| Library / Tipiṭaka / තිපිටක • Tipiṭaka / සංයුත්‌තනිකාය (ටීකා) • Saṃyuttanikāya (ṭīkā) |
6. සගාථාසුත්‌තවණ්‌ණනා
6. Sagāthāsuttavaṇṇanā
100. ‘‘ධාතුසො සංසන්‌දන්‌තී’’ති ඉදං අජ්‌ඣාසයතො සරික්‌ඛතාදස්‌සනං, න කායෙන මිස්‌සීභාවදස්‌සනන්‌ති ආහ ‘‘සමුද්‌දන්‌තරෙ’’තිආදි. නිරන්‌තරොති නිබ්‌බිසෙසො. සංසග්‌ගාති පඤ්‌චවිධසංසග්‌ගහෙතු. සංසග්‌ගගහණෙන චෙත්‌ථ සංසග්‌ගවත්‌ථුකා තණ්‌හා ගහිතා. තෙනාහ ‘‘දස්‌සන…පෙ.… ස්‌නෙහෙනා’’ති.
100. ‘‘Dhātuso saṃsandantī’’ti idaṃ ajjhāsayato sarikkhatādassanaṃ, na kāyena missībhāvadassananti āha ‘‘samuddantare’’tiādi. Nirantaroti nibbiseso. Saṃsaggāti pañcavidhasaṃsaggahetu. Saṃsaggagahaṇena cettha saṃsaggavatthukā taṇhā gahitā. Tenāha ‘‘dassana…pe… snehenā’’ti.
වනති භජති සජ්‌ජති තෙනාති වනං, වනථොති ච කිලෙසො වුච්‌චතීති ආහ ‘‘වනථො ජාතොති කිලෙසවනං ජාත’’න්‌ති. ඉතරෙ සංසග්‌ගමූලකාති තමෙව පටික්‌ඛිපන්‌තො ආහ ‘‘අදස්‌සනෙනා’’ති. සාධුජීවීති සාධු සුට්‌ඨු ජීවී, තංජීවනසීලො. තෙනාහ ‘‘පරිසුද්‌ධජීවිතං ජීවමානො’’ති.
Vanati bhajati sajjati tenāti vanaṃ, vanathoti ca kileso vuccatīti āha ‘‘vanatho jātoti kilesavanaṃ jāta’’nti. Itare saṃsaggamūlakāti tameva paṭikkhipanto āha ‘‘adassanenā’’ti. Sādhujīvīti sādhu suṭṭhu jīvī, taṃjīvanasīlo. Tenāha ‘‘parisuddhajīvitaṃ jīvamāno’’ti.
සගාථාසුත්‌තවණ්‌ණනා නිට්‌ඨිතා.
Sagāthāsuttavaṇṇanā niṭṭhitā.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / සංයුත්‌තනිකාය • Saṃyuttanikāya / 6. සගාථාසුත්‌තං • 6. Sagāthāsuttaṃ
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) / 6. සගාථාසුත්‌තවණ්‌ණනා • 6. Sagāthāsuttavaṇṇanā
