| Library / Tipiṭaka / д̇ибидага • Tipiṭaka / бариваарабаал̣и • Parivārapāḷi |
8. сахад̇хаммигаваг̇г̇о
8. Sahadhammikavaggo
172. бхигкуухи сахад̇хаммигам̣ вужжамаано – ‘‘на д̇ааваахам̣, аавусо, зд̇асмим̣ сигкаабад̣̇з сигкиссаами яаава на ан̃н̃ам̣ бхигкум̣ б̣яад̇д̇ам̣ винаяад̇харам̣ барибужчиссаамий’’д̇и бхан̣анд̇о д̣̇вз аабад̇д̇ияо аабаж̇ж̇ад̇и. бхан̣ад̇и, баяог̇з д̣̇уггадам̣; бхан̣ид̇з аабад̇д̇и баажид̇д̇ияасса.
172. Bhikkhūhi sahadhammikaṃ vuccamāno – ‘‘na tāvāhaṃ, āvuso, etasmiṃ sikkhāpade sikkhissāmi yāva na aññaṃ bhikkhuṃ byattaṃ vinayadharaṃ paripucchissāmī’’ti bhaṇanto dve āpattiyo āpajjati. Bhaṇati, payoge dukkaṭaṃ; bhaṇite āpatti pācittiyassa.
винаяам̣ виван̣н̣знд̇о д̣̇вз аабад̇д̇ияо аабаж̇ж̇ад̇и. виван̣н̣зд̇и, баяог̇з д̣̇уггадам̣; виван̣н̣ид̇з аабад̇д̇и баажид̇д̇ияасса.
Vinayaṃ vivaṇṇento dve āpattiyo āpajjati. Vivaṇṇeti, payoge dukkaṭaṃ; vivaṇṇite āpatti pācittiyassa.
мохзнд̇о д̣̇вз аабад̇д̇ияо аабаж̇ж̇ад̇и. анааробид̇з мохз мохзд̇и, аабад̇д̇и д̣̇уггадасса; ааробид̇з мохз мохзд̇и, аабад̇д̇и баажид̇д̇ияасса.
Mohento dve āpattiyo āpajjati. Anāropite mohe moheti, āpatti dukkaṭassa; āropite mohe moheti, āpatti pācittiyassa.
бхигкусса губид̇о анад̇д̇амано бахаарам̣ д̣̇знд̇о д̣̇вз аабад̇д̇ияо аабаж̇ж̇ад̇и. бахарад̇и, баяог̇з д̣̇уггадам̣; бахад̇з аабад̇д̇и баажид̇д̇ияасса .
Bhikkhussa kupito anattamano pahāraṃ dento dve āpattiyo āpajjati. Paharati, payoge dukkaṭaṃ; pahate āpatti pācittiyassa .
бхигкусса губид̇о анад̇д̇амано д̇аласад̇д̇игам̣ уг̇г̇иранд̇о д̣̇вз аабад̇д̇ияо аабаж̇ж̇ад̇и. уг̇г̇ирад̇и, баяог̇з д̣̇уггадам̣; уг̇г̇ирид̇з аабад̇д̇и баажид̇д̇ияасса.
Bhikkhussa kupito anattamano talasattikaṃ uggiranto dve āpattiyo āpajjati. Uggirati, payoge dukkaṭaṃ; uggirite āpatti pācittiyassa.
бхигкум̣ амуулагзна сан̇гхаад̣̇исзсзна ануд̣̇д̇хам̣сзнд̇о д̣̇вз аабад̇д̇ияо аабаж̇ж̇ад̇и. ануд̣̇д̇хам̣сзд̇и, баяог̇з д̣̇уггадам̣; ануд̣̇д̇хам̣сид̇з аабад̇д̇и баажид̇д̇ияасса.
Bhikkhuṃ amūlakena saṅghādisesena anuddhaṃsento dve āpattiyo āpajjati. Anuddhaṃseti, payoge dukkaṭaṃ; anuddhaṃsite āpatti pācittiyassa.
бхигкусса сан̃жижжа гуггужжам̣ убад̣̇аханд̇о д̣̇вз аабад̇д̇ияо аабаж̇ж̇ад̇и. убад̣̇ахад̇и, баяог̇з д̣̇уггадам̣; убад̣̇ахид̇з аабад̇д̇и баажид̇д̇ияасса.
Bhikkhussa sañcicca kukkuccaṃ upadahanto dve āpattiyo āpajjati. Upadahati, payoge dukkaṭaṃ; upadahite āpatti pācittiyassa.
бхигкуунам̣ бхан̣д̣анаж̇аад̇аанам̣ галахаж̇аад̇аанам̣ виваад̣̇аабаннаанам̣ убассуд̇им̣ д̇идтанд̇о д̣̇вз аабад̇д̇ияо аабаж̇ж̇ад̇и. ‘‘соссаамий’’д̇и г̇ажчад̇и, аабад̇д̇и д̣̇уггадасса; яад̇т̇а тид̇о сун̣аад̇и, аабад̇д̇и баажид̇д̇ияасса.
Bhikkhūnaṃ bhaṇḍanajātānaṃ kalahajātānaṃ vivādāpannānaṃ upassutiṃ tiṭṭhanto dve āpattiyo āpajjati. ‘‘Sossāmī’’ti gacchati, āpatti dukkaṭassa; yattha ṭhito suṇāti, āpatti pācittiyassa.
д̇хаммигаанам̣ гаммаанам̣ чанд̣̇ам̣ д̣̇ад̇ваа бажчаа кийяанад̇хаммам̣ аабаж̇ж̇анд̇о д̣̇вз аабад̇д̇ияо аабаж̇ж̇ад̇и. кияяад̇и, баяог̇з д̣̇уггадам̣; кияяид̇з аабад̇д̇и баажид̇д̇ияасса.
Dhammikānaṃ kammānaṃ chandaṃ datvā pacchā khīyanadhammaṃ āpajjanto dve āpattiyo āpajjati. Khiyyati, payoge dukkaṭaṃ; khiyyite āpatti pācittiyassa.
сан̇гхз винижчаяагат̇ааяа вад̇д̇амаанааяа чанд̣̇ам̣ ад̣̇ад̇ваа удтааяаасанаа баггаманд̇о д̣̇вз аабад̇д̇ияо аабаж̇ж̇ад̇и. барисааяа хад̇т̇абаасам̣ виж̇аханд̇асса аабад̇д̇и д̣̇уггадасса; виж̇ахид̇з аабад̇д̇и баажид̇д̇ияасса.
Saṅghe vinicchayakathāya vattamānāya chandaṃ adatvā uṭṭhāyāsanā pakkamanto dve āpattiyo āpajjati. Parisāya hatthapāsaṃ vijahantassa āpatti dukkaṭassa; vijahite āpatti pācittiyassa.
самаг̇г̇зна сан̇гхзна жийварам̣ д̣̇ад̇ваа бажчаа кийяанад̇хаммам̣ аабаж̇ж̇анд̇о д̣̇вз аабад̇д̇ияо аабаж̇ж̇ад̇и. кияяад̇и, баяог̇з д̣̇уггадам̣; кияяид̇з аабад̇д̇и баажид̇д̇ияасса.
Samaggena saṅghena cīvaraṃ datvā pacchā khīyanadhammaṃ āpajjanto dve āpattiyo āpajjati. Khiyyati, payoge dukkaṭaṃ; khiyyite āpatti pācittiyassa.
ж̇аанам̣ сан̇гхигам̣ лаабхам̣ барин̣ад̇ам̣ буг̇г̇аласса барин̣аамзнд̇о д̣̇вз аабад̇д̇ияо аабаж̇ж̇ад̇и. барин̣аамзд̇и, баяог̇з д̣̇уггадам̣; барин̣аамид̇з аабад̇д̇и баажид̇д̇ияасса.
Jānaṃ saṅghikaṃ lābhaṃ pariṇataṃ puggalassa pariṇāmento dve āpattiyo āpajjati. Pariṇāmeti, payoge dukkaṭaṃ; pariṇāmite āpatti pācittiyassa.
сахад̇хаммигаваг̇г̇о адтамо.
Sahadhammikavaggo aṭṭhamo.
