| Library / Tipiṭaka / තිපිටක • Tipiṭaka / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) |
6. සගාථාසුත්‌තවණ්‌ණනා
6. Sagāthāsuttavaṇṇanā
100. ඡට්‌ඨෙ ගූථො ගූථෙන සංසන්‌දති සමෙතීති සමුද්‌දන්‌තරෙ ජනපදන්‌තරෙ චක්‌කවාළන්‌තරෙ ඨිතොපි වණ්‌ණෙනපි ගන්‌ධෙනපි රසෙනපි නානත්‌තං අනුපගච්‌ඡන්‌තො සංසන්‌දති සමෙති, එකසදිසොව හොති නිරන්‌තරො. සෙසෙසුපි එසෙව නයො. අයං පන අනිට්‌ඨඋපමා හීනජ්‌ඣාසයානං හීනඅජ්‌ඣාසයස්‌ස සරික්‌ඛභාවදස්‌සනත්‌ථං ආහටා, ඛීරාදිවිසිට්‌ඨොපමා කල්‍යාණජ්‌ඣාසයානං අජ්‌ඣාසයස්‌ස සරික්‌ඛභාවදස්‌සනත්‌ථං.
100. Chaṭṭhe gūtho gūthena saṃsandati sametīti samuddantare janapadantare cakkavāḷantare ṭhitopi vaṇṇenapi gandhenapi rasenapi nānattaṃ anupagacchanto saṃsandati sameti, ekasadisova hoti nirantaro. Sesesupi eseva nayo. Ayaṃ pana aniṭṭhaupamā hīnajjhāsayānaṃ hīnaajjhāsayassa sarikkhabhāvadassanatthaṃ āhaṭā, khīrādivisiṭṭhopamā kalyāṇajjhāsayānaṃ ajjhāsayassa sarikkhabhāvadassanatthaṃ.
සංසග්‌ගාති දස්‌සනසවනසංසග්‌ගාදිවත්‌ථුකෙන තණ්‌හාස්‌නෙහෙන. වනථො ජාතොති කිලෙසවනං ජාතං . අසංසග්‌ගෙන ඡිජ්‌ජතීති එකතො ඨානනිසජ්‌ජාදීනි අකරොන්‌තස්‌ස අසංසග්‌ගෙන අදස්‌සනෙන ඡිජ්‌ජති. සාධුජීවීති පරිසුද්‌ධජීවිතං ජීවමානො. සහාවසෙති සහවාසං වසෙය්‍ය. ඡට්‌ඨං.
Saṃsaggāti dassanasavanasaṃsaggādivatthukena taṇhāsnehena. Vanatho jātoti kilesavanaṃ jātaṃ . Asaṃsaggena chijjatīti ekato ṭhānanisajjādīni akarontassa asaṃsaggena adassanena chijjati. Sādhujīvīti parisuddhajīvitaṃ jīvamāno. Sahāvaseti sahavāsaṃ vaseyya. Chaṭṭhaṃ.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / සංයුත්‌තනිකාය • Saṃyuttanikāya / 6. සගාථාසුත්‌තං • 6. Sagāthāsuttaṃ
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / සංයුත්‌තනිකාය (ටීකා) • Saṃyuttanikāya (ṭīkā) / 6. සගාථාසුත්‌තවණ්‌ණනා • 6. Sagāthāsuttavaṇṇanā
