| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) |
੬. ਸਗਾਥਾਸੁਤ੍ਤવਣ੍ਣਨਾ
6. Sagāthāsuttavaṇṇanā
੧੦੦. ਛਟ੍ਠੇ ਗੂਥੋ ਗੂਥੇਨ ਸਂਸਨ੍ਦਤਿ ਸਮੇਤੀਤਿ ਸਮੁਦ੍ਦਨ੍ਤਰੇ ਜਨਪਦਨ੍ਤਰੇ ਚਕ੍ਕવਾਲ਼ਨ੍ਤਰੇ ਠਿਤੋਪਿ વਣ੍ਣੇਨਪਿ ਗਨ੍ਧੇਨਪਿ ਰਸੇਨਪਿ ਨਾਨਤ੍ਤਂ ਅਨੁਪਗਚ੍ਛਨ੍ਤੋ ਸਂਸਨ੍ਦਤਿ ਸਮੇਤਿ, ਏਕਸਦਿਸੋવ ਹੋਤਿ ਨਿਰਨ੍ਤਰੋ। ਸੇਸੇਸੁਪਿ ਏਸੇવ ਨਯੋ। ਅਯਂ ਪਨ ਅਨਿਟ੍ਠਉਪਮਾ ਹੀਨਜ੍ਝਾਸਯਾਨਂ ਹੀਨਅਜ੍ਝਾਸਯਸ੍ਸ ਸਰਿਕ੍ਖਭਾવਦਸ੍ਸਨਤ੍ਥਂ ਆਹਟਾ, ਖੀਰਾਦਿવਿਸਿਟ੍ਠੋਪਮਾ ਕਲ੍ਯਾਣਜ੍ਝਾਸਯਾਨਂ ਅਜ੍ਝਾਸਯਸ੍ਸ ਸਰਿਕ੍ਖਭਾવਦਸ੍ਸਨਤ੍ਥਂ।
100. Chaṭṭhe gūtho gūthena saṃsandati sametīti samuddantare janapadantare cakkavāḷantare ṭhitopi vaṇṇenapi gandhenapi rasenapi nānattaṃ anupagacchanto saṃsandati sameti, ekasadisova hoti nirantaro. Sesesupi eseva nayo. Ayaṃ pana aniṭṭhaupamā hīnajjhāsayānaṃ hīnaajjhāsayassa sarikkhabhāvadassanatthaṃ āhaṭā, khīrādivisiṭṭhopamā kalyāṇajjhāsayānaṃ ajjhāsayassa sarikkhabhāvadassanatthaṃ.
ਸਂਸਗ੍ਗਾਤਿ ਦਸ੍ਸਨਸવਨਸਂਸਗ੍ਗਾਦਿવਤ੍ਥੁਕੇਨ ਤਣ੍ਹਾਸ੍ਨੇਹੇਨ। વਨਥੋ ਜਾਤੋਤਿ ਕਿਲੇਸવਨਂ ਜਾਤਂ । ਅਸਂਸਗ੍ਗੇਨ ਛਿਜ੍ਜਤੀਤਿ ਏਕਤੋ ਠਾਨਨਿਸਜ੍ਜਾਦੀਨਿ ਅਕਰੋਨ੍ਤਸ੍ਸ ਅਸਂਸਗ੍ਗੇਨ ਅਦਸ੍ਸਨੇਨ ਛਿਜ੍ਜਤਿ। ਸਾਧੁਜੀવੀਤਿ ਪਰਿਸੁਦ੍ਧਜੀવਿਤਂ ਜੀવਮਾਨੋ। ਸਹਾવਸੇਤਿ ਸਹવਾਸਂ વਸੇਯ੍ਯ। ਛਟ੍ਠਂ।
Saṃsaggāti dassanasavanasaṃsaggādivatthukena taṇhāsnehena. Vanatho jātoti kilesavanaṃ jātaṃ . Asaṃsaggena chijjatīti ekato ṭhānanisajjādīni akarontassa asaṃsaggena adassanena chijjati. Sādhujīvīti parisuddhajīvitaṃ jīvamāno. Sahāvaseti sahavāsaṃ vaseyya. Chaṭṭhaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੬. ਸਗਾਥਾਸੁਤ੍ਤਂ • 6. Sagāthāsuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੬. ਸਗਾਥਾਸੁਤ੍ਤવਣ੍ਣਨਾ • 6. Sagāthāsuttavaṇṇanā
