅಯಂ ಪನ ಅನಿಟ್ಠಉಪಮಾ ಹೀನಜ್ಝಾಸಯಾನಂ ಹೀನಅಜ್ಝಾಸಯಸ್ಸ ಸರಿಕ್ಖಭಾವದಸ್ಸನತ್ಥಂ ಆಹಟಾ, ಖೀರಾದಿವಿಸಿಟ್ಠೋಪಮಾ ಕಲ್ಯಾಣಜ್ಝಾಸಯಾನಂ ಅಜ್ಝಾಸಯಸ್ಸ ಸರಿಕ್ಖಭಾವದಸ್ಸನತ್ಥಂ।
100. Chaṭṭhe gūtho gūthena saṃsandati sametīti samuddantare janapadantare cakkavāḷantare ṭhitopi vaṇṇenapi gandhenapi rasenapi nānattaṃ anupagacchanto saṃsandati sameti, ekasadisova hoti nirantaro. Sesesupi eseva nayo. Ayaṃ pana aniṭṭhaupamā hīnajjhāsayānaṃ hīnaajjhāsayassa sarikkhabhāvadassanatthaṃ āhaṭā, khīrādivisiṭṭhopamā kalyāṇajjhāsayānaṃ ajjhāsayassa sarikkhabhāvadassanatthaṃ.
ಸಂಸಗ್ಗಾತಿ ದಸ್ಸನಸವನಸಂಸಗ್ಗಾದಿವತ್ಥುಕೇನ ತಣ್ಹಾಸ್ನೇಹೇನ। ವನಥೋ ಜಾತೋತಿ ಕಿಲೇಸವನಂ ಜಾತಂ । ಅಸಂಸಗ್ಗೇನ ಛಿಜ್ಜತೀತಿ ಏಕತೋ ಠಾನನಿಸಜ್ಜಾದೀನಿ ಅಕರೋನ್ತಸ್ಸ ಅಸಂಸಗ್ಗೇನ ಅದಸ್ಸನೇನ ಛಿಜ್ಜತಿ। ಸಾಧುಜೀವೀತಿ ಪರಿಸುದ್ಧಜೀವಿತಂ ಜೀವಮಾನೋ। ಸಹಾವಸೇತಿ ಸಹವಾಸಂ ವಸೇಯ್ಯ। ಛಟ್ಠಂ।
Saṃsaggāti dassanasavanasaṃsaggādivatthukena taṇhāsnehena. Vanatho jātoti kilesavanaṃ jātaṃ . Asaṃsaggena chijjatīti ekato ṭhānanisajjādīni akarontassa asaṃsaggena adassanena chijjati. Sādhujīvīti parisuddhajīvitaṃ jīvamāno. Sahāvaseti sahavāsaṃ vaseyya. Chaṭṭhaṃ.
Related texts:
ತಿಪಿಟಕ (ಮೂಲ) • Tipiṭaka (Mūla) / ಸುತ್ತಪಿಟಕ • Suttapiṭaka / ಸಂಯುತ್ತನಿಕಾಯ • Saṃyuttanikāya / ೬. ಸಗಾಥಾಸುತ್ತಂ • 6. Sagāthāsuttaṃ
ಟೀಕಾ • Tīkā / ಸುತ್ತಪಿಟಕ (ಟೀಕಾ) • Suttapiṭaka (ṭīkā) / ಸಂಯುತ್ತನಿಕಾಯ (ಟೀಕಾ) • Saṃyuttanikāya (ṭīkā) / ೬. ಸಗಾಥಾಸುತ್ತವಣ್ಣನಾ • 6. Sagāthāsuttavaṇṇanā
